اسرانی

اسرانی
(ہندی میں: असरानी)
معلومات شخصیت
پیدائش	1 جنوری 1941ء   جے پور
وفات	20 اکتوبر 2025ء (84 سال)  ممبئی
شہریت	برطانوی ہند (1941–1947) بھارت (1947–2025)
زوجہ	منجو اسرانی
عملی زندگی
مادر علمی	فلم اینڈ ٹیلی ویژن انسٹی ٹیوٹ آف انڈیا
پیشہ	فلم ہدایت کار ،  اداکار ،  فلم ساز
پیشہ ورانہ زبان	ہندی
اعزازات
فلم فیئر اعزاز
	IMDB پر صفحات

گووردھن اسرانی (انگریزی: Asrani) (3 جنوری 1941ء – 20 اکتوبر 2025ء)، جنھیں عام طور پر صرف اسرانی کے نام سے جانا جاتا ہے ایک بھارتی اداکار اور ہدایت کار تھے، جن کا بالی ووڈ کیریئر پانچ سے زیادہ دہائیوں کو محیط رہا۔ انھوں نے 350 سے زیادہ ہندی فلموں میں کام کیا ہے۔ اسرانی نے فلموں میں مرکزی کردار، مزاحیہ کردار اور معاون کردار میں اپنی صلاحیتوں کا لوہا منوایا۔ وہ فلم "شعلے" میں جیلر کے کردار اور ان 25 فلموں (1972ء سے 1991ء کے درمیان) میں اپنے کرداروں کے لیے مشہور ہوئے جن میں راجیش کھنہ مرکزی اداکار تھے۔ ہندی فلموں میں 1966ء سے 2014ء تک انھوں نے بے شمار مزاحیہ کردار نبھائے، جبکہ 1972ء سے 1995ء تک وہ اکثر فلموں میں ہیرو کے قریبی دوست کے طور پر معاون اداکار کے طور پر نظر آئے۔ وہ ہدایت کار ہریشیش مکھرجی اور بعد میں پریہ درشن کی فلموں کا ایک مستقل حصہ رہے۔ چند ہندی فلموں جیسے "چلا مراری ہیرو بننے" اور "سلام میم صاحب" میں وہ مرکزی کردار میں بھی جلوہ گر ہوئے۔ گجراتی فلموں میں 1972ء سے 1984ء تک انھوں نے ہیرو کے طور پر کام کیا، جبکہ 1985ء سے 2012ء تک وہ کردار اداکار کے طور پر نظر آتے رہے۔ اس کے علاوہ انھوں نے 1974ء سے 1997ء کے درمیان چھ فلموں کی ہدایت کاری بھی کی۔

ابتدائی زندگی

اسرانی یکم جنوری 1940ء کو جے پور (بھارت) کے ایک متوسط طبقے کے سندھی ہندو خاندان میں پیدا ہوئے۔ ان کے والد نے ایک قالین کی دکان کھولی ہوئی تھی۔ ان کی چار بہنیں اور تین بھائی تھے۔ دو بڑے اور ایک چھوٹا۔ اسرانی کو کاروبار میں دلچسپی نہیں تھی اور وہ ریاضی میں کمزور تھے۔ انھوں نے اپنی میٹرک کی تعلیم سینٹ زیویرز اسکول، جے پور سے مکمل کی اور راجستھان کالج، جئے پور سے گریجویشن کیا۔ تعلیم کے اخراجات پورے کرنے کے لیے وہ ساتھ ہی ساتھ آل انڈیا ریڈیو جے پور میں بطور وائس آرٹسٹ کام بھی کرتے رہے۔

