یزیدی

یزیدی
Yazidi
Êzidîtî

یزیدی کوہ سنجار، عراق/شامی سرحد پر، 1920 کی دہائی
کل آبادی
700,000
اہم آبادی والے علاقے
عراق	500,000
جرمنی	60,000
سوریہ	50,000
روس	40,586
آرمینیا	35,272
جارجیا	20,843 (18,000 تبلیسی میں)
سویڈن	4,000
مذاہب
ایرانی مذاہب
کتابیں
یزیدی کتاب مکاشفہ (Kitêba Cilwe) یزیدی کتاب سیاہ (Mishefa Reş)
زبانیں
عربی اور کردی (لاطینی طرز تحریر )

یزیدی (Yazidi) (ایزدیان, Եզդիներ, Езиды) ایک عربی اور کردی بولنے والا درون ازدواجی (endogamous) نسلی مذہبی طبقہ ہے۔ جو کہ زرتشتیت اور ابتدائی بین النہرینکے مذاہب سے تعلق رکھنے والے ایک قدیم امتزاج ضدین (syncretic) مذہب پر عمل ہیں۔ اس خطے کے دیگر اقلیتی برادریوں، مثلاً علوی اور دروز کی طرح کوئی شخص یزیدی برادری میں باہر سے شامل نہیں ہو سکتا۔ یہ بنیادی طور پر شمالی عراق کے محافظہ نینوی میں آباد ہیں جو کہ قدیم اشوریہ کا حصہ ہے۔ آرمینیا، جارجیا اور شام میں آباد یزیدی برادری میں 1990 کی دہائی کے بعد خاصی کمی ہوئی ہے، کیونکہ یہ یورپ خاص کر جرمنی میں منتقل ہو گئے ہیں۔

عراقی شہر موصل کے مغرب میں واقع یزیدی برادری کے مرکزی علاقے کوہ سنجار میں اس یزیدیوِں کے خلاف کارروائیاں جاری ہیں۔ ان کے بارے میں کچھ غلط فہمیاں بھی پائی جاتی ہیں۔ داعش کے شدت پسندوں کے خیال میں اس برادری کا تعلق بنو اُمیہ سے ہے، جب دوسرے اسے انتہائی غیرمقبول حکمران یزید بن معاویہ سے جوڑتے ہیں۔ جدید تحقیق سے معلوم ہوتا ہے کہ اس فرقے کا یزید بن معاویہ یا ایران کے شہر یزد سے کوئی تعلق نہیں ہے۔ تاہم جدید فارسی لفظ ایزد سے ہے جس کا مطلب خدا۔ ایزدیز نام کا عام مطلب خدا کے عبادت کرنے والے ہیں اور یزیدی بھی اپنے فرقے کا نام اسی طرح سے بیان کرتے ہیں۔

یزیدی قرآن اور بائبل کا احترام کرتے ہیں لیکن ان کی اپنی روایات زبانی ہی ہیں۔ رازداری کی وجہ سے یزیدی فرقے کے بارے میں غلط فہمیاں بھی پائی جاتی ہیں کہ اس فرقے کا تعلق پارسی مذہب سے بھی بیان کیا جاتا ہے، جس میں یہ روشنی اور تاریکی کے علاوہ سورج تک کی پوجا کرتے ہیں۔ موجودہ تحقیق کے مطابق اگرچہ ان کے عبادت خانے سورج کی تصاویر سے سجائے جاتے ہیں اور ان کی قبروں کا رخ مشرق کی جانب سے طلوع آفتاب کی طرف ہوتا ہے، تاہم ان کے عقیدے میں اسلام اور عیسائیت کے کئی جز شامل ہیں۔

