بلند ایجوت

بلند ایجوت
(ترکی میں: Mustafa Bülent Ecevit)
معلومات شخصیت
پیدائش	28 مئی 1925  استنبول
وفات	5 نومبر 2006 (81 سال)  انقرہ
وجہ وفات	دماغی جریان خون
مدفن	ترک ریاستی قبرستان
شہریت	ترکی
مناصب
وزیر اعظم ترکی
برسر عہدہ 26 جنوری 1974  – 17 نومبر 1974
وزیر اعظم ترکی
برسر عہدہ 21 جون 1977  – 21 جولا‎ئی 1977
سلیمان دیمیرل  سلیمان دیمیرل
وزیر اعظم ترکی
برسر عہدہ 5 جنوری 1978  – 12 نومبر 1979
سلیمان دیمیرل  سلیمان دیمیرل
نائب وزیر اعظم ترکی
برسر عہدہ 30 جون 1997  – 11 جنوری 1999
تانسو چیلر
وزیر اعظم ترکی
برسر عہدہ 11 جنوری 1999  – 18 نومبر 2002
عبد اللہ گل
عملی زندگی
مادر علمی	اسکول آف اورینٹل اینڈ افریقن اسٹڈیز، یونیورسٹی آف لندن
پیشہ	سیاست دان،  مصنف،  شاعر،  مترجم،  صحافی،  سفارت کار
پیشہ ورانہ زبان	ترک
اعزازات
آرڈر آف اسٹار آف رومانیہ
دستخط

بلند ایجوت

بلند ایجوت ترکی کے سابق وزیراعظمہیں۔ چالیس کے سیاسی کیریئر میں پانچ بار ترکی کے وزیر اعظم بنے۔ انہیں سن دو ہزار دو میں اس وقت اقتدار سے الگ کیا گیا جب انہوں نے صحت کی خرابی کی بنیاد پر مستعفی ہونے سے انکار کر دیا۔ ان کو اس وقت ترکی میں اقتصادی مشکلات کے لیے ذمہ دار ٹھہرایا گیا تھا۔

ایجوت نے 1974ء میں قبرص میں ترک اقلیت کے تحفظ کے لیے جزیرے پر حملے کا حکم دیا تھا جس کے بعد ہونے والی قبرص کی تقسیم آج بھی قائم ہے۔ ایجوت نے ترکی کو یورپی یونین کی رکنیت اور مغرب کے قریب لانے میں اہم کردار ادا کیا۔ ایجوت سوشلسٹ تھے اور انہوں ملک میں مذہبی جماعتوں کی سخت مخالفت کی۔ انہوں نے 1974ء میں ترکی میں پہلے بائیں بازو سے تعلق رکھنے والے وزیر اعظم کی حیثیت سے عہدہ سنبھالا لیکن اپنے سماجی جمہوری نظریات کے باوجود وہ انتہائی قوم پرست رہے۔ قبرص پر حملے کے بعد ترکی میں انہیں ہیرو کا درجہ مِل گیا لیکن سال ختم ہونے سے پہلے ان کی مخلوط حکومت ٹوٹ گئی اور وہ اقتدار سے ہٹ گئے۔

1980ء کی دہائی میں فوجی بغاوت کے بعد انہیں قید میں بھی رکھا گیا۔ ان کے خلاف دس سال تک سیاست میں حصہ لینے پر پابندی رہی جس دوران انہوں نے ایک اعتدال پسند بزرگ سیاست داں کی شہرت حاصل کر لی۔ انیس سو نناوے میں ان کے دورِ اقتدار میں ترکی کو یورپی یونین کی رکنیت کے امیدوار کے طور پر تسلیم کر لیا گیا۔

2002ء میں ترکی میں کرنسی کی قیمت میں کمی کے بعد حالات اتنے خراب ہو گئے کہ معیشت کو بچانے کے لیے آئی ایم ایف کی مدد حاصل کرنا پڑی۔ بلند ایجوت نے انتخابات میں ناکامی کے بعد سن دو ہزار چار میں فعال سیاست سے علیحدگی اختیار کر لی۔