انھوں نے اداکارہ منجو بنسل سے شادی کی، جن سے ان کی ملاقات فلموں "آج کی تازہ خبر" اور "نمک حرام" کی شوٹنگ کے دوران ہوئی تھی۔ شادی کے بعد دونوں نے کئی فلموں میں ایک ساتھ کام کیا، جن میں "تپسیا"، "چاندی سونا"، "جانِ بہار"، "جرمانہ"، "نالائق"، "سرکاری مہمان"، "نراد بیاہ" اور "چور سپاہی" شامل ہیں۔ فلم "آج کی تازہ خبر" میں اسرانی نے چمپک بومیا / امیت دیسائی کا کردار ادا کیا جبکہ منجو بنسل نے کیسری دیسائی کا۔ اس کردار پر اسرانی کو فلم فیئر ایوارڈ برائے بہترین مزاحیہ اداکار دیا گیا۔ بعد ازاں یہ جوڑا 1980ء میں اسرانی کی ہدایت کاری میں بننے والی فلم "ہم نہیں سدھریں گے" میں بھی نظر آیا۔

ابتدائی فنی زندگی اور عروج

اسرانی نے 1960ء سے 1962ء تک سہتیہ کل بھائی ٹھاکر سے اداکاری کی تعلیم حاصل کرنا شروع کی۔ 1962ء میں وہ مواقع کی تلاش میں ممبئی آگئے۔ 1963ء میں ایک اتفاقی ملاقات کے دوران جب ان کی ملاقات کشور ساہو اور ہریشیش مکھرجی سے ہوئی تو انھوں نے انھیں مشورہ دیا کہ وہ اداکاری باقاعدہ طور پر سیکھیں۔ 1964ء میں اسرانی نے فلم اینڈ ٹیلی ویژن انسٹی ٹیوٹ آف انڈیا (پونے) میں داخلہ لیا اور 1966ء میں اپنا کورس مکمل کیا۔ انھیں پہلا موقع 1967ء میں ہندی فلم "ہری کانچ کی چوڑیاں" میں اداکار بشوی جیت کے دوست کے کردار میں ملا۔ فلم انسٹی ٹیوٹ میں انھوں نے اپنی صلاحیتوں سے سب کو متاثر کیا اور اسی سال ایک گجراتی فلم میں ابھرتی ہوئی اداکارہ وحیدہ (جو مشہور وحیدہ رحمان نہیں تھیں) کے مقابل مرکزی کردار میں اپنی پہلے ہیرو کی حیثیت سے فلمی آغاز کیا۔ 1967ء سے 1969ء تک انھوں نے چار گجراتی فلموں میں بطور مرکزی یا معاون اداکار کام کیا۔ 1967ء سے 1969ء کے دوران ہندی فلموں میں انھیں زیادہ مواقع نہیں ملے۔ تب ان کے مشیر ہریشیش مکھرجی نے انھیں 1969ء کی فلم "ستیہ کام" میں معاون کردار دیا۔ اسی کے بعد وہ فلم "میرے اپنے" سے خاص طور پر نمایاں ہوئے۔ 1971ءسے انھیں مزاحیہ اداکار اور ہیرو کے قریبی دوست کے کرداروں کے طور پر زیادہ فلمی آفرز ملنے لگیں۔ ہدایت کاروں ہریشیش مکھرجی، آتما رام اور گلزار نے 1971ء سے 1974ء کے دوران بار بار انھیں اپنی فلموں میں کاسٹ کیا، جن کے ذریعے وہ فلمی دنیا میں مستحکم ہوئے۔ 1970ء کی دہائی میں ان کی مقبولیت اپنے عروج پر تھی؛ 1970ءسے 1979ء کے دوران وہ 101 فلموں میں نظر آئے۔ ابتداً راجیش کھنہ اور اسرانی کی ملاقات فلم "باورچی" کے سیٹ پر ہوئی، مگر "نمک حرام" کے بعد دونوں گہرے دوست بن گئے۔ اس کے بعد راجیش کھنہ نے اپنی فلموں میں مزاحیہ کردار کے لیے خاص طور پر اسرانی کا نام تجویز کرنا شروع کیا۔ دونوں نے 1972ء سے 1991ء کے درمیان 25 فلموں میں ایک ساتھ کام کیا — "باورچی" (1972ء) سے لے کر "گھر پریوار" (1991ء) تک۔

