مائیکل جیکسن

آزاد دائرۃ المعارف، ویکیپیڈیا سے
Jump to navigation Jump to search
مائیکل جیکسن
(انگریزی میں: Michael Jackson ویکی ڈیٹا پر (P1559) کی خاصیت میں تبدیلی کریں
Michael Jackson Dangerous World Tour 1993.jpg
 

معلومات شخصیت
پیدائشی نام (انگریزی میں: Michael Joseph Jackson ویکی ڈیٹا پر (P1477) کی خاصیت میں تبدیلی کریں
پیدائش 29 اگست 1958[1][2][3][4][5][6][7]  ویکی ڈیٹا پر (P569) کی خاصیت میں تبدیلی کریں
گری، انڈیانا  ویکی ڈیٹا پر (P19) کی خاصیت میں تبدیلی کریں
وفات 25 جون 2009 (51 سال)[8][9][10][11][12][4][5]  ویکی ڈیٹا پر (P570) کی خاصیت میں تبدیلی کریں
لاس اینجلس[13][8]  ویکی ڈیٹا پر (P20) کی خاصیت میں تبدیلی کریں
وجہ وفات دورۂ قلب  ویکی ڈیٹا پر (P509) کی خاصیت میں تبدیلی کریں
مدفن قبرستان فارسٹ لان میموریل پارک[14]  ویکی ڈیٹا پر (P119) کی خاصیت میں تبدیلی کریں
طرز وفات قتل[15]  ویکی ڈیٹا پر (P1196) کی خاصیت میں تبدیلی کریں
شہریت Flag of the United States (1795-1818).svg ریاستہائے متحدہ امریکا  ویکی ڈیٹا پر (P27) کی خاصیت میں تبدیلی کریں
قد 175 سنٹی میٹر[16]  ویکی ڈیٹا پر (P2048) کی خاصیت میں تبدیلی کریں
والد جو جیکسن  ویکی ڈیٹا پر (P22) کی خاصیت میں تبدیلی کریں
والدہ کیتھرین جیکسن  ویکی ڈیٹا پر (P25) کی خاصیت میں تبدیلی کریں
بہن/بھائی
ریبی جیکسن،  جینٹ جیکسن،  لا ٹویا جیکسن،  جرمین جیکسن،  مارلن جیکسن،  رینڈی جیکسن،  جیکی جیکسن،  ٹیٹو جیکسن،  برینڈن جیکسن  ویکی ڈیٹا پر (P3373) کی خاصیت میں تبدیلی کریں
خاندان جیکسن خاندان  ویکی ڈیٹا پر (P53) کی خاصیت میں تبدیلی کریں
فنی زندگی
صنف پاپ موسیقی،  ڈسکو،  راک موسیقی،  بلوز موسیقی،  ہپ ہاپ موسیقی،  ہارڈ راک،  سامبا  ویکی ڈیٹا پر (P136) کی خاصیت میں تبدیلی کریں
آواز کی قسم دھیوٹ  ویکی ڈیٹا پر (P412) کی خاصیت میں تبدیلی کریں
آلات موسیقی صوت،  پیانو[17][18][19]  ویکی ڈیٹا پر (P1303) کی خاصیت میں تبدیلی کریں
پروڈکشن کمپنی ایپک ریکارڈ،  یونیورسل میوزک گروپ  ویکی ڈیٹا پر (P264) کی خاصیت میں تبدیلی کریں
پیشہ رقاص،  گلو کار-گیت نگار،  کاروباری شخصیت،  انسان دوست،  فلم ہدایت کار،  منظر نویس،  آپ بیتی نگار،  میوزک پروڈیوسر،  فلم اداکار،  اداکار،  کارجو،  موسیقار،  ریکارڈنگ آرٹسٹ،  گلو کار[20]،  صوتی اداکار[21]،  آرٹ کولکٹر،  نغمہ نگار،  ماڈل،  شاعر  ویکی ڈیٹا پر (P106) کی خاصیت میں تبدیلی کریں
مادری زبان امریکی انگریزی،  انگریزی  ویکی ڈیٹا پر (P103) کی خاصیت میں تبدیلی کریں
پیشہ ورانہ زبان امریکی انگریزی،  انگریزی  ویکی ڈیٹا پر (P1412) کی خاصیت میں تبدیلی کریں
شعبۂ عمل تماش کاری،  فلمی صنعت  ویکی ڈیٹا پر (P101) کی خاصیت میں تبدیلی کریں
مؤثر چارلی چیپلن،  ڈیانا راس،  بیٹلز  ویکی ڈیٹا پر (P737) کی خاصیت میں تبدیلی کریں
اعزازات
گریمی لائف ٹائم اچیومنٹ ایوارڈ (2010)  ویکی ڈیٹا پر (P166) کی خاصیت میں تبدیلی کریں
دستخط
Michael Jackson signature.svg
 
