رومیلا تھاپر

رومیلا تھاپر
معلومات شخصیت
پیدائش	30 نومبر 1931ء (93 سال)  لکھنؤ
شہریت	بھارت (15 اگست 1947–) برطانوی ہند (–14 اگست 1947) ڈومنین بھارت (15 اگست 1947–)
رکنیت	امریکی اکادمی برائے سائنس و فنون ،  برٹش اکیڈمی ،  امریکن فلوسوفیکل سوسائٹی
عملی زندگی
مادر علمی	پنجاب یونیورسٹی اسکول آف اورینٹل اینڈ افریقن اسٹڈیز، یونیورسٹی آف لندن
پیشہ	تاریخ دان ،  استاد جامعہ ،  مصنفہ ،  پروفیسر
پیشہ ورانہ زبان	انگریزی
نوکریاں	جواہر لعل نہرو یونیورسٹی
اعزازات
کولگے انعام (2008) ایڈن برگ رائل سوسائٹی فیلو شپ (2006) فوکوکا ایشیائی ثقافت انعام   (1997) فیلو آف امریکن اکیڈمی آف آرٹ اینڈ سائنسز جواہر لعل نہرو فیلوشپ

رومیلا تھاپر (انگریزی: Romila Thapar; ہندی: रोमिला थापर‎) ایک بھارتی مؤرخ ہیں جن کا بنیادی موضوع قدیم ہندوستان ہے۔ وہ کئی کتابوں کی مصنفہ ہیں۔ وہ فی الوقت جواہر لال نہرو یونیورسٹی کی متقاعد پروفیسر ہیں۔ انھیں دو مرتبہ پدم بھوشن کی پیش کش ہوئی، لیکن انھوں نے دونوں مرتبہ انکار کر دیا۔

کام

رومیلا نے 1953ء میں پنجاب یونیورسٹی سے بی اے ادب میں کیا، اس کے بعد لندن چلی گیئں، وہاں لندن یونیورسٹی کے اسکول آف اورینٹل اینڈ افریقن سٹڈیز، یونیورسٹی آف لندن میں ممتاز مؤرخ و ماہر ہندویات اے آر باشم کے ساتھ تاریخ پر کام کیا اور علم تاریخ میں ڈاکٹریٹ کی سند 1958ء میں حاصل کی۔ رومیلا 1961 اور 1962 مین جامعہ کروکشیتر میں ریڈر کے عہدے پر کام کرتی رئیں اس کے بعد اسی عہدے پر جامعہ دہلی میں 1963ء سے 1970ء تک کام کیا۔ اس کے بعد جواہر لال نہرو یونیورسٹی، دہلی میں قدیم ہندوستان کی تاریخ کی پروفیسر مقرر ہوئیں، آپ اس وقت بھی امریطس پروفیسر (اعزازی حیثیت) ہیں۔

تاریخ نویسی پر نظر ثانی

تھاپر قدیم ہندوستان کی تاریخ پر سامراجی تشریحات کی شدید ناقد ہیں، ان کا ماننا ہے کہ انگریز سامراج کے آنے سے پہلے کوئی نہیں کہتا تھا کہ وہ ہندو کمیونٹی سے ہے یا مسلمان کیمونٹی سے اس کا تعلق ہے، تب لوگ اپنی ذات، مذہب اور زبان سے تعارف کراتے تھے، برطانوی سامراج نے مذہب کی بنیاد پر تفریق کی اور اسے گہرا کیا اور سارے ہندوستان میں پھیلا دیا، اسے تاریخ کا حصہ بنا دیا۔ تھاپر سومنات پر محمود غزنوی کے حملے سے متعلق بہت سی باتوں کو اور اس پر انیسویں صدی میں شروع ہونے والے ہندو مسلم تنازع کو بھی انگریز کی چال اور فرقہ واریت پیدا کرنے کی سازش قرار دیتی ہیں۔

تنازعات

تھاپر کی 2003ء میں کتب خانہ کانگریس کی کولگے چیئر میں تقرری ہوئی تو ایک آن لائن استدعا جس پر دو ہزار لوگوں نے اپنے دستخط کیے تھے، اس وجہ سے روک دی گئی، اس استدعا (پٹیشن) کی بنیاد یہ تھی کہ رومیلا تھاپر مارکسی اور ہندو مخالف ہے اور یہ بائیں بازو والوں کے لیے امریکی پیسے کا ضیاع ہے۔

بیرونی روابط

• Audio of Romila Thapar's 2005 lecture, "Interpretations of Early Indian History" at the Walter Chapin Simpson Center for the Humanities
• "Delhi Historians Group's Publication "Communalization of Education: The History Textbooks Controversy"، A report in 2002, New Delhi: Jawaharlal Nehru University, India