ڈاکٹر محمد حسین مشاہد رضوی دور حاضر کے ایک محقق ہیں۔ وہ شعر و ادب اردو ادب اور مذہبی تاریخی تحقیقات میں ایک منفرد مقام رکھتے ہیں۔ بالخصوص نعتیہ ادب ان کا شناخت نامہ ہے۔ موصوف نثر و نظم دونوں اصنافِ ادب میں طبع آزمائی کرتے ہیں۔ اردو کے اُبھرتے ہوئے عمدہ نعت گو شاعر، قلم کاراور نعتیہ ادب کے جواں سال محقق و ناقد کے طور پر آپ کا شمار ہوتا ہے۔ آپ کا طرزِ تحریر انتہائی دل نشین، شگفتہ اور سلیس ہے ،مذہبی، اصلاحی،سماجی،تعلیمی اورادبی موضوعات پر اب تک درجنوں تحقیقی و تنقیدی اور تجزیاتی مضامین و مقالات نہ صرف مقامی اخبارات بل کہ ملکی و بین الاقوامی اخبارات و رسائل اور جرائد میں شائع ہو چکے ہیں۔ یہی نہیں بل کہ موصوف کے کئی اہم مضامین کے دوسری زبانوں میں تراجم بھی ہوئے ہیں۔ شاعری میں حمد و مناجات و دعا، نعت گوئی، سلام، اولیاے کرام کی شان میں مناقب اور مقتدر علماے کرام کے لیے نذرانۂ عقیدت کو اپنا مطمحِ نظر بنایا۔
ایم۔ اے اور ڈی۔ ایڈ کے بعد انھوں نے پی۔ ایچ۔ ڈی کی ڈگری حاصل کی جس کا موضوع "(مفتیِ اعظم علامہ) مصطفیٰ رضا نوری بریلوی کی نعتیہ شاعری کا تحقیقی مطالعہ" ہے جسے آپ نے ڈاکٹر بابا صاحب امبیڈکر مراٹھواڑہ یونی ورسٹی، اورنگ آباد، مہاراشٹر میں محترمہ ڈاکٹر شرف النہار صاحبہ، صدر شعبہ اردو ڈاکٹر رفیق زکریا کالج فور ویمن، اورنگ آباد، مہاراشٹر کی زیر نگرانی مکمل کیا۔ مشاہد رضوی[مردہ ربط]
ڈاکٹر محمد حسین مشاہد رضوی سیرت، قرآنیات، احادیث، شاعری، تنقید و تحقیق، ادب اور مذہبی ادب پر تین درجن سے زائد کتب لکھ چکے ہیں۔ جن میں درج ذیل قابل ذکر ہیں۔
چہل حدیث مع گلدستۂ احادیث
اردو کی دل چسپ اور غیر معروف صنعتیں
لمعات بخشش (نعتیہ دیوان)
تذکرہ مجیب
عملی قواعد اردو
نثرِ رضا کے ادبی جواہر پارے
سرکارِ دوعالم صلی اللہ علیہ و آلہ و سلم کی خوش طبعی
جنگ آزادی1857ء کا فتواے جہاد اور علامہ فضل حق کا قائدانہ کردار
تشطیرات بخشش (شعری مجموعہ)
شادی کا اسلامی تصور
پھنس گیا کنجوس (ادب اطفال، مراٹھی کہانیوں کا ترجمہ)
تذکرۂ حسان الہند علامہ آزاد بلگرامی، برکات لائبریری آن لائ، 2016ء
قطعاتِ بخشش (زیرِ ترتیب)
آسان حج و عمرہ، برکات لائبریری آن لائن
فضائل اخلاق : احادیث کی روشنی میں، برکات لائب ریری آن لائن، 2016ء
سیدنا امیر حمزہ : فضائل و مناقب، برکات لائبری آن لائن، 2016ء
جمالِ خلیل کا دل کش جمال، برکات لائب ریری آن لائن، 2016ء
جگر مرادآبادی (شخصیت، شاعری اور منتخب غزلیں)رحمانی پبلی کیشنز، مالیگاؤں 2016ء
مزید کئی کتب و رسائل کی ترتیب و تالیف اور تحقیق و تصنیف کا سلسلہ جاری و ساری ہے، نیز ڈاکٹر مشاہدرضوی کی مرقومہ بیش تر نعتیں بھی جو ادھر ادھر بکھری ہوئی ہیں اُن کو جمع کرکے آپ کا چوتھا نعتیہ مجموعہ عنقریب پیش کیا جائے گا۔ واضح ہوکہ ہیرور، کرناٹک (ہندوستان) سے نعتیہ ادب کے اولین ماہ نامے جہانِ نعت نے جنوری 2013ء میں ڈاکٹر مشاہدرضوی پر خصوصی گوشہ بھی شائع کیا تھا۔
ڈاکٹر محمد حسین مشاہدرضوی کی شعری و نثری نگارشات پر اصحاب علم و فن نے کھل کر دادو تحسین دی ہے اور توصیفی و تنقیدی مضامین و مقالات قلم بند کیے ہیں ۔
