2000 گرمائی اولمپکس جو اولمپکس کمیٹی کے سرکاری نام Games of the XXVII Olympiad، سے بھی مشہور ہیں۔ دور جدید کے ستائیسویں اولمپکس تھے، جو آسٹریلیا کے شہر سڈنی میں 2000ء میں 15 ستمبر تا 1 اکتوبر کے دوران منعقد ہوئے۔
28 کھیلوں میں 300 مختلف مقابلے، 30 مختلف میدانوں میں منعقد ہوئے۔ ان مقابلوں میں کل 10,651 کھلاڑیوں نے حصہ لیا۔ جن میں سے 6,582 مرد اور 4,069 خواتین مقابلوں میں شریک تھیں۔ امریکا نے سب سے زیادہ طلائی تمغے حاصل کیے جن کی تعداد 37 تھی، چاندی اور کانسی کے تمغے ملا کر یہ تعداد 93 بنتی ہے۔ اس کے بعد روس اور چین نے بالترتیب 32 اور 28 طلائی تمغے حاصل کیے جب کہ ان کے مجموعی تمغوں کی تعداد بالترتیب 89 اور 58 تھی۔