ویب سائٹ
ویب سائٹ باضابطہ ویب سائٹ  ویکی ڈیٹا پر (P856) کی خاصیت میں تبدیلی کریں
IMDb logo.svg
IMDB پر صفحات[22][23]  ویکی ڈیٹا پر (P345) کی خاصیت میں تبدیلی کریں

عالمی شہرت یافتہ امریکی گلوکار۔مائیکل جیکسن امریکی ریاست انڈیانا میں انتیس اگست انیس سو اٹھاون کو پیدا ہوئے تھے۔ کنگ آف پاپ کے لقب سے پہچانے جانے والے مائیکل امریکی موسیقار اور گلوکار تھے۔ موسیقی سے لگاؤ کے باعث بہت کم عمر میں ہی اسٹار بننے کی جستجو میں لگ گئے اور امریکی تاریخ کے کامیاب ترین موسیقار بنے۔ ان کی موسیقی، رقص اورعوامی توجہ کی مرکز زندگی نے ان کو مقبول عام ثقافت کا چار دہایئوں تک مرکز بنائے رکھا۔

ان کے اعزازات میں گنیز بک برآئے عالمی ریکارڈ میں ایک سے زائد اندراجات، تیرہ گریمی اعزاز، 13 نمبر ایک گانے اور 750 ملین البم کی کاپیوں کی فروخت شامل ہیں۔

کیرئیر کا آغاز[ترمیم]

مائیکل جیکسن نے سنہ 1964ء میں اپنے بھائیوں کے پاپ گروپ جیکسن فائیو میں شمولیت اختیار کی تھی اور ابتدائی طور پر وہ اس گروپ میں طنبورہ اور بونگو بجاتے تھے۔ تاہم جلد ہی وہ اس گروپ کے مرکزِ نظر بن گئے اور مرکزی گلوکار کی ذمہ داریاں سنبھال لیں۔

گلیڈی نائٹ اور بابی ٹیلر جیسے گلوکاروں نے جیکسن فائیو کو ریکارڈ لیبل کمپنی مو ٹاؤن کے سربراہ بیری گورڈے سے ملوایا اور ڈیٹرائٹ سے تعلق رکھنے والی اس کمپنی کے ساتھ جیکسن فائیو کی پہلی ریلیز ’آئی وانٹ یو بیک‘ سنہ 1969ء میں موسیقی چارٹس پر سرفہرست رہی۔ اس وقت مائیکل کی عمر صرف گیارہ برس تھی۔ آنے والے چھ برس میں اس گروپ نے اے بی سی، دا لو یو سیو اور آئی ول بی دیئر جیسے ہٹ نغمات بنائے۔

سولو البم[ترمیم]

’وذرڈْ آف اوز‘ کی شہری پس منظر میں پیشکش ’وز‘ کی تیاری کے دوران جیکسن کی ملاقات موسیقار کوئنسی جونز سے ہوئی۔ انہوں نے مائیکل کو اپنا سولو البم بنانے کو کہا اور اس فرمائش کا نتیجہ کلاسیک ڈسکو البم ’آف دی وال‘ کی صورت میں سامنے آیا۔ اس البم کی دس ملین کاپیاں فروخت ہوئیں اور اس میں 'ڈونٹ سٹاپ ٹل یو گٹ اینف' اور 'راک ودھ یو' جیسے مشہور گانے شامل تھے۔

تھرلر[ترمیم]

1982ء مائیکل جیکسن نے اپنا شہرۂ آفاق پاپ میوزک البم ’تھرلر‘ پیش کیا جس نے پاپ میوزک کی تشہیر کی نئی تاریخ رقم کی۔ اس البم کو دنیا میں سب سے زیادہ فروخت ہونے والا البم قرار دیا جاتا ہے۔ گینیز بک آف ورلڈ ریکارڈ کے مطابق اس البم کی پینسٹھ ملین کاپیاں فروخت ہو چکی ہیں۔ اس البم کے نو گانوں میں سے سات میوزک چارٹس پر جگہ بنانے میں کامیاب رہے۔