اہم فلمیں اور کردار

1970ء کی دہائی میں ان کی نمایاں معاون اداکاری والی فلمیں تھیں: "میرے اپنے", "کوشش", "باورچی", "پریچے", "ابھی مان", "محبوبہ", "پلکوں کی چھاؤں میں", "دو لڑکے دونوں کڑکے" اور "بندش"۔ انھوں نے 1977ء میں "چلا مراری ہیرو بننے" نامی فلم میں نہ صرف مرکزی کردار ادا کیا بلکہ یہ فلم خود لکھی اور ہدایت بھی دی — جسے ناقدین نے سراہا۔ بطور مزاحیہ اداکار ان کے مشہور کردار 1970ء کی دہائی میں ان فلموں میں دیکھے گئے: "آج کی تازہ خبر", "روٹی", "پریم نگر", "چپکے چپکے", "چھوٹی سی بات", "رفو چکر", "شعلے", "بالی کا بدھو", "فقیرا", "انورودھ", "چھیلّا بابو", "چرس", "پھانسی", "دلّگی", "ہیرالال پنّالال", "پتی پتنی اور وہ", اور "ہم تمھارے"۔ انھوں نے کئی فلموں میں سنجیدہ کردار بھی ادا کیے، مثلاً "خون پسینہ" میں۔ انھوں نے غیر روایتی کردار بھی نبھائے جیسے "کوشش" (1972ء) میں ظالم بھائی، "بدائی" (1974ء) میں دوہرا کردار (ہپی اور دیہاتی)، "چیتالی" (1975ء) میں آوارہ نوجوان، "نکاح" (1982ء) میں رومانوی قوال اور "پریم نگر" (1974ء) میں دلال کا کردار۔ بعد میں انھوں نے منفی کردار بھی ادا کیے جیسے "اب کیا ہوگا" اور "تیری مہربانیاں"۔

