محمد کا ذکر مسیحیت کی کتابوں میں

تفصیلی مضمون کے لیے محمد کا ذکر بڑے مذاہب کی کتابوں میں ملاحظہ کریں۔

محمّد صلی اللہ علیہ وآلہ وسلّم کا ذکر بڑے تفصیل کے ساتھ مسیحیوں کی کتابوں میں کیا گیا ہے۔ آپ کا ذکر مسیحیوں کی کتاب مقدس کی انسائیکلوپیڈیا بائبل میں کیا گیا ہے۔ آپ کا ذکر بائبل کے عہد نامہ جدید اور عہد نامہ عتیق (قدیم) دونوں میں کیا گیا ہیں۔

محمد کا ذکر بائبل میں

مقدس بائبل مسیحیوں کی مقدس کتاب ہے۔
ا ) بائبل کو دو حصّوں میں تقسیم کیا جاتا ہیں، عہد نامہ قدیم (عتیق) اور عہد نامہ جدید۔ عہد نامہ قدیم یہودیوں کی مقدس کتاب ہے اور اس میں موسی ‎سے پہلے تمام انبیا کے حالات کو ضبط تحریر میں لایا گیا ہیں۔ عہد نامہ جدید عیسی کے احوال پر مشتمل ہے۔
ب ) عہد نامہ قدیم اور عہد نامہ جدید کوملا کر پوری بائبل 73 کتب پر مشتمل ہیں۔ تاہم پروٹسٹنٹ بائبل جو کنگ جیمز ورشن کہلاتا ہے، 66 کتب پر مشتمل ہیں۔ کیوں کہ یہ 7 کتابوں کو مشکوک سمجھتے ہیں۔ اور اس کی سند پر شک کرتے ہیں۔
اس لیے کیتھولک فرقے کے عہد نامہ قدیم میں 46 کتب ہیں جبکہ پروٹشٹنٹ کے عہد نامہ قدیم میں 39 کتب ہیں۔ جبکہ دونوں فرقوں کا عہد نامہ جدید 27 کتب پر مشتمل ہیں۔ مسیحیت میں کئی فرقے ہیں، جن میں دو بڑے فرقے ہیں کیتھولک اور پروٹسٹنٹ ۔

محمدؐ کا ذکر عہدنامہ ِقدیم میں

قرآن مجید فرماتا ہے کہ:
وہ لوگ جو ایسے رسولۖ،نبی اُمی(ان پڑھ) کی پیروی کرتے ہیں جن کو وہ اپنے ہاں تورات وانجیل میں لکھا ہوا پاتے ہیں۔

محمدؐ کا ذکر کتابِ استثنا میں

اﷲتعالیٰ موسی سے فرماتا ہے ڈیوٹرانمی(کتابِ استثنا) کے سورةنمبر 18 آیت 18 میں:
میں تمھارے بھائیوں کے درمیان میں سے ایک پیغمبر پیدا کروں گا،جو تمھاری (موسی) کی طرح ہوگا،اور میں اپنے الفاظ اس کے منہ میں ڈالوں گا اور وہ ان سے یہی کہے گا جو میں اسکوحکم دوں گا۔
مسیحی یہ دعویٰ کرتے ہے کہ یہ پیش گوئی عیسی کے بارے میں ہے کیونکہ عیسی موسی کی طرح تھے۔ موسی بھی یہودی تھے، عیسی بھی یہودی تھے۔ موسی بھی پیغبر تھے اور عیسی بھی پیغمبر تھے۔ اگراس پیش گوئی کو پورا کرنے کے لیے یہی دو اصول ہیں تو پھر بائبل میں ذکر کیے گئے تمام پیغمبرجوموسی کے بعد آئے مثلاً سلیمان،حِزقیل ،دانیال، یحیٰ وغیرہ سب یہودی بھی تھے اور پیغمبر بھی حالانکہ یہ محمدؐ ہے جو موسی کی طرح ہے۔

1) دونوں یعنی موسی اور محمدؐ کے ماں باپ تھے جبکہ عیسیٰ معجزانہ طور پر مرد کے مداخلت کے بغیرپیدا ہوا تھا۔
2)دونوں نے شادیاں کی اور ان کے بچے بھی تھے جبکہ بائبل کے مطابق عیسی نے شادی نہیں کی اورنہ ہی اُن کے بچے تھے۔
3)دونوں فطرتی موت مرے۔ جبکہ عیسیٰ کوزندہ اُٹھالیا گیا ہے۔
محمد، موسیٰ کے بھائیوں میں سے تھے۔ عرب یہودیوں کے بھائی ہے۔ ابراہیم کے دو بیٹے تھے، اسماعیل اور اسحاق۔ عرب اسماعیل کے اولاد میں سے ہے اور یہودی اسحاق کے اولاد میں سے ہے۔

