سیف علی خان

سیف علی خان پٹودی
(ہندی میں: सैफ़ अली ख़ान)
سیف علی خان، جولائی 2012
معلومات شخصیت
پیدائشی نام	ساجد علی خان پٹودی
پیدائش	(1970-08-16) 16 اگست 1970 نئی دہلی، بھارت
قومیت	بھارتی
زوجہ	امریتا سنگھ (شادی۔1991–2004; طلاق - 2 بچے) کرینہ کپور (شادی2012–تا حال)
اولاد	2
تعداد اولاد	4
والدین	منصور علی خان پٹودی شرمیلا ٹیگور
والد	منصور علی خان پٹودی
والدہ	شرمیلا ٹیگور
بہن/بھائی	سوہا علی خان
عملی زندگی
مادر علمی	ونچسٹر کالج لارنس اسکول، سنوار
پیشہ	اداکار، پروڈیوسر
پیشہ ورانہ زبان	ہندی
دور فعالیت	1992–تا حال
اعزازات
بہترین اداکار نیشنل فلم ایوارڈ (2005)، بہترین مزاحیہ فنکار (2005)
	IMDB پر صفحات

سیف علی خان (پیدائش 16 اگست 1970ء) بھارتی اداکار ہیں اور بالی وڈ کی کئی فلموں میں کام کر چکے ہیں۔ آپ نواب پٹودی مرحوم منصور علی خان پٹودی اور اداکارہ شرمیلا ٹیگور کے بیٹے ہیں۔ شرمیلا ٹیگور گیتندراناتھ ٹیگور کی بیٹی تھیں۔ گیتندراناتھ ٹیگور، ،مشہور پنیٹر گگندرناتھ ٹیگور کے پوتے تھے، جو نوبل انعام یافتہ بنگالی شاعر رابندرناتھ ٹیگور کے رشتہ دار تھے۔

سیف نے اپنی اداکاری کا سفر 1992ء میں فلم ہرمپرا سے شروع کیا، ان کو پہلی کامیابی 1994ء میں میں کھلاڑی تو اناڑی اور یہ دل لگی سے حاصل ہوئی۔ 1990ء میں کئی سالوں کی جدوجہد کے بعد ان کو صیحیح معنوں میں شہرت 2001ء میں فلم دل چاہتا ہے سے حاصل ہوئی، اس فلم نے ان کی زندگی بدل دی۔ 2003ء میں ان کو فلم کل ہو نہ ہو کے لیے فلم فیئر اعزاز برائے بہترین معاون اداکار نوازا گیا۔ اور 2004 میں فلم ہم تم کے لیے نیشنل فلم فیئر برائے بہترین اداکار سے نوازا گیا۔

اگلے چند سالوں میں ان کو فلم سلام نمستے (2005ء) اور ریس (2008ء) سے کافی پزیرائی حاصل ہوئی اس کے علاوہ پرینیتا (2005ء) اور اومکارا (2006ء) میں بھی ان کے کردار کو مداحوں نے بہت سراہا۔ 2009ء میں سیف نے اپنی فلم پیشکاری کمپنی الّومیناٹی فلم کی پیش کردہ فلم لؤ آج کل کی نمائش کی جو اس سال کی بہترین باکس آفس ہٹ ثابت ہوئی۔ ان تمام تر کامیابیوں نے سیف علی خان کو بالی وڈ سنیما کا اہم رکن بنا دیا ہے۔ 2010ء میں بھارتی سرکار نے ان کو عوامی اعزار پدما شری سے نوازا۔

مزید دیکھیے

• نواب آف پٹودی