فلموگرافی

بطور اداکار

Key

†	Denotes films that have not yet been released

سال	فلم/ ویب سیریز	کردار	ساتھی فنکار	نوٹ
۔	ہیرا پھیری 3		اکشے کمار، سنیل شیٹی، پریش راول	ریلیز نہ ہو سکی
	پریشان پور		امیت داور، شکتی کپور منوج جوشی	ریلیز نہ ہو سکی
	وہ آدمی بہت کچھ جانتا تھا		شتروگھن سنہا، راجیو کھنڈیوال، رنجیت	ریلیز نہ ہو سکی
2026	بھوت بنگلہ		اکشے کمار، پریش راول، راجپال یادو، وامقہ گبی، متھلا پالکر	زیر تکمیل
	حیوان۔ کھلاڑی آف ہیلز		اکشے کمار، سیف علی خان، موہن لال، سیامی کھیر	زیر تکمیل
	پھر سے بمپر ڈرا		راجپال یادو، مونیکا بیدی، انو کپور	زیر تکمیل
2025	سپر دھمال ڈاٹ کام		آریہ ببر سیالی بھگت	زیر تکمیل
	دل کا دروازہ کھول نہ ڈارلنگ		سشانت چترویدی، وامقہ گبی، جیا بچن،	زیر تکمیل
2024	دیدا	پڑوسی	گورو پسوالا، ہیلی شاہ	گجراتی فلم
	کنوارا پُور	ٹرین کنڈکٹر	اویناش تیواری، اناپورنا دیویدی
2023	دی ٹرائل	نوروز الیکٹرک والا	کاجل، شیبا چڈا، علی خان، جیشو سین گپتا، کبرا سیٹھ	ویب سیریز
	نان اسٹاپ دھمال	جسو بھائی	انو کپور، راجپال یادو، شریاس تلپڑے
	ڈریم گرل 2	یوسف علی سلیم خان	ایوشمان کھرانہ، اننیاپانڈے، انوکپور، پریش راول
	ایک تھا ہیرو	غفور چاچا	اشونی کیلکر، درشن جڑیوالا، آیوش مہیش کھیڈکر
2022	کھلی بلی		دھرمیندر، راجپال یادو، وجے راز
	3 شیانے		راکیش بیدی، پریانشو چٹرجی، مکیش کھنہ
2021	بنٹی اور ببلی 2	تیہارے سنگھ
2020	اٹز مائی لائف	ابھیشک کے دوست کا والد
2018	یملا پگلا دیوانہ پھر سے	نانو
2016	پرمننٹ روم میٹس	مکیش کا دادا		ویب سیریز
	مستی زادے	لیلا اور للی کا والد
	مراری اینڈ میڈ جنٹلمین	مکھیا
2015	سلو کی شادی
	دل لگی۔۔ یہ دل لگی		دھرمیندر، رتی اگنی ہوتری، کپل دیو
	عشق کا منجن	سنٹا
2014	18.11 آ کوڈ آف سیکریسی	حوالدار پہلوان	ریحال خان، گلشن گروور، مکیش تیواری
2013	آر راجکمار	پنڈت
	ہمت والا	ٹکٹ چیکر
2012	جوکر	ماسٹر جی
	کمال دھمال مالامال	پادری
	بول بچن	شاستری
	ایجنٹ ونور	رام لال
2011	باڈی گارڈ	شیکھر
2010	کھٹا میٹھا	کروڑی مل
	دس تولا	سرپنچ
2009	پے انگ گیسٹ	کسکا مگھلانی
	دے دھنا دھن	ماموں لی چین
	آل دی بیسٹ	ودیا کے والد
2008	قرض	کالج پرنسپل
	بلو	نوبت چاچا	شاہ رخ خان، عرفان خان، لارا دتہ
	تلسی، ماترو دیوو بھوا		عرفان خان، منیشا کوئرالا
	یاریاں			پنجابی فلم
2007	ویلکم	پروڈیوسر اکھلیندر چنڈیل	اکشے کمار، کرینہ کپور، انیل کپور، نانا پاٹیکر
	بھول بھلیاں	مراری	اکشے کمار، ودیا بالن، امیشا پٹیل، شائنی آہوجا
	دھمال	ناری کنٹریکٹر	سنجے دت، رتیش دیشمکھ، ارشد وارثی، جاوید جعفری
	ڈھول	پنکج کا جیجا	تشار کپور، شرمن جوشی، کنال کیمو، راجپال یادو، تنوشری دتہ
	فول اینڈ فائنل	لالوانی	سنی دیو، شاہد کپور،
	جرنی بمبے ٹو گوا	پوسٹ ماسٹر	سنیل پال، راجو شریواستو، احسان قریشی
	ہیوڑے سے دور مت جا		کرن ویر چوہدری، شکتی کپور	راجھستانی فلم
	اولڈ از گولڈ		شکتی کپور، قادر خان، ہیمانی شیوپوری
	شاکا لاکا بوم بوم	یوگرا	بوبی دیول، اپین پٹیل، کنگنا رناوت، سلینا جیٹلی،
	میں رونی اور جونی		پریانشو چٹرجی، سندالی سنہا، سیالی بھگت
2006	بھاگم بھاگ	ایونٹ منیجر	گووندا، اکشے کمار، پریش راول،
	مالامال ویکلی	چوکھے	پریش راول، اوم پوری، رتیش دیشمکھ
	چپ چپ کے	شرما جی	شاہد کپور، کرینہ کپور، سنیل شیٹی،
	گولڈن بوائز	پروسیسر ماتھر	مالنی کپور، جیت گوسوامی، مکیش تیواری
	ہوتا ہے دل پیار میں پاگل		گورو ککڑ، دیویامن سنگھ، ابھے ودیا، ترشا
2005	دیوانے ہوئے پاگل	اندھا آدمی	اکشے کمار، سنیل شیٹی، شاہد کپور
	گرم مسالا	مامو ں	اکشے کمار، جان ابراہیم،
	کھلم کھلا پیار کریں	پنڈت	گووندا، پریٹی زنٹا، پریم چوپڑا، منیش بہل
