ایڈوبی سسٹم

آزاد دائرۃ المعارف، ویکیپیڈیا سے
(اڈوبی نظامات سے رجوع مکرر)
:چھلانگ بطرف رہنمائی، تلاش
ایڈوبی سسٹم انکارپوریشن
قسم عوامی
صنعت مصنع‌لطیف[1]
قیام Flag of ریاستہائے متحدہ امریکہ ماؤنٹین ویو, کیلی فورنیا (1982)
صدر دفتر Flag of ریاستہائے متحدہ امریکہ San Jose, کیلی فورنیا, امریکہ
کلیدی لوگ Charles Geschke, Founder
John Warnock, Founder
Shantanu Narayen, President & CEO
مصنوعات منتجات کی مکمل فہرست دیکھئے
آمدنی increase $3.58 billion USD (2008)[2]
ملازمین 7,173 (February 2009)[3]
ویب سائٹ http://www.adobe.com

ایڈوبی سسٹم (Adobe Systems) مصنع لطیف (software) بنانے والا ایک امریکی کاروباری ادارہ ہے، جس کا مرکزی دفتر سان جوز کیلی فورنیا (San Jose California) ریاستہائے متحدہ امریکہ (United States of America) میں واقع ہے۔ اڈوبی کے زیادہ تر مصنع لطیف (software) تخطیط (graphics)، طباعت (Printing) اور کثیرالوسیط (multimedia) منتجات (products) تخلیق (Create) کرنے کے لیے استعمال ہوتی ہیں۔

اڈوبی نظامیات کی بنیاد دسمبر 1982ء میں جان وارناک (John Warnock) اور چارلس گیسک (Charles Geschke) نے رکھی۔ "اڈوبی" (Adobe) نام رکھنے کا سبب بانی ادارہ کے گھر کی پشت پر بہنے والا "دریاےَ اڈوبی" (Adobe Creek) بنا۔ اڈوبی نظامیات نے شمارندہ تخطیط کے شعبے میں ایسے بامقصد، صارف دوست اور معیاری مصنع لطیف (software) بناےَ کہ ادارے نے دن دگنی رات چوگنی ترقی کی اور اس کے بناےَ ہوے مصنع لطیف (software) جدید تخطیطی عمل میں معیار کی حثیت اختیار کر گئے۔ ترقی کی منزلوں میں ایک اہم واقعہ دسمبر 2005ء میں ہوا جب اڈوبی نظامیات نے اپنے اولین حریف میکرومیڈیا کو خرید کر شمارندہ اور کثیرالوسیط (multimedia) تخطیط میں اپنی اجارہ داری قائم کر لی۔

منتجات (Products)[ترمیم]

اڈوبی کی بہت سی منتجات ہیں مگر ہم اختصار کے پیش نظر صرف اہم اور شہرہ آفاق رکھنے والی منتجات ہی پیش کریں گے۔

پوسٹ اسکرپٹ[ترمیم]

اڈوبی نے کاروبار کا آغاز پوسٹ اسکرپٹ (PostScript) جو کہ زبان براےَ تفصیل صفحہ (page description language) ہے، کو بنانے اور تجارتی بنیادوں پر بیچنے سے کی۔ ایپل کمپیوٹرز نے اپنے لیزر رائیٹر چھاپے خانوں (LaserWriter printers) کے لیے پوسٹ اسکرپٹ کو استعمال کرنے کے لیے اجازت نامہ دیا۔

خط اول[ترمیم]

پوسٹ اسکرپٹ کے بعد اڈوبی نے "رقمی نویسات" (digital fonts) "خط اول" (Type 1) کے نام سے تخلیق کیے۔

اڈوبی ناظم خط[ترمیم]

خط صحیح (True Type) (جس کو ایپل کمپیوٹرز نے بنا کر مائیکروسوفٹ کو بیچا تھا) کا مقابلہ کرنے کے لیے اڈوبی نے "اڈوبی ناظم خط" (Adobe Type Manager) کے نام سے ایک مصنع لطیف (software) جو کہ جو دیکھا وہ پایا (What You See is What You Get) یا جوکایا (WYSIWYG) خصوصیات کا حامل تھا۔ اسکرین پر خط اول کو خط صحیح کی مانند چھوٹا بڑا کرنے کی صلاحیت رکھتا تھا۔ لیکن دیر ہو جانے کی وجہ سے یہ کوششیں خط صحیح کو مقبول عام ہونے سے نہ روک سکیں۔ خط صحیح کاروباری اور عام ونڈوز صارفین میں معیار بن گیا جبکہ خط اول طباعت اور تخطیط کے شعبے میں معیار تصور کیا جانے لگا۔

خط آزاد[ترمیم]

1996ء میں اڈوبی نظامات اور مائیکروسوفٹ نے خط آزاد (OpenType) کے نام سے شکلبند براےَ نویسات (font format) کے اجراء کا اعلان کیا اور اڈوبی نظامات نے 2003ء میں خط اول کے تمام تر مجموعے کو خط آزاد میں منتقل کرنے کا عمل مکمل کیا۔

اڈوبی مصور[ترمیم]

80ء کے عشرہ کے وسط میں اڈوبی، تخطیطی مصنع لطیف (software) کے صارفی بازار میں "اڈوبی مصور" (Adobe Illustrator) کے ذریعے داخل ہوا جو کہ شمارندی نقاشی کرنے کے لیے سمتی تخطیط کا شمارندی برنامج ہے۔ شروع میں اڈوبی مصور ایپل میکنتاش (Macintosh) کے لیے بنایا گیا تھا۔ اب یہ مختلف تعملیاتی نظاموں (operating systems) کے لیے دستیاب ہے۔

اڈوبی تصویر نگار[ترمیم]

1989ء میں ادارہ نے ایپل میکنتاش (Macintosh) کے لیے "اڈوبی تصویر نگار" (Adobe Photoshop) کے نام سے ایک ایسا مصنع لطیف (software) متعارف کرایا جو اڈوبی کی پہچان بن گیا اور اس نے اڈوبی کے سارے شمارندی برنامجوں کو پیچھے چھوڑ دیا۔ "اڈوبی مصور" (Adobe Illustrator) کے برعکس "اڈوبی تصویر نگار" (Adobe Photoshop) بنیادی طور پر تثمی نقشہ جاتی تخطیط (bitmap graphics) یا راسٹر تخطیط (Raster Graphics) کا شمارندی برنامج ہے۔ برسوں کی نمو کے بعد اب "اڈوبی تصویر نگار" (Adobe Photoshop) اپنے اندر سمتی تخطیط کی خصوصیات بھی رکھتا ہے۔

"اڈوبی تصویر نگار" (photoshop) کے ذریعے شمارندہ میں موجود تصاویر کو مزید بہتر اور مفید بنانے کے لیے ان میں ترمیم کی جاتی ہے۔ اس میں بہت سے "اثر انداز" (effects) اور اوزار (tools) موجود ہیں جو تصاویر کو نکھارنے اور تصاویر کے ملاپ کے لیے معاون و مددگار ہوتے ہیں۔ جدید تصویر نگاری کی صنعت کو "اڈوبی تصویر نگار" (Adobe Photoshop) کے بغیر ادھورا تصور کیا جاتا ہے۔

"اڈوبی مصور" (Adobe Illustrator) کی طرح شروع میں "اڈوبی تصویر نگار" (Adobe Photoshop) ایپل میکنتاش (Macintosh) کے لیے بنایا گیا تھا۔ اب یہ مختلف تعملیاتی نظاموں (operating systems) کے لیے دستیاب ہے۔

اڈوبی صفحہ‌ساز[ترمیم]

اڈوبی صفحہ‌ساز (Adobe Pagemaker) دراصل اڈلس (Adlus) نے تخلیق کی تھی مگر اڈلس (Adlus) کو تحصیلنے کے بعد یہ اڈوبی نظامیات کی منتج بن گئی۔ یہ شمارندی برنامج (computer program) برمیزی طباعت (Desktop Publishing) کے لیے استعمال کیا جاتا ہے۔

اڈوبی بعد از اثر انگیزی[ترمیم]

اڈوبی بعد از اثر انگیزی (Adobe After Effects) کو Company of Science and Arts یا CoSA نے بنایا تھا اور اڈلس کو بیچ دیا تھا جو اڈلس تحصیلانے (Aquire) کے بعد اڈوبی کی منتج بن گیا۔ اڈوبی بعد از اثر انگیزی (Adobe After Effects) منظرہ اور متحرک تخطیط (Video and Motion Graphics) میں "بعد از پیداوار" (Post Production) کے مرحلے پر استعمال کیا جاتا ہے۔ اس میں موجود اوزاروں کے ذریعے ترمیم سے منظرہ (Video) کے معیار کو بہتر اور اثر انگیز بنایا جاتا ہے۔ اکثر اس کے ذریعے منظرہ (Video) میں مصنوعی مناظر یا ماحول وغیرہ بھی شامل کیا جاتا ہے جو ناظرین کو بالکل حقیقی دکھائی دیتا ہے اور بعض اوقات انہیں فرط حیرت میں مبتلا کر دیتا ہے۔

اڈوبی پریمیئر[ترمیم]

دسمبر 1991ء میں اڈوبی پریمیئر (Adobe Premier) کو جاری کیا گیا۔ یہ اعلی معیار کے منظرہ (Video) کی بےترتیب تدوین و ترمیم کے لیے جانا جاتا ہے۔ یہ منظرہ اور متحرک تخطیط (Video and Motion Graphics) میں "بعد از پیداوار" (Post Production) کے مرحلے پر استعمال کیا جاتا ہے۔ اس میں موجود اوزاروں کے ذریعے منظرہ (Video) کی تدوین اور ترمیم کر کے مطلوبہ منظرہ (Video)کا حصول ممکن ہوتا ہے۔ آواز اور موسیقی کو منظرہ (Video) میں شامل کرنے کی سہولت بھی اس میں موجود ہے نیز اس کے ذریعے منظرہ (Video) کے معیار کو بہتر اور اثر انگیز بنایا جاتا ہے۔

اڈوبی اندرون طرحبند[ترمیم]

برمیزی طباعت کے شعبے کے لیے 1987ء میں جاری ہونے والا قوارک ایکس پریس (QuarkXpress) جلد ہی اس شعبے میں معیار بن چکا تھا اور اس کے مقابلے میں اڈوبی صفحہ گر (Adobe Pagemaker) کو خاص کامیابی نصیب نہ ہو سکی جسکا ازالہ کرنے کے لیے اڈوبی نظامات نے "اڈوبی اندرون طرحبند" (Adobe InDesign) بشمول تخلیقی عملہ (Creative Suite) جاری کیا۔ اس شمارندی برنامج (computer program) نے جلد ہی برمیزی طباعت (Desktop Publishing) میں اپنے حریف قوارک ایکس پریس (QuarkXpress) کو پیچھے چھوڑدیا اور اپنی اجارہ داری قائم کرلی۔

اڈوبی چمکارہ[ترمیم]

اڈوبی چمکارہ (Adobe Flash) کو "لہر مستقبل مصنع لطیف (FutureWave Software)" نامی ادارہ نے "مستقبلی جھکولنا (Future Splash)" کے نام سے 1995ء میں متعارف کرایا۔ میکرومیڈیا نے یہ مصنع لطیف خرید کر اسے "میکرومیڈیا چمکارہ" (Macromedia Flash) کا نام دیا بعد ازاں اڈوبی نظامات نے میکرومیڈیا کو تحصیل لیا اور جالبین دنیا میں جاندار تخطیط (Animated Graphics) سے انقلاب پرپا کرنے والے اس مصنع لطیف کو اڈوبی چمکارہ (Adobe Flash) کے نام سے جاری کیا گیا۔ اڈوبی چمکارہ (Adobe Flash) ایسا شمارندی برنامج (Computer Program) جس کے ذریعے جالبین پر موجود موقع جال یا صفحہ جال کے لیے جاندار (Animated) یا متحرک تخطیط (Motion Graphics) بنائی جاسکتی ہے۔ جاندار تخطیط (Animated Graphics) بنانے والے دیگر برنامجوں کے برعکس اڈوبی چمکارہ (Adobe Flash) سمتی تخطیط (Vector Graphics) کے طريق کار کو استعمال کر کے دو جہتی (2Dimensional) جاندار تخطیط بناتا ہے۔ جس کے باعث بنائی جانے والی تخطیط (Graphics) کم وزن ہونے کے باعث جلد صارف کے شمارندہ میں زیر اثقال (Download) ہو جاتی ہے۔

