لوئی ششم شاہ فرانس

لوئی ششم شاہ فرانس
(فرانسیسی میں: Louis VI de France)
معلومات شخصیت
پیدائش	1 دسمبر 1081ء   پیرس
وفات	1 اگست 1137ء (56 سال)
مدفن	باسیلیکا ساں-دونی
طرز وفات	طبعی موت
شہریت	فرانس
اولاد	لوئی ہفتم
والد	فلپ اول آف فرانس
خاندان	خاندان کیپیشان
عملی زندگی
پیشہ	شاہی حکمران
پیشہ ورانہ زبان	لاطینی زبان ،  قدیم فرانسیسی

لوئی ششم (1081ء - 1137ء) فرانسیسی زبان میں le Gros (بھاری بدن والا) اور Le Batailleur (جنگجو) بھی نام دیا جاتا ہے، یہ 1108ء سے لے کر 1137ء تک شاہ فرانس رہا ہے۔

لوئی ششم، خاندان کیپیشان کا پہلا رکن تصور کیا جاتا ہے، وہ ایک جنگجو بہادر تھا، لیکن عمر کی چوتھی دہائی میں وزن بڑھ گیا تھا اور بدن بہت بھاری ہو گیا تھا اس لیے فرانسیسی زبان میں انھیں "le Batailleur" یعنی بھاری بدن والا کہا جاتا ہے، جس کی وجہ سے میدان جنگ میں لڑنا دشوار ہو گیا تھا۔

حالات

لوئی ششم کی پیدائش 1081ء میں پیرس میں ہوئی، اس کا باپ فلپ اول تھا۔ بچپن ہی نہایت بہادر اور جنگی اسلحوں سے کھیلنے کا شوقین تھا، حتی کہ جوانی میں کہا جاتا تھا کہ اس جیسے بہادر جوان کے ہاتھ سے اقتدار نہیں چھینا جا سکتا ہے۔

سنہ 1104ء میں لوزیان دی روشفورٹ سے شادی ہوئی، لیکن تین سال میں علیحدگی ہو گئی اور کوئی اولاد نہیں ہوئی۔ پھر 3 اگست 1115ء میں ایڈیلیڈ مورین سے شادی کی، اس سے اٹھ لڑکے پیدا ہوئے۔ ایڈیلیڈ عہد وسطی کی فرانسیسی ملکاؤں میں سے سب سے متحرک اور سیاسی خاتون شمار کی جاتی ہے۔

تخت نشینی کے وقت حالات

جس وقت لوئی ششم فرانس کا شاہی تخت نشیں ہوا اس زمانے میں فرانس کی مملکت چھوٹے چھوٹے شاہی جاگیرداری میں بکھری ہوئی تھی، جس کی وجہ سے اجتماعی طاقت کمزور ہو گئی تھی۔ لوئی ششم نے آہستہ آہستہ صورت حال کو تبدیل کرنا شروع کر دیا اور خاندان کیپیشان کو مظبوط کرنا شروع کر دیا۔

اور دوسری طرف ایک بڑا چیلنج یہ ہوا کہ لوئی ششم کو ہنری اول شاہ انگلستان کی بڑھتی طاقت کا سامنا کرنا پڑا۔