	کیج	لیو		انگریزی فلم
	چکاچک		باکل ٹھکر، پرکشت ساہنی، جاوید خان
	انسان	فلم ڈائریکٹر	اکشے کمار، تشار کپور، اجے دیوگن	تیلگو فلم کھڈگام کا ری میک
	چلتا ہے یار	انکل تان سین	رگھوویر یادو، ہیمانی شیوپوری، شکتی کپور
	ہم تو ہو گئی نی توہار		روی کشن، سری پردھا، کرن کمار	بھوج پوری فلم
	کیوں کی	مریض
2004	شرت، دی چیلنج	داود بھائی ڈھابا	تشار کپور، گریسی سنگھ، امرتا اروڑا	تیلگو فلم بدری کا ری میک
	اعلان	کشوری لال
	تھوڑا تم بدلو تھوڑا ہم		آریا ببر، شریا سرن، شوما آنند
	جیو ماہرا لال		اپاسنا سنگھ، راکیش بیدی،	راجھستانی فلم
	بال اینڈ چین	سیلما کا والد		انگریزی فلم
	ایک سے بڑھ کر ایک	ڈون سریکانت رام پرساد
	سنو سسر جی	مرلی
	بال اینڈ چین	پاپا
	ہلچل	ایڈووکیٹ مشرا
2003	ممبئی میٹنی	پیارے لال
	باغبان	سردار بیدی صاحب
	تجھے میری قسم	کاشی ناتھ ڈکشت
2002	دل ول پیار ویار	چندرو
	انکھیوں سے گولی مارے	ٹوپی چند کا سالا
	آوارہ پاگل دیوانہ	چمپک لال
	ایک اور وسپوٹ	ڈاکٹر ڈینیل
2001	آمدنی اٹھنی خرچہ روپیہ	جھومری کا باس
	یہ تیرا گھر یہ میرا گھر	چندی رمانی
	لجا	گلاب چند
2000	آغاز	گلو
	کاروبار	چمپک
	چل میرے بھائی	فیملی ڈاکٹر
	تیرا جادو چل گیا	کمپنی کا مالک
	ہیرا پھیری	بنک منیجر
	میلہ (2000ء فلم)	کاکا/ بنواری بنیا
1999	راجا کماروڈو	پولیس انسپکٹر ممبئی	مہیش بابو، پریٹی زنٹا، پرکاش راج	تیلگو فلم
	حسینہ مان جائے گی (1999ء فلم)	جمنا داس
	انٹرنیشنل کھلاڑی	پائل کا باس
	ہیرا لال پنہ لال	حوالدار چورسیا
	مدر	جونی
1998	مہندی (1998ء فلم)	تولانی
	ہیرو ہندوستانی	کیمرون
	ہنستے ہنستے
	بڑے میاں چھوٹے میاں (1998ء فلم)	سیکیورٹی آفیسر
	دولہے راجا	انسپکٹر اجگر سنگھ
	گھر والی باہر والی	ڈاکٹر وید
1995	تقدیر والا	چتر گپت
	انوکھا انداز	نزاکت علی
1993	مقابلہ	سونی کا شوہر
	دل تیرا عاشق	نٹور لال
1992	جو جیتا وہی سکندر	دوبے جی، ٹیچر
	پولیس آفیسر	پولیس انسپکٹر شرما
	لاٹ صاحب
1990	آج کا ارجن	چیکو
	مقدر کا بادشاہ	دھم دیال
1985	تیری مہربانیاں	منیم بنواری لال
1984	یہ عشق نہیں آسان	جمال
	سردار	موتی ہیرا لالوانی
1983	ہمت والا	بھوشن
1982	نکاح	سیف
	ستم
1981	آپس کی بات	بھولا
	آس پاس	جے کشن
	اک دوجے کے لیے	جی ہری بابو
	ایک ہی بھول	منوہر پرساد ایم پی
	کہانی ایک چور کی	کانتی لال
	میری آواز سنو	بہادر
	زمانے کو دکھانا ہے	شرابی		مہمان کردار
1980	ایگریمنٹ	دلیپ کانوچند
	دی برننگ ٹرین	کرنل پی کے بھنڈاری
	ہم نہیں سدھریں گے			بطور ڈائریکٹر بھی
1979	آہنسا
	باتوں باتوں میں	فرانسس فرنینڈس
	ڈھونگی	مائیکل یارک
	دو حوالدار	بھولا رام
	دو لڑکے دونوں کڑکے	رامو
	ہمارے تمھارے	گوری شنکر
	جانِ بہارا
	جرمانہ (1979ء فلم)	نندلال چترویدی
	لو اِن کینیڈا	بنسی
	نالائق	للو کمار للا
	سلام میم ساب	سندر		بطور ڈائریکٹر بھی
	سرگم (1979ء فلم)	گوپی
1978	پتی پتنی اور وہ (1978ء فلم)	عبد الکریم درانی
	بدلتے رشتے	انوپ چندرا ٹھاکر
1977	آلاپ (فلم)	گنیش (گنیشی)
	چلا مراری ہیرو بننے	مراری		بطور ڈائریکٹر بھی
	کلاباز	چنگو
1976	تپسیا	ونود سنہا
	بالیکا ودھو	شرت
1975	ملی	شرابی		مہمان کردار
	چھوٹی سی بات	ناگیش
	رفوچکر	کنہیا لال چترویدی
	شعلے	جیلر
	چپکے چپکے	پرشانت شریواستو
1974	بدائی	مرلی/ بھاسکر
	اجنبی	چیتن کمار
	آپ کی قسم	ڈاکٹر گھڑ گھڑ سنگھ والا
1973	نمک حرام	دھوندو، شیاما کا بھائی
	ابھیمان	چندر کرپلانی
	انامیکا	ہنومان سنگھ
1972	پریچے	نارائن
	باورچی	وشوناتھ شرما/ ببو
	سیتا اور گیتا	لافنگ ڈاکٹر
	کوشش	کانو
	پیا گا گھر
1971	میرے اپنے	رگھو ناتھ
	گڈی	کندن
1969	ستیہ کام	پیٹر
	اُمنگ
1967	ہرے کانچ کی چوڑیا	ترپاٹھی
1966	ہم کہاں جا رہے ہیں	کالج اسٹوڈنٹ