مون واک[ترمیم]

1983ء میں مو ٹاؤن ٹی وی سپیشل میں مائیکل جیکسن نے تھرلر البم کے گیت 'بلی جین' پر رقص میں ایک نئی حرکت متعارف کروائی جسے دیکھ کر لوگ ششدر رہ گئے۔ اس حرکت کو بعد ازاں 'مون واک' کا نام دیا گیا۔ مون واک رقص ميں ناظر کی نظر کو دھوکا دینے والا ایک ایسا کرتب ہے جس میں رقاص بظاہر آگے کی طرف قدم اٹھاتا ہے لیکن بجائے آگے بڑھنے کے پیچھے کی طرف جاتا ہے۔ مو ٹاؤن کے اس ٹیوی پروگرام کے اگلے ہی روز تھرلر کی فروخت میں کئی گنا اضافہ دیکھنے میں آیا۔

بیڈ اور پلاسٹک سرجری[ترمیم]

1987ء میں اپنے البم ’بیڈ‘ کی ویڈیو میں مائیکل سفید فام شکل میں نظر آئے جس سے یہ افواہیں زور پکڑ گئیں کہ انہوں نے پلاسٹک سرجری یا سکن بلیچنگ کرائی ہے۔ لیکن یہ افواہیں مائیکل کی مقبولیت کو نقصان نہ پہنچا سکیں اور ان کے البم ’بیڈ‘ کی تیس ملین سے زائد کاپیاں فروخت ہوئیں۔ اس البم کی مقبولیت کے بعد جیکسن نے اپنا پہلا سولو ٹور شروع کیا۔ ’بیڈ‘ کے کانسٹرس میں جہاں جادوئی کمالات اور لیزر کا استعمال تھا وہیں ایک موقع پر جیکسن ایک کرین پر شائقین کے سروں کے اوپر سے گزرتے بھی دکھائی دیے۔ اس ٹور کے اختتامی دنوں میں جیکسن نے اپنی سوانح حیات تحریر کی اور لکھا کہ ’ میں دنیا کے چند سب سے تنہا افراد میں سے ایک ہوں‘۔

ہیپ ہاپ[ترمیم]

ہپ ہاپ موسیقی کی مقبولیت کو دیکھتے ہوئے مائیکل جیکسن نے 1991ء میں اپنی نئی البم ’ڈینجرس‘ کے لیے موسیقار ٹیڈی رائلی کی خدمات حاصل کیں۔ شائقین اور ناقدین دونوں کو اگرچہ یہ البم زیادہ پسند نہ آئی لیکن اس میں مائیکل کے چند مشہور ترین گانے شامل تھے۔ ان گانوں میں بلیک اینڈ وائٹ، ریممبر دا ٹائم اور ان دا کلوزٹ شامل ہیں۔

اس البم کی تشہیر کے دوران جیکسن نے امریکی ٹی وی میزبان اوپرا ونفری کو اپنی رینچ ’نیور لینڈ‘ پر مدعو کیا کہ وہ اپنا ایک شو وہاں سے پیش کریں جس میں مائیکل نے شرکت کی۔ اس شو کے دوران مائیکل نے بتایا کہ ان کے والد انہیں مارتے پیٹتے تھے، انہوں نے دو مرتبہ پلاسٹک سرجری کروائی ہے اور ان کی کھال کی بدلتی رنگت کھال کے مساموں کو خراب کرنے والی ایک بیماری کا نتیجہ ہے۔

الزامات[ترمیم]

1993ء میں گیارہ سالہ بچے جوڈی چینڈلر کے اہلِ خانہ نے مائیکل پر بچے سے بدسلوکی کا الزام لگایا۔ مائیکل جیکسن نے ان الزامات سے انکار کیا تاہم لاس اینجلس پولیس نے مائیکل کے گھر پر اس وقت چھاپہ مارا جب وہ مشرقِ بعید کے ٹور پر تھا۔ بعد ازاں مائیکل نے اس بچے کے خاندان سے عدالت کے باہر ایک اندازے کے مطابق بیس ملین ڈالر کے عوض تصفیہ کر لیا۔ جوڈی چینڈلر کے والد نے ایک فون کال میں قبول کیا، مائیکل جیکسن معصوم تھا اور الظامات کا مقصد دولت موصول کرنا تھا۔

شادی[ترمیم]

