22 مارچ 2020ء کو چودہ گھنٹوں کے لیے جنتا کرفیو نافذ ہوگا۔ ضروری خدمت گار مثلاً پولیس، طبی عملہ، ذرائع ابلاغ، گھر گھر سامان پہنچانے والے افراد اور آگ بجھانے والے عملہ کو چھوڑ کر بقیہ ہر شعبہ زندگی کے افراد اس کرفیو میں لازماً حصہ لیں گے۔ نیز تمام شہریوں سے درخواست کی گئی ہے کہ وہ مذکورہ مستثنیٰ کردہ افراد کی خدمات کو سراہنے کے لیے پانچ بجے وہ اپنے دروازوں، کھڑکیوں اور بالاخانوں پر کھڑے ہوں اور زور زور سے تالیاں یا گھنٹیاں بچائیں۔[2]نیشنل کیڈٹ کارپس اور نیشنل سرویس اسکیم کا عملہ اس کرفیو کو نافذ کرے گا۔[3] علاوہ ازیں وزیر اعظم نے تمام جوانوں سے یہ درخواست بھی کی ہے کہ وہ کم از کم دس مزید افراد کو اس جنتا کرفیو سے آگاہ کریں اور ہر شخص اس منصوبے پر عمل کرے۔[3]
دہلی میں آٹو ٹیکسی یونین نے کہا کہ وہ جنتا کرفیو کے دوران میں آٹو نہیں چلائے گی۔[4]
جنتا کرفیو کے دوران میں ریاستوں کے منصوبے اور احتیاطی تدابیر[ترمیم]
کچھ ریاستوں نے میٹرو، بس، ٹرام اور مونو ریل کی خدمات معطل کر دی ہیں۔[5][6] تمل ناڈو نے فیصلہ کیا ہے کہ جنتا کرفیو کے دوران میں جیل میں کوئی کسی سے ملنے نہیں آئے گا نیز ماہی گیری پر بھی پابندی لگا دی گئی ہے۔[7][5] ضروری اشیا کے لیے کام کرنے والے ملازمین ہی ممبئ کی لوکل ٹرین میں سفر کرنے کے مجاز ہیں اور کل 3700 ٹرینیں منسوخ ہو گئی ہیں۔[8][9][5]
.svg){kind=small}