As director

Year	Title	Language
1990ء	امداواد نو رکشہ والو (احمد آباد کا رکشہ والا)	گجراتی
1977ء	چلا مراری ہیرو بننے	ہندی
1979ء	سلام میم ساب
1980ء	ہم نہیں سدھریں گے
1992ء	دل ہی تو ہے
1997ء	اُڑان

ایوارڈ اور نامزدگیاں

فلم فیئر ایوارڈز
سال	فلم	زمرہ	نتائج
1974	ابھیمان	فلم فیئر اعزاز برائے بہترین معاون اداکار	نامزد
	آج کی تازہ خبر	فلم فیئر اعزاز برائے مزاحیہ کردار میں بہترین کارکردگی	فاتح
	نمک حرام		نامزد
1975	چور مچائے شور		نامزد
	بدائی		نامزد
1976	رفو چکر		نامزد
	شعلے		نامزد
1977	چھوٹی سی بات		نامزد
	بالیکا ودھو		فاتح
1979	پتی پتنی اور وہ		نامزد
1980	سرگم		نامزد
1981	ہم نہیں سدھریں گے		نامزد
1982	اک دوجے کے لیے		نامزد

وفات

اسرانی 20 اکتوبر 2025ء کو طویل علالت کے بعد ممبئی، بھارت میں 84 سال کی عمر میں انتقال کر گئے۔ ان کی آخری رسومات سانتا کروز شمشان گھاٹ میں ادا کی گئیں۔

بیرونی روابط

• انٹرنیٹ مووی ڈیٹابیس (IMDb) پر Asrani

• Asrani interview on سونی انٹرٹینمنٹ ٹیلی ویژن (بھارت)
• http://www.cagesmovie.com/castandcrew/asrani/آرکائیو شدہ بذریعہ cagesmovie.com