فضل اکبر

فضل اکبر
معلومات شخصیت
پیدائش	18 نومبر 1903ء   کولکاتا
وفات	27 دسمبر 1971ء (68 سال)  لاہور
شہریت	پاکستان برطانوی ہند
مناصب
منصف اعظم پاکستان
برسر عہدہ 4 جون 1968  – 17 نومبر 1968
جسٹس ایس اے رحمان   جسٹس حمود الرحمن
عملی زندگی
مادر علمی	جامعہ کلکتہ
پیشہ	منصف
ملازمت	جامعہ کلکتہ

فضل اکبر (1903ّ) 4 جون 1968ء سے 17 نومبر 1968ء تک 5 ماہ کے لیے پاکستان کے چھٹے چیف جسٹس رہے۔ انھوں نے سینٹ زیویئر کالج کلکتہ ہندوستان سے آرٹس میں گریجویشن کیا۔ انھوں نے کلکتہ یونیورسٹی سے قانون میں گریجویشن کیا اور انھیں 1930ء میں لنکنز ان لندن سے بار میں بلایا گیا۔

انھوں نے 1931ء میں فورٹ ولیم ہائی کورٹ میں بطور وکیل اپنے کیریئر کا آغاز کیا۔ 1931 سے 1943 ءتک انھوں نے کلکتہ یونیورسٹی میں فقہ بھی پڑھایا۔ 1943ء میں انھیں ڈسٹرکٹ اینڈ سیشن جج مقرر کیا گیا، جس عہدے پر انھوں نے 1946ء تک کام کیا۔

تقسیم ہند کے بعد وہ محکمہ عدالتی اور رجسٹرار مشرقی پاکستان ہائی کورٹ کے خصوصی افسر بن گئے۔ 1949ء میں انھیں مشرقی پاکستان کی ہائی کورٹ کے جج کے طور پر ترقی دی گئی۔ جسٹس فضل اکبر کو 1950ء میں ریلوے ٹریبونل کے چیئرمین اور 1954ء میں یونیورسٹی کمیشن کے چیئرمین کے طور پر تعینات کیا گیا تھا۔

مئی 1960ء میں انھیں سپریم کورٹ آف پاکستان میں ترقی دی گئی۔ جسٹس فضل اکبر 4 جون 1968ء کو ڈاکٹر جسٹس ایس اے رحمان کی جگہ لینے والے پاکستان کے چھٹے چیف جسٹس بنے۔ وہ 17 نومبر 1968 ءکو ریٹائر ہوئے۔