شادی کی تقریب میں یزیدی راہب روٹی دو حصوں میں تقسیم کر کے ایک حصہ دولہا اور ایک حصہ دلہن کو دیتا ہے۔ شادی کی تقریب میں دلہن سرخ لباس پہنتی ہے۔ دسمبر میں یزیدی راہب سے سرخ شراب پینے کے بعد تین دن روزہ رکھتے ہیں۔ 15 سے 20 دسمبر کے دوران یہ موصل کے شمال میں واقع وادی لالش میں شیخ عدی بن مسافر کے مزار پر جاتے ہیں اور وہاں دریا میں مذہبی رسومات ادا کرتے ہیں جس میں جانوروں کی قربانی بھی شامل ہے۔ اس فرقے کے خدا کو یزدان کہا جاتا ہے اور اس کا اتنا اعلیٰ مقام ہوتا ہے اس کی براہ راست عبادت نہیں کی جا سکتی۔ اسے غیر متحرک طاقت کے مالک سمجھا جاتا ہے، اور وہ زمین کا نگہبان نہیں بلکہ خالق سمجھا جاتا ہے۔ اور اس سے سات عظیم روحانی طاقتیں نکلی ہیں جن میں ایک مور فرشتہ ملک طاؤس ہے اور جو خداوندی احکامات پر عمل درآمد کراتا ہے۔ ملک طاؤس کو خدا کا ہمزاد تصور کیا جاتا ہے۔ یزیدی ملک طاؤس کی دن میں پانچ بار عبادت کرتے ہیں۔ یزیدیوں کے نزدیک ملک طاؤس کا دوسرا نام شیطان ہے، جو عربی میں ابلیس کو کہتے ہیں، اور اسی وجہ سے یزیدی فرقے کو شیطان کی عبادت کرنے والا کہا جاتا ہے۔ یزیدی عقائد کے مطابق روح ایک جسم سے دوسرے میں منتقل ہوتی ہے اور بار بار پیدائش کا عمل روح کو خالص بناتا ہے۔ کسی بھی یزیدی کی بدترین سزا اسے برادری سے خارج کیا جانا ہے اور اس کا مطلب ہوتا ہے اس کی روح کا خالص ہونے کا عمل رک جاتا ہے۔ اسی وجہ سے یزیدیوں کا کسی دوسرا مذہب اختیار کرنے کا سوال ہی پیدا نہیں ہوتا۔

تصاویر

• 
  یزیدی رہنما بین النہرین میں ملاقات، انیسویں صدی
• 
  یزیدی مرد
• 
  یزیدی ، انیسویں صدی
• 
  یزیدی مرد روایتی لباس میں
• 
  یزیدی خاتون روایتی لباس میں
• 
  یزیدی عبادت گاہ
• 
  لالش میں شیخ عدی بن مسافر کا مزار
• 
  کوہ سنجار پر چیرمیرا (چالیس مرد)، یزیدی مقدس مقام
• 
  شیخ عدی بن مسافر کے مزار کا دروازہ

بیرونی روابط

یزیدی کون ہیں۔ بی بی سی اردو

• "کون، کیا، کیوں: یزیدی کون ہیں?" بی بی سی نیوز میگزین مانیٹر, 7 اگست 2014
• فرانس کے یزیدی
• امتزاج ضدین کی ایک مثال
• یزیدیوں کے مذہبی اصول کی تحقیقات از جارج پرسی بیجر (1852).
• شیطان کی عبادت: مقدس کتابیں اور یزیدیوں کی روایات از اسیا جوزف (1919).
• یزیدیت: اس کا پس منظر، رسومات اور متن روایت از فلپ جی کرینبروک (1995). ISBN 0-7734-9004-3.
• شیخ عدی تصوف اور کرد, از ڈاکٹر زوراب علویان.
• "یزیدی ہونا"
• ترجمہ میں گم, ایک یزیدی کے ساتھ انٹرویو از مائیکل یون (جون 6, 2005).
• کائنات کا آغاز
• "آرمینیا: یزیدی شناختی جنگ"
• یزیدی اور یزدانی
• یