شہاب الدین النویری

شیخ
شہاب الدین النویری
(عربی میں: أحمد بن عبد الوهَّاب بن أحمد بن عبد الوهَّاب بن عبادة البكري النويري)
معلومات شخصیت
پیدائش	سنہ 1278ء   اخمیم
وفات	5 جون 1333ء (54–55 سال)  قاہرہ
عملی زندگی
مادر علمی	جامعہ الازہر
پیشہ	مورخ ،  قاموس نگار ،  خطاط ،  شاعر ،  ادیب ،  مصنف
مادری زبان	عربی
پیشہ ورانہ زبان	عربی
شعبۂ عمل	جغرافیہ ،  تاریخ اسلام ،  حیوانیات ،  نباتیات ،  عربی ادب
کارہائے نمایاں	نہایۃ الارب فی فنون الادب

شہاب الدین النویری (پیدائش: 5 اپریل 1279ء— وفات: 5 جون 1333ء) مصر کے مسلم ماہر دائرۃ المعارف، محقق، خطاط، شاعر، ادیب اور مؤرخ تھے۔

سوانح

النویری کی پیدائش 21 ذوالقعدہ 677ھ مطابق 5 اپریل 1279ء کو ہوئی۔ بعض مؤرخین کے مطابق النویری قوص میں پیدا ہوئے تھے، البتہ اخمیم کا حوالہ مستند ثابت ہوتا ہے۔النویری موجودہ مصری ضلع محافظہ بنی سیوف کے گاؤں النویرہ میں پیدا ہوئے تھے۔ ابتدائی تعلیم کے متعلق حقائق پردۂ اخفا میں ہیں لیکن انھوں نے تعلیم جامعۃ الازہر میں حاصل کی۔ تفسیر، حدیث، عربی ادب اور تاریخ سے متعلق اپنے عہد کے ممتاز علما سے تحصیل علم کیا۔ عہد شباب میں وہ بطور خطاط کے کام کرنے لگے۔ عربی زبان میں ادب سے خاصا شغف تھا اور عربی کتب کی خطاطی سے وہ بہترین معاوضہ حاصل کیا کرتے تھے۔ خوشخطی اور خوش نویسی میں کمالِ مہارت حاصل تھا اور النویری کے ہاتھ کا لکھا ہوا صحیح بخاری کا ایک نسخہ ایک ایک ہزار دینار میں فروخت ہوتا تھا۔ جامعۃ الازہر سے تحصیل علم سے فراغت پائی تو سلطان ملک الناصر بن قلاوؤن کے ندیم خاص کی حیثیت سے تقرری ہوئی۔ سلطان الناصر کی نظر عاطفت اور اپنی قابلیت و لیاقت کی بنا پر جلیل القدر مناصب پر فائز ہوتے رہے۔ ہر کام کو نہایت خوبی کے ساتھ انجام دیا اور کوتوال، محصل اور ناظر جیسے عہدوں سے گزرتے ہوئے طرابلس الغرب کے لشکر کی سپہ سالاری حاصل کی۔ سلطان الناصر کے بعض مخصوص اُمور میں اُن کے نائب بھی رہے۔ مختلف علمی، مالی اور سیاسی اِداروں میں کام کرنے کی وجہ سے اُن کی علمی وسعت و نظر بہت زیادہ ہو گئی تھی، چنانچہ اُن کی تصنیف اِس بات کی طرف اشارہ کرتی ہے کہ انھیں یہ خشک زِندگی پسند نہ آئی اور وہ جلد ہی سلطانی مراتب و مناصب سے الگ ہو کر درس و تدریس اور علوم و فنون کے مطالعہ میں مشغول ہو گئے۔ باقی تمام عمر تصنیف و تالیف اور درس و تدریس میں بسر کی۔

وفات

النویری نے 54 سال شمسی کی عمر میں بروز منگل 5 جون 1313ء کو قاہرہ میں وفات پائی۔

مزید دیکھیے

• نہایۃ الارب فی فنون الادب