1994 میں مائیکل نے آنجہانی امریکی گلوکار ایلوس پریسلے کی بیٹی لیزا میری پریسلے سے شادی کر لی جو صرف انیس ماہ چل سکی۔ انیس سو ستانوے میں مائیکل جیکسن کو راک اینڈ رول ہال آف فیم میں شامل کر لیا گیا اور انہوں نے غیر متوقع طور پر ایک نرس ڈیبی رو سے شادی کر لی جس سے ان کا بیٹا پرنس مائیکل پیدا ہوا۔ 1998ء میں ان دونوں کی ایک بیٹی پیرس مائیکل کیتھرین پیدا ہوئی جبکہ سنہ 1999ء میں مائیکل اور ڈیبی میں طلاق ہو گئی جبکہ بچے مائیکل کے پاس ہی رہے۔

مجسمے[ترمیم]

1995ء میں ایک ایسے وقت میں جب مائیکل کے سر سے پاپ موسیقی کے شہنشاہ کا تاج کھسک رہا تھا مائیکل نے یورپ میں اپنی نئی البم ’ہز سٹوری‘ کی تشہیر کے لیے اپنے قدآور مجسمے نصب کروائے۔ یہ البم ان کے مقبول ترین گانوں اور نئے گانوں کی سی ڈیز پر مشتمل تھی۔ اگلے برس مائیکل نے برٹ ایوارڈز میں اپنا ہٹ گانا ارتھ سونگ پیش کیا۔

شہرت میں کمی[ترمیم]

2003ء میں چھ برس کے عرصے میں تیار ہونے والی مائیکل کی نئی البم ’ان ونسبل‘ میوزک چارٹس پر صرف چھ ہفتے ہی ٹھہر سکی۔ اس البم کا صرف ایک گانا ’راک مائی ورلڈ‘ دنیا بھر میں ریلیز کیا گیا۔ جیکسن نے تشہیر کی کمی کو البم کی ناکامی کی وجہ قرار دیا اور کہا کہ یہ کمی اس لیے ہوئی کیونکہ انہوں نے سونی کمپنی کے ساتھ اپنے معاہدے کی تجدید سے انکار کر دیا تھا۔

اسی دوران مائیکل کی ذاتی زندگی ایک بار پھر اس وقت خبروں میں آئی جب انہوں نے اپنے گیارہ ماہ کے بیٹے پرنس مائیکل کو کمبل میں لپیٹ کر ایک جرمن ہوٹل کی کھڑکی سے لٹکا دیا۔ ایک ٹی وی دستاویزی فلم میں مائیکل نے اعتراف کیا کہ وہ اپنے بچوں کو اپنے ساتھ سلاتے ہیں۔

گرفتاری[ترمیم]

2003ء میں پولیس نے ایک مرتبہ پھر مائیکل کی نیور لینڈ رینچ پر چھاپہ مارا اور اس کے بعد ایک چودہ سالہ لڑکے گیون آرویزو سے بدسلوکی کے الزام کے تحت ان کے وارنٹ گرفتاری جاری کر دیے گئے۔ مائیکل نے خود کو پولیس کے حوالے کر دیا اور انہیں ہتھکڑی لگا کر تھانے لے جایا گیا۔

یہ مقدمہ پانچ ماہ تک چلا اور عدالت نے مائیکل کو بے قصور قرار دے دیا۔ اس مقدمے اور دیوالیہ ہونے کی خبروں کے بعد مائیکل نے بحرین میں سکونت اختیار کر لی۔.

واپسی[ترمیم]

2009ء مارچ میں مائیکل نے ایک پریس کانفرنس میں اعلان کیا کہ وہ پاپ میوزک کی دنیا میں آخری بار دوبارہ قدم رکھ رہے ہیں اور ان کی واپسی لندن میں پچاس کانسرٹس کے ایک ٹور کے ساتھ ہوگی۔ ان کانسرٹس کے ساڑھے سات لاکھ ٹکٹ فروخت کے لیے پیش کیے گئے اور ابتدائی چند دن میں تمام ٹکٹ فروخت ہو گئے۔ مئی میں اس پروگرام کے منتظمین نے ابتدائی چند شوز کی تاریخوں میں یہ کہہ کر ردوبدل کیا کہ مائیکل کو ریہرسلز کے لیے مزید وقت درکار ہے۔ لیکن ان کی واپسی ممکن نہیں ہو سکی۔ اور موت نے انہیں آ لیا۔

انتقال[ترمیم]

