ڈینیال برنولی

ڈینیال برنولی
(جرمنی میں: Daniel Bernoulli)
معلومات شخصیت
پیدائش	29 جنوری 1700ء   خرونیگین
وفات	17 مارچ 1782ء (82 سال)  بازیل
شہریت	سویٹزرلینڈ
رکن	رائل سوسائٹی ،  سائنس کی روسی اکادمی ،  سائنس کی پروشیائی اکیڈمی ،  فرانسیسی اکادمی برائے سائنس
والد	جون برنولی
بہن/بھائی	نکولس برنولی دوم ،  جون برنولی دوم
خاندان	برنولی خاندان
عملی زندگی
مادر علمی	جامعہ بازیل جامعہ ہائیڈل برگ
ڈاکٹری مشیر	جون برنولی
ڈاکٹری طلبہ	جون برنولی سوم
پیشہ	ریاضی دان ،  طبیعیات دان ،  استاد جامعہ ،  ماہر معاشیات ،  طبیب ،  ماہر شماریات
پیشہ ورانہ زبان	لاطینی زبان ،  جرمن ،  روسی ،  فرانسیسی
شعبۂ عمل	ریاضیاتی تحلیل ،  نظریۂ احتمال ،  تفریقی حسابان ،  طبیعیات ،  میکانیات ،  ریاضیاتی طبیعیات
ملازمت	جامعہ بازیل ،  سائنس کی روسی اکادمی
اعزازات
رائل سوسائٹی فیلو
دستخط

ڈینیال برنولی برنولی خاندان کا ایک مشہور ماہر ریاضیات وطبیعیات 8 فروری 1700ء کو ہالینڈ میں پیدا ہوا۔ وہ میکانیات (mechanics) اور سیالی میکانیات (fluid mechanics) میں کیے گئے کام کے لیے بہت مشہور ہوا۔ وہ احتمال (probability) اور احصاء (statistics) کے بانیوں میں سے تھا۔ اس کا کام آج بھی دنیا بھر کے اسکولوں میں پڑھایا جاتا ہے۔ 17 مارچ 1782ء کو بازیل میں اس کا انتقال ہو گیا۔

ابتدائی زندگی

وہ ہالینڈ کے شہر گوننگن میں پیدا ہوا۔ ڈینیال جون برنولی کا بیٹا اور جیکب برنولی کا بھتیجا اور جون برنولی دوم کا بڑا بھائی تھا۔ اس کے اپنے باپ کے ساتھ کچھ اچھے تعلقات نہیں تھے۔ جب دونوں نے جامعہ پیرس کے ایک مقابلہ میں ایک دوسرے سے سبقت لے جانے کی کوشش کی تو اس کے پاب جون برنولی نے اس شرم سے بچنے کے لیے کہ وہ اپنے بیٹے ڈینیال جیسا قابل نہیں ہے اس کے گھر میں آنے پر پابندی لگا دی۔ مزید یہ کہ جون برنولی نے کچھ ڈینیال برنولی کا کام اس کی کتاب سے نقل کر کے اپنی کتاب میں پرانی تاریخ ڈال کر لکھ دیا۔ ڈینیال کی مفاہمت کی کوششوں کے باوجود اس کا باپ کو اس سے مرتے دم تک شکایت رہی۔

جب ڈینیال سات سال کا تھا تو اس کا چھوٹا بھائی جون برنولی دوم پیدا ہوا۔ اس کے باپ نے اسے تجارت پڑھانے کی کوشش کی۔ مگر ڈینیال نے منع کر دیا وہ ریاضی پڑھنا چاہتا تھا۔ بعد میں اس نے اپنے باپ کی خواہش پر تجارت بھی پڑھی۔ اس کے باپ نے پھر اسے طب پڑھنے کو کہا جو اس نے اس شرط پر پڑھنا قبول کیا کہ وہ خود اسے ریاضی پڑھائیں جو وہ کچھ عرصے پڑھاتا بھی رہا۔ وہ لیونہارڈ اویلر کا بہت قریبی دوست تھا۔ وہ 1724ء میں روس سینٹ پیٹرز برگ میں ریاضی کا استاد بن کر چلا گیا مگر وہاں وہ زیادہ خوش نہیں رہا۔ 1733ء میں ایک عارضی بیماری نے اسے وہاں سے جانے کا بہانہ دے دیا۔ وہ واپس جامعہ بازیل آگیا اور مرتے دم تک وہیں رہا۔ 17 مارچ 1782ء کو اس کا بازیل سویٹزر لینڈ میں انتقال ہو گیا۔

ڈینیال برنولی کی کتاب کا سرورق

ریاضی تصنیف

ریاضی میں اس کی سب سے اولین کاوش 1724ء میں گولڈباغ کی مدد سے شائع ہوئی۔ دو سال بعد اس نے گردشی حرکت کے بارے میں اپنی کتاب شائع کی۔ 1734ء میں اس کی سب سے اہم تصنیف شائع ہوئی۔ اویلر اور برنولی دونوں نے مل کر سیالی حرکات کے بارے میں جاننے کی بہت کوششیں کیں۔ خاص طور پر وہ جاننا چاہتے تھے کہ خون کی رفتار اور دباؤ کے درمیان کیا تعلق ہے۔ اس مقصد کے لیے انھوں نے ایک نلی کی دیوار میں کچھ سوراخ کیے تا کہ وہ دیکھ سکے کہ سیال دباؤ کی وجہ سے کتنا اوپر تک آتا ہے۔

جلد ہی یورپ کے تمام معالجوں نے مریضوں فشار خون (blood pressure) معلوم کرنے کے لیے یہ طریقہ اختیار کر لیا کی وہ ششیے کی نلیاں مریض کی شریان میں لگا دیتے تھے۔ تقریبا 170 سالوں تک فشار خون معلوم کرنے کا یہی طریقہ رائج رہا پھر ایک اطالوی معالج نے 1896ء میں کم تکلیف دہ طریقہ دریافت کیا جو آج تک استعمال ہوتا ہے۔ تاہم برنولی کا دباؤ جانچنے کا طریقی آج تک جدید ہوائی جہازوں میں گزرتی ہوئی ہوا کی رفتار معلوم کرنے کے لیے استعمال کیا جاتا ہے۔

ڈینیال نے پھر اپنا پرانا کام قانون بقائے توانائی (law of conservation of energy) دوبارہ شروع کر دیا۔ اس وقت یہ معلوم تھا کہ حرکت کرتی ہوئی اشیا جب ان کی اونچائی بڑھائی جاتی ہے تو وہ اپنی حرکی توانائی (kinetic energy) کو جہدی توانائی (potential energy) سے تبدیل کرتی ہیں۔ ڈینیال برنولی نے جانا کہ حرکت کرتا ہوا سیال اپنی حرکی توانائی (kinetic energy) دباؤ سے تبدیل کرتی ہے۔ اسے ریاضی کی زبان میں اس طرح لکھ سکتے ہیں۔

${\tfrac {1}{2}}\rho u^{2}+P={\text{constant}}$

یہاں P دباؤ (pressure) ہے $\rho$ سیال کی کثافت (density) ہے اور u اس کی سمتار (velocity) ہے۔ اس قانون سے یہ پتہ چلتا ہے کہ اگر ہم سمتار (velocity) بڑھائیں گے تو دباؤ (pressure) کم ہو جائے گا۔ اسی قانون کا ہوائی جہاز کے پر (wing) بنانے میں استحصال (exploited) کیا جاتا ہے جو اس طرح سے بنائے جاتے ہیں کہ اس کے اوپر کی سطح پر ہوا کی سمتار زیادہ ہو جائے تا کہ اس کی سطح کے نیچے دباؤ کم ہو جائے اور اسی وجہ سے جہاز اوپر کی طرف اٹھتا ہے۔

حوالہ جات

کلاسیکی میکانیات
تاریخ خط زمانی
شاخیں سکونیات جنبش شناسی حرکیات جنبشیات اطلاقی میکانیات سماوی میکانیات مسلسلہ میکانیات شماریاتی میکانیات
قائدہ سازی نیوٹن کے قوانین حرکت تجزیاتی میکانیات
بنیادی تصورات فضاء وقت کمیت جبر سمتار رفتار اسراع قوت معیار حرکت مومنٹم تدویر / مومنٹ / کوپل زاویائی معیارحرکت جبری حرکات حوالہ جاتی قالب توانائی کام طاقت مجازی کام ڈالامبر کے اصول
مرکزی موضوعات صلب جسمی حرکات حرکت (خطی حرکت) اویلر کے قوانین حرکت نیوٹن کے قوانین حرکت نیوٹن کا قانون عالمی ثقالت حرکت کی مساوات جمودی حوالہ جاتی قالب / غیر جمودی حوالہ جاتی قالب افسانوی قوت مداری حرکات میکانیات ہٹاؤ اضافی سمتار رگڑ سادہ ایقاعی حرکت ایقاعی ارتعاش لرزش تخفیفی تناسب
دورانی حرکات دورانی حرکت دورانی حوالاجاتی قالب مرکز مائل قوت مرکز گریز قوت کوریولس اثر شاقول دورانی رفتار زاویائی اسراع زاویائی سمتار زاویائی تعدد زاویائی ہٹاو
سائنسدانان گلیلیو نیوٹن کپلر ہوروکس ہیلے اویلر ڈالامبر کلروٹ لاگرانج لاپلاس ہیملٹن پواسون ڈینیال / جون برنولی کوشی