عبد اللہ یوسف علی

عبد اللہ یوسف علی
معلومات شخصیت
پیدائش	14 اپریل 1872  ممبئی
وفات	10 دسمبر 1953 (81 سال)  بروکووڈ، سرئے
مدفن	بروک ووڈ قبرستان
شہریت	بھارت برطانوی ہند
رکن	رائل سوسائٹی آف لٹریچر
عملی زندگی
مادر علمی	ممبئی یونیورسٹی سینٹ جانز
پیشہ	مترجم،  مصنف
اعزازات
فیلو آف دی رائل سوسائٹی آف لٹریچر
باب اسلام

علامہ عبد اللہ یوسف علی (انگریزی: Abdullah Yusuf Ali) (پیدائش: 4 اپریل، 1872ء - وفات: 10 دسمبر، 1953ء) پاکستان سے تعلق رکھنے والے ممتاز عالم، ادیب اور قرآن پاک کے انگریزی مترجم، مفسر اور اسلامیہ کالج لاہور کے پرنسپل تھے۔

حالات زندگی

عبد اللہ یوسف علی 4 اپریل، 1872ء کو سورت، برطانوی ہندوستان میں پیدا ہوئے۔ انہوں نے بمبئی یونیورسٹی سے بی اے کرنے کے بعد حکومت کے وظیفے پر انگلستان کا سفر اختیار کیا جہاں انہوں نے ایم اے اور ایل ایل ایم کی ڈگریاں سینٹ جانز کالج کیمبرج یونیورسٹی سے حاصل کیں۔ 1906ء میں انہوں نے لنکن ان سے بیرسٹری کا امتحان پاس کیا اور انڈین سول سروس کے امتحان میں ہندوستان بھر میں پہلی پوزیشن حاصل کی۔ وہ مختلف انتظامی عہدوں پر فائز رہے۔ 1925ء میں وہ اسلامیہ کالج لاہور کے پرنسپل، جامعہ پنجاب کے فیلو اور سنڈیکیٹ کے رکن منتخب ہوئے۔

علامہ عبد اللہ یوسف علی نہایت عمدہ علمی ذوق رکھتے تھے۔ وہ زندگی کے آخری ایام میں اسلامیہ کالج لاہور کے پرنسپل مقرر ہوئے تھے۔ اسی زمانے میں انہوں نے قرآن پاک کا انگریزی میں ترجمہ مکمل کیا اور اس کے عمدہ حواشی لکھے۔ ان کی دیگر تصانیف میں انگریزی عہد میں ہندوستان کے تمدن کی تاریخ، مصنوعات ریشم، یوگوسلاویہ اور سربیاکا فن سنگ تراشی، ازمنہ وسطیٰ کا ہندوستان، تشکیل ہنداور ہندوستانی مسلمان کے نام سرفہرست ہیں۔

وفات

عبد اللہ یوسف علی 10 دسمبر، 1953ء لندن، برطانیہ میں وفات پاگئے۔