آئزک نیوٹن

سر
آئزک نیوٹن
(انگریزی میں: Isaac Newton)
معلومات شخصیت
پیدائش	25 دسمبر 1642  وولزتھورپ مانور،وولزتھورپ-بائی-کولسٹرورتھ
وفات	20 مارچ 1727 (85 سال)  کنزنگٹن
مدفن	ویسٹمنسٹر ایبی
رہائش	انگلستان
شہریت	مملکت انگلستان مملکت برطانیہ عظمی
رکن	رائل سوسائٹی
عملی زندگی
مادر علمی	ٹرینٹی کالج، کیمبرج (31 مئی 1661–31 جولا‎ئی 1665) ٹرینٹی کالج، کیمبرج (31 مارچ 1667–1668)
تعلیمی اسناد	فاضل الفنیات،ماسٹر آف آرٹس
پیشہ	ریاضی دان،طبیعیات دان،فلسفی،ماہر فلکیات،الٰہیات دان،موجد،سیاست دان،جامع العلوم،استاد جامعہ،غیر فکشن مصنف،نظری طبیعیات
پیشہ ورانہ زبان	لاطینی زبان،انگریزی
شعبۂ عمل	طبیعیات،میکانیات،ریاضی،فلکیات
کارہائے نمایاں	فلکس آین کے طریقے
مؤثر	رینے دیکارت
اعزازات
نائٹ بیچلر  (1705) رائل سوسائٹی فیلو (1667)
دستخط

سر آئزک نیوٹن (انگریزی: Sir Isaac Newton) (4 جنوری 1643ء – 31 مارچ 1727ء) ایک انگریز طبیعیات دان، ریاضی دان، ماہر فلکیات، فلسفی اور کیمیادان تھے جن کا شمار تاریخ کی انتہائی اہم شخصیات میں ہوتا ہے۔ 1687ء میں چھپنے والی ان کی کتاب قدرتی فلسفہ کے حسابی اصول (لاطینی: Philosophiæ Naturalis Principia Mathematica) سائنس کی تاریخ کی اہم ترین کتاب مانی جاتی ہے جس میں کلاسیکی میکینکس کے اصولوں کی بنیاد رکھی گئی۔ اسی کتاب میں نیوٹن نے کشش ثقل کا قانون اور اپنے تین قوانین حرکت بتائے۔ یہ قوانین اگلے تین سو سال تک طبیعیات کی بنیاد بنے رہے۔ نیوٹن نے ثابت کیا کہ زمین پر موجود اجسام اور سیارے اور ستارے ایک ہی قوانین کے تحت حرکت کرتے ہیں۔ اس نے اپنے قوانین حرکت اور کیپلر کے قوانین کے درمیان مماثلت ثابت کر کے کائنات میں زمین کی مرکزیت کے اعتقاد کو مکمل طور پر ختم کر دیا اور سائنسی انقلاب کو آگے بڑھانے میں مدد دی۔ اور آئزک نیوٹن نے مسیحیت کے مشهور ٹرینیٹی کے نظریے کو رد کر دیا -

نیوٹن اور مالیات

نیوٹن 1700ء سے 1727ء تک شاہی ٹکسال (Royal Mint) کا سربراہ رہا تھا جو مملیکت کے لیے سکے بنایا کرتی تھی۔ اس وقت کاغذی کرنسی بھی گردش میں آ چکی تھی۔ نیوٹن اسٹاک مارکیٹ میں بری طرح ناکام رہا اور اپنی دولت کا بڑا حصہ شیئر میں سرمائیہ کاری کر کے گنوا بیٹھا۔

“I can calculate the movement of stars, but not the madness of men.”

فروری 1720 میں نیوٹن نے South Sea کے کچھ شِئیر خریدے اور صرف مہینے دیڑھ مہینے بعد جب ان کی قیمت دوگنی ہو گئیں تو خوشی خوشی بیچ کر منافع حاصل کر لیا۔ مگر نیوٹن نے دیکھا کہ جولائی تک ان کی قیمت تین گنی ہو چکی ہے اور اس کے جن دوستوں نے شیئر نہیں بیچے تھے وہ اب بڑے امیر ہو گئے ہیں۔ اس پر نیوٹن نے بڑی مقدار میں مزید شیئر خریدے جن کی قیمتیں تیزی سے اوپر جا رہی تھیں۔ لیکن اگست کے مہینے سے قیمتیں تیزی سے گریں اور نومبر تک نیوٹن زبردست نقصان اٹھا چکا تھا۔