اڈوبی خواب گر[ترمیم]

اڈوبی چمکارہ کی طرح اڈوبی خواب گر (Adobe Dreamweaver) بھی میکرومیڈیا کی ایک منتج (Product) تھی جو بعد میں اس وقت اڈوبی کا حصہ بن گئی جب میکرومیڈیا کو اڈوبی نے تحصیل لیا۔ یہ منتج ایسی شمارندی برنامج (Program) ہے جس کی مدد سے وراۓ متن زبان تدوین (HyperText Markup Language) کی ترمیز کو جو دیکھا وہ پایا کے طریق کار کے ذریعے آسانی سے لکھا جاسکتا ہے۔ اس میں ایسے اوزار (tools) موجود ہیں جن کی مدد سے صفحۂ جال یا صفحۂ حبالہ (web page) با آسانی بنایا جا سکتا ہے۔ صفحۂ حبالہ (web page) یا مکمل موقعِ حبالہ (web site) (جو دراصل بہت سے صفحات حبالہ یا web pages پر مشتمل ہوتی ہے۔) کو بنانے کے لیے جتنی بھی شمارندی زبانیں یا طریق کار (techniques) استعمال ہوتے ہیں ان کو لکھنے کے لیے اڈوبی خواب گر (Adobe Dreamweaver) جو دیکھا وہ پایا کے طریق کار (technique) کے ذریعے مکمل معاونت (support) فراہم کرتا ہے۔

اڈوبی آتش بازی[ترمیم]

اڈوبی آتش بازی (Adobe Fireworks) کو میکرومیڈیا نے خود بنایا اور اب یہ اڈوبی نظامات کی منتج بن چکا ہے۔ یہ سمتی و تثمی نقشہ جاتی تخطیط کی خصوصیات رکھنے کے ساتھ ساتھ تخطیط حبالہ (web graphics) بنانے کی بہترین صلاحیت (ability) رکھتا ہے۔ اسی وجہ سے یہ زیادہ تر ترحکار حبالہ (web designer) میں زیادہ مقبول و عام ہے۔

اڈوبی نٹ[ترمیم]

اڈوبی نٹ (Adobe Acrobat) کو نقل‌پذیر دستاویزی شکلبند (PDF / Portable document format) کو بنانے، ترمیم کرنے اور پڑھنے کے لیے استعمال کیا جاتا ہے۔

اڈوبی دست آزاد[ترمیم]

دست آزاد (Freehand) کو بنانے والے آلٹسس (Altsys) نے اس منتج کی فروخت کے لیے آلڈس (Aldus) کو کاروباری اجازت نامہ (License) کو دے دیا تھا۔ جب اڈوبی نظامات نے آلڈس (Aldus) کو اپنے اندر ضم (merge) کر لیا تو کاروباری وجوہات کی بنا پر قانونی چارہ جوئی کے بعد اس منتج کے حقوق کو آلٹسس (Altsys) کی جانب واپس لوٹا دیا گیا۔ آلٹسس (Altsys) کو بعد میں میکرومیڈیا نے خرید لیا اور دست آزاد (Freehand) کو ایپل میکنتاش کے لیے جاری کیا جو بہت کامیاب رہا۔ میکرومیڈیا کو تحصیلنے کے بعد یہ ایک مرتبہ پھر واپس اڈوبی کے پاس آگئی ہے۔ اس مصنع لطیف (software) کو اڈوبی مصور کی طرح دو جہتی سمتی تخطیط (2D vector graphics) بنانے کے لیے استعمال کیا جاتا ہے۔

نیز دیکھئے[ترمیم]


حوالہ جات[ترمیم]

  1. ^ Adobe - Company Overview - Hoover's
  2. ^ "Company Profile for Adobe Systems Inc (ADBE)". http://zenobank.com/index.php?symbol=ADBE&page=quotesearch. Retrieved 2008-09-29.
  3. ^ خطا در حوالہ: غلط <ref> ٹیگ؛ حوالہ بنام fastfacts کے لیے کوئی متن فراہم نہیں کیا گیا