بطریق اعظم بینیڈکٹ شانزدہم

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش
پوپ بینیڈکٹ XVI

پیدائش: 1927ء

عیسائی رومن کتھولک فرقے کے موجودہ پوپ۔جرمنی میں ایک روائتی باویریئن خاندان میں پیدا ہوئے اور ان کے والد پولیس کے محکمے میں ملازم تھے۔وہ چودہ سال کی عمر میں ہٹلر کی تنظیم ’ہٹلر یوتھ‘ میں بھرتی ہوئے جیسا کہ اس وقت جرمنی کے ہر نوجوان پر لازم تھا۔ تاہم وہ اس تنظیم کے کبھی بھی سرگرم رکن نہیں رہے۔وہ جرمنی کے شہر ٹراسٹین کے ایک مذہبی سکول میں زیر تعلیم تھے جب دوسری جنگ عظیم سے قبل انہیں میونخ کے قریب ایک ’اینٹی ایئر کرافٹ‘ یونٹ میں بھرتی کر لیا گیا۔تاہم جنگ کے آخری دنوں میں انہوں نے جرمن فوج کو چھوڑ دیا اور انیس سو پینتالیس میں کچھ دنوں تک اتحادی فوج کی قید میں رہے۔


کارڈنل رتزنگر کی قدامت پسندانہ اور روایتی سوچ انیس سو ساٹھ کے عشرے میں آزادی کی تحریک کے دوران ہونے والے تجربات کی بنا پر اور پختہ ہو گئے تھے۔ انیس سو چھیاسٹھ میں انہوں نے تیوبنجن یونیورسٹی میں ’ڈوگمیٹک تھیولوجی‘ کی چیئر سنبھالی لی ہے۔تاہم وہ نوجوانوں میں مارکس ازم کے رجحانات دیکھ کر حیران رہ گئے۔یونیورسٹی میں ان کے ایک خطبے کے دوران طلباء کی طرف سے ہنگامے سے وہ کافی پریشان ہوئے۔ان کے خیال میں مذہب کو سیاسی نظریات کا تابع بنانا ایک ’ظالمانہ ، بے رحمانہ اور جابرانہ‘ کوشش ہے۔وہ بروریا میں ریجنز برگ یونیورسٹی منتقل ہو گئے جہاں وہ ڈین کے عہدے تک پہنچے۔انہیں انیس سو ستتر میں پوپ پال ششم نے میونخ کا کارڈنل مقرر کیا۔پوپ جان پال دوم کے انتقال کے بعد 2005 میں پوپ بنے۔