25 جون 2009ء کو ایک انجیکشن کے نتیجے میں جسم میں غیر معمولی مقدار میں پروپوفول نامی دوا کی وجہ سے حركت قلب بند ہو جانےكے باعث50 سال كى عمرميں لوس اينجلس ميں انتقال كر گئے۔

بیرونی روابط[ترمیم]

حوالہ جات[ترمیم]

  1. ربط : https://d-nb.info/gnd/118711083  — اخذ شدہ بتاریخ: 9 اپریل 2014 — اجازت نامہ: CC0
  2. بنام: Michael Jackson — ایس این اے سی آرک آئی ڈی: https://snaccooperative.org/ark:/99166/w64467gw — اخذ شدہ بتاریخ: 9 اکتوبر 2017 — عنوان : Jackson, Michael, 1958-2009
  3. بنام: Michael Jackson — فائنڈ اے گریو میموریل شناخت کنندہ: https://www.findagrave.com/memorial/38746353 — اخذ شدہ بتاریخ: 9 اکتوبر 2017 — عنوان : Michael Jackson
  4. ^ ا ب Babelio author ID: https://www.babelio.com/auteur/wd/75665 — بنام: Michael Jackson — اخذ شدہ بتاریخ: 9 اکتوبر 2017
  5. ^ ا ب ڈسکوجس آرٹسٹ آئی ڈی: https://www.discogs.com/artist/15885 — بنام: Michael Jackson — اخذ شدہ بتاریخ: 9 اکتوبر 2017
  6. بنام: Michael Jackson — Nederlandse Top 40 artist ID: https://www.top40.nl/top40-artiesten/michael-jackson — اخذ شدہ بتاریخ: 9 اکتوبر 2017
  7. Michael Joseph Jackson — اخذ شدہ بتاریخ: 9 اکتوبر 2017
  8. ^ ا ب Michael Jackson Artist Biography by Steve Huey — اخذ شدہ بتاریخ: 14 جولا‎ئی 2015 — اقتباس: on the afternoon of June 25, 2009, he was found unresponsive at his home. Jackson was rushed to the UCLA Medical Center, where he was pronounced dead at the age of 50. His death was later ruled a homicide, the result of ingesting a lethal amount of prescription drugs.
  9. جی این ڈی- آئی ڈی: https://d-nb.info/gnd/118711083 — اخذ شدہ بتاریخ: 13 اگست 2015 — اجازت نامہ: CC0
  10. http://data.bnf.fr/ark:/12148/cb12088047p — اخذ شدہ بتاریخ: 10 اکتوبر 2015 — اجازت نامہ: آزاد اجازت نامہ
  11. ایس این اے سی آرک آئی ڈی: https://snaccooperative.org/ark:/99166/w64467gw — بنام: Michael Jackson — اخذ شدہ بتاریخ: 9 اکتوبر 2017
  12. فائنڈ اے گریو میموریل شناخت کنندہ: https://www.findagrave.com/memorial/38746353 — بنام: Michael Jackson — اخذ شدہ بتاریخ: 9 اکتوبر 2017
  13. ربط : https://d-nb.info/gnd/118711083  — اخذ شدہ بتاریخ: 30 دسمبر 2014 — اجازت نامہ: CC0
  14. https://www.europe1.fr/culture/exclusif-voici-lemplacement-exact-du-tombeau-de-michael-jackson-3906414
  15. http://www.timesonline.co.uk/tol/news/world/us_and_americas/article6808546.ece
  16. https://www.imdb.com/name/nm0001391/bio?ref_=nm_ov_bio_sm
  17. https://www.youtube.com/watch?v=ZkhOXXhSIhU
  18. https://www.youtube.com/watch?v=Kxz9t-MHHIs
  19. https://www.allmusic.com/album/history-past-present-and-future-book-i-mw0000123992/credits
  20. https://cs.isabart.org/person/79015 — اخذ شدہ بتاریخ: 1 اپریل 2021
  21. Behind The Voice Actors person ID: https://www.behindthevoiceactors.com/Michael-Jackson/ — اخذ شدہ بتاریخ: 19 اپریل 2021
  22. میوزک برینز آرٹسٹ آئی ڈی: https://musicbrainz.org/artist/f27ec8db-af05-4f36-916e-3d57f91ecf5e — اخذ شدہ بتاریخ: 19 اگست 2021
  23. ڈسکوجس آرٹسٹ آئی ڈی: https://www.discogs.com/artist/15885 — اخذ شدہ بتاریخ: 19 اکتوبر 2021