پدماوت (2018ء فلم)

پدماوت
(ہندی میں: पद्मावत)
ہدایت کار	سنجے لیلا بھنسالی
اداکار	دپکا پڈوکون شاہد کپور رنویر سنگھ ادیتی راؤ حیدری جم ساربھ رضا مراد انوپریا گوئنکا
صنف	ڈراما فلم،  رومانوی فلم
ماخوذ از	پدما وت (لـ ملک محمد جائسی)
فلم نویس	سنجے لیلا بھنسالی پرکاش کباڈیا
دورانیہ	192 منٹ
زبان	ہندی
ملک	بھارت
سنیما گرافر	سدیپ چٹرجی
موسیقی	سنچیت بالہرا،  سنجے لیلا بھنسالی
ایڈیٹر	Akiv علی
تقسیم کنندہ	ویاکوم 18 موشن پکچرز،  پیراماؤنٹ پکچرز
تاریخ نمائش	25 جنوری 2018
مزید معلومات۔۔۔
آل مووی	v668245
	tt5935704

پدماوت 2018 میں بھارت میں آنے والی تاریخی رزمیہ فلم ہے۔ یہ فلم پدماوتی پر بنائی گئی ہے۔ اسے بھارت کے معروف ہدایت کار سنجے لیلا بھنسالی بنا رہے ہیں۔ اس فلم کے مرکزی کرداروں میں شاہد کپور، دیپیکا پڈوکون اور رنوریر سنگھ شامل ہیں۔ یہ سہ جہتی فلم جنوری 2018 میں نمائش کے لیے پیش کی جائے گی۔

کردار

دیپیکا پڈوکون بطور پدماوتی – 13 صدی عیسوی کی افسانوی راجپوت ملکہ،پدما وت کے مطابق وہ میواڑ کے راجپوت بادشاہ رتن سنگھ (المعروف رتن سین) کی بیوی تھی۔ ملکہ کے حسن کے قصے سن کر سلطان علاؤ دین خلجی رتن سنگھ کے دار الحکومت چتور کا محاصرہ کر لیتا ہے تاکہ ملکہ کو قید کر سکے۔
شاہد کپور بطور راول رتن سنگھ – میواڑ سلطنت میں گوہیلا (Guhila) خاندان کے آخری راجپوت حکمران، جنہیں علاؤ الدین خلجی کی فوج نے چتوڑ کے قلعے کے محاصرے کے دوران میں شکست دی۔
رنویر سنگھ بطور علا الدین خلجی – سلطنت دہلی کے ترک افغان حکمران تھے۔ وہ خلجی خاندان کے دوسرے طاقتور ترین حکمران تھے ۔ فلم کے مطابق وہ چتور کے قعلے کا محاصرہ کر کے رانی پدماوتی کو اپنی خواہشات کی تکمیل کے لیے حاصل کرنا چاہتے ہیں۔ علاؤ الدین خلجی نے اپنے چچا کو قتل کر کے تخت پر قبضہ کیا تھا۔
ادیتی راؤ حیدری بطور مہرالنساء۔ علاؤ الدین خلجی کی بیوی
رضا مراد بطور جلال الدین خلجی ۔ –خلجی خاندان کے پہلے بادشاہ تھے۔ علاؤ الدین خلجی اُن کا بھتیجا اور داماد تھا۔ جسے صوبہ اودھ میں کڑہ کا حاکم مقرر کیا تھا۔ علاؤ الدین نے دکن میں واقع دیوگری پر حملہ کر کے اسے فتح کیا تھا۔ جب جلال الدین اپنے بھتیجے کی فتح کی خبر سن کر ملاقات کے لیے آیا تو علاؤ الدین نے اسے قتل کر دیا اور پھر اس کے تمام خاندان کا خاتمہ کر کے خود بادشاہ بن گیا
جم سربھ بطور ملک کافور۔ وہ علاؤ الدین خلجی کے مشہور خواجہ سرا غلام جنرل تھے۔
انوپریا گوئنکا بطور نغماتی۔ پدما وت کے مطابق راجا رتن کی پہلی بیوی تھی۔ پدماوت کے مطابق اُن کے پدماوتی سے تعلقات زیادہ بہتر نہیں تھے لیکن علاؤ الدین خلجی کے قلعہ فتح کرنے کے بعد نغماتی نے پدماوتی کے ساتھ ہی جوہر کی رسم ادا کی یعنی وہ پدما وتی کے ساتھ ہی آگ میں کود گئی تھی۔

ریلیز

یہ فلم 1 دسمبر 2017 کو روایتی 2 ڈی اور 3 ڈی میں ریلیز کی جائے گی۔ پیراماؤنٹ اسے دنیا کے 90 ممالک میں ریلیز کرے گا۔

تنازعات

فلم مکمل ہونے سے پہلے ہی تنازعات کا شکار ہو گئی ہے۔ فلم کی شوٹنگ کی دوران میں انتہا پسندوں نے اس کے سیٹ کو بھی آگ لگا دی۔اس سے قبل فلم پدما وتی کے ڈائریکٹر سنجے لیلا بھنسالی پر قاتلانہ حملہ بھی کیا گیا تھا، ریاست مہاراشٹرا کے شہر کولہا پور میں انتہا پسند ہندوؤں نے فلم کے سیٹ پر حملہ کرکے اسے آگ لگا دی تھی۔ فلم پر احتجاج کرنے والوں کا کہنا ہے کہ فلم میں تاریخی حقائق کو مسخ کیا گیا ہے، فلم ساز سنجے لیلا بھنسالی نے حقائق اور تاریخ کے ساتھ چھیڑ چھاڑ کی ہے جسے ہم کسی صورت برداشت نہیں کرینگے۔ ایک انتہا پسند ہندو تنظیم نے فلم میں کام کرنے پر فلم کی ہیروئن کے سر کی قیمت 5 کروڑ روپے رکھ دی ہے۔

بیرونی روابط

• Padmavati آئی ایم ڈی بی پر (انگریزی میں)
• پدما وتی بالی وڈ ہنگامہ پر
• پدما وتی فیس بک صفحہ