منہ میں الفاظ ڈالنا

حضرت محمدؐ اُمیّ یعنی ان پڑھ تھے اور جو کچھ وہ اﷲتعالیٰ سے جو کچھ وحی حاصل کرتے،وہ اِسے لفظ بہ لفظ دہرا دیتے۔ میں تمھارے بھائیوں کے درمیا ن میں سے ایک پیغمبر پیدا کروں گا،جو تمھاری (موسی) کی طرح ہوگا، اورمیں اپنے الفاظ اُسکے منہ میں ڈالوں گا اور وہ ان سے یہی کہے گا جیسے میں اُسکو حکم کروں گا۔
2: کتابِ استثنا میں درج ہے کہ:
جوکوئی میری اُن باتوں کو جن کو وہ میرا نام لیکر کہے گا، نہ سنے تو میں اُن کا حساب اُن سے لوں گا۔

محمد کا ذکر یسعیاہ کی کتاب میں

اس کا ذکر یسعیاہ کی کتاب میں ہے کہ:
جب کتاب اس کو دی گئی جو ان پڑھ ہے اور کہا کہ اس کو پڑھو میں تمھارے لیے دُعا کروں گا تو اس نے کہا کہ میں پڑھا لکھا نہیں ہوں۔

جب جبرائیل نے محمدؐ سے کہا کہ پڑھ تو اس نے کہا کہ میں پڑھا لکھا نہیں ہوں۔

محمد کا ذکر نام کے ساتھ

محمد کا ذکر نام کے ساتھ سلیمان کے گیت (songs of solomon) میں کیا گیا ہے۔
یہ ایک عبرانی حوالہ ہے جس کے معنی ہے:
وہ بہت میٹھا ہے،ہاں: وہ بہت پیارا ہے۔ یہ میرا محبوب ہے اور یہ میرا دوست ہے،اے یروشلم کے بیٹیوں
عبرانی زبان میں لفظ اِم احترام کے لیے بولا جاتا ہے۔ مثلاً عبرانی زبان میں خُدا کواِلُکہاجاتا ہے۔ لیکن احترام سے اس کواِلُ اِم'پڑھا جاتا ہے۔ اسی طرح محمدؐکے نام کے ساتھ بھی اِم کااضافہ کیا گیا ہے۔ لیکن انگریزی میں اس کا ترجمہ لفظ پیارا سے کیا گیا ہے۔ لیکن عبرانی زبان کے عہدنامہ قدیم میں محمد کا نام ابھی بھی موجود ہے۔

محمد کا ذکر عہد نامہ جدید میں

قرآن کے سورة الصف کی آیت میں ذکر کیا گیا ہے کہ:
اور اس وقت کو یاد کرو جب عیسی ابن مریم نے کہا کہ اے بنی اسرائیل!بلاشبہ میں اﷲتعالیٰ کا رسول ہوں(جو) تمھاری طرف (بھیجا گیاہوں)۔ میں تصدیق کرنے والا ہوں تورات کا جو مجھ سے پہلے آئی ہے اور خوشخبری سنانے والا ہوں ایک رسول کی جو میرے بعد آئے گا،اس کا نام احمد ہوگا۔ پھر وہ جب کھلی نشانیاں لے کر آیا تو وہ کہنے لگے کہ یہ تو صریح جادو ہے۔
تمام وہ حوالے جو عہد نامہِ قدیم (Old Testament) میں محمدۖ کے بارے میں دیئےگئے ہیں وہ یہودیوں کے علاوہ مسیحیوں کے لیے بھی درست ہے۔ کیونکہ مسیحی دونوں ،عہد نامہ قدیم (Old Testament) اور عہد نامہِ جدید (New Testament) دونوں کو مانتی ہیں جبکہ یہودی صرف عہد نامہِ قدیم کو مانتے ہے۔

یوحنا کی کتاب سورة 14 آیت 16

اور میں خُدا سے دُعا کروں گا اور وہ تمھیں ایک مددگار دے گا جو تمھارے ساتھ،ہمیشہ رہے گا۔

یوحنا (John) کی کتاب سورة 15 آیت 26

میں تمھارے پاس مددگار بھیجوں گا جو میرے باپ کی طرف سے ہوگا وہ مددگار سچائی کی روح ہے جو باپ کی طرف سے آتی ہے جب وہ آئے گا تو میرے بارے میں گواہی دے گا۔

یوحَنّا کی کتاب سورة 16 آیت 7

میں تم سے سچ کہتا ہوں کہ میرا جانا تمھارے لیے بہتر ہے کیوں کہ اگر میں جاتا ہوں تو تمھارے لیے مددگار بھیجوں گا۔ اگر میں نہ جائوں تو تمھارے پاس مددگار نہ آئے گا۔
احمدیا محمدکا مطلب ہے وہ شخص جس کی تعریف کی جاتی ہےیا وہ جس کی تعریف کی گئی ہو۔ یہ تقریباً یونانی لفظ پیری کلایٹس (Periclytos) کے معنی ہے۔ یوحَنّا کی کتاب کے سورة 16آیت 16، سورة 51 آیت 26 اور سورة 16 آیت 7 میں یونانی لفظ پے ری کلیٹاس(Peraclytos) کا انگریزی میں ترجمہ (comforter)کم فرٹر یعنی مددگار لفظ سے کیا گیا ہے۔ حالانکہ (Peraclytos) کے معنی ہے وکیل یا ایک مہربان دوست۔ اس کا مطلب مددگارنہیں ہے۔ جو انگریزی ترجمہ میں استعمال کیا گیا ہے۔ (Paracletos)پے ری کلیٹاس لفظ (Pariclytos) پے ری کلایٹس کی ٹیٹری شکل ہے۔ عیسی نے درحقیقت احمد کا نام لے کر پیش گوئی کی۔ نیز یونانی لفظ پے راکلیٹ (Paraclete) حمدؐکی طرف اشارہ کرتی ہے جو سارے جہان کے لیے رحمت ہے۔
بعض مسیحی یہ کہتے ہیں کہ لفظ مددگار (Comforter) جس کا ذکر ان پیش گوئیوں میں کیا گیا ہے،یہ روح القدس (Holy spirit) کی طرف اشارہ کرتی ہے۔ لیکن یہ اس بات کو سمجھنے میں ناکام ہو گئے ہے کیونکہ پیش گوئی میں یہ صاف ذکر ہے کہ جب یسوع اس دنیا سے چلا جائے گا تب مددگار(Comforter)آئے گا۔ حالانکہ بائبل(Bible)یہ بتاتی ہے کہ روح القدس تو پہلے سے زمین پر موجود تھا عیسی کے زمانے میں بھی اور اس سے پہلے بھی۔ وہ الیشبع (Elizabeth) کے رحم میں موجود تھا اور دوبارہ جب یسوع کی بپتسمہ یا اصطباغ (Baptism) کی جا رہی تھی،وغیرہ وغیرہ۔ اسی طرح یہ پیش گوئی صرف اور صرف محمد کے بارے میں ہے اور صرف اسی کا ذکر کرتی ہے۔

یوحنا کی انجیل سورة 16 آیات 14-12

مجھے تم سے بہت کچھ کہنا ہے مگر ان سب باتوں کو تم برداشت نہ کرسکوگے۔ لیکن جب روحِ حق آئے گا تو تم کو سچائی کی راہ دکھائے گا۔ روحِ حق اپنی طرف سے کچھ نہ کہے گا بلکہ وہی کہے گا جو وہ سنتا ہے وہ تمھیں وہی کہے گا جو کچھ ہونے والا ہے اور وہ میری (یعنی یسوع ﷲ) کی بڑائی بیان کرے گا۔
مندرجہ بالاآیت میں روحِ حق کا جو لفظ استعمال کیا گیا ہے یہ محمدۖ کے علاوہ کسی اور کی طرف اشارہ نہیں کرتی۔ کیونکہ محمدۖ کے لیے یہاں روح حقکا لفظ استعمال ہوا ہے۔ اور محمدۖ کی صفات میں سے ایک صفت حقبھی ہے۔ جو قرآن مجید میں موجود ہے۔ مندرجہ بالاآیت میں یہ بھی کہا گیا کہ جب وہ آئے گا تو:
1) لوگوں کو سچائی کی راہ دکھائے گا۔
2) جو کچھ سنے گا وہی کہے گا۔ اپنی طرف سے کچھ بھی نہیں کہے گا۔
3) وہ عیسی کی بڑائی بیان کرے گا اور اس کا احترام کرے گا۔

ا )- رسول اﷲؐنے لوگوں کو سچائی کی راہ دکھائی اور وہ ہے اﷲتعالیٰ کی راہ۔

ب)- رسول اﷲؐ نے جو کچھ سُنا وہی کہا اور اپنی خواھش سے کوئی بات نہیں کی۔ قرآن میں اﷲ تعالیٰ فرماتا ہے۔
ترجمہ: اور(نبیؐ) اپنی خواہش سے نہیں بولتا۔ نہیں ہے یہ کچھ اور مگر جو اس کو وحی کی جاتی ہے۔

د-) رسول اﷲؐ نے کسی بھی بنی کے بارے میں کوئی غلط الفاظ استعمال نہیں کیے۔ وہ ہمیشہ اﷲتعالیٰ کی نبیوں کی تعریف کرتا تھا۔ اور دوسرے نبیوں کے ساتھ ساتھ محمدؐنے عیسی کی بڑی تعریف کی ہے۔ قرآن مجید میں بھی عیسی کی تعریف کئی جگہوں میں کی گئی ہے۔ عیسی کو قرآن میں روح اﷲ کہاگیا ہے جس کے معنی ہے اﷲ تعالیٰ کی رحمت۔ اس کے علاوہ یسوع کو کلمتہ اﷲیعنی اﷲ تعالیٰ کا کلام، نبی اﷲیعنی اﷲ تعالیٰ کا نبی اور پیغمبر کے نام سے پکارا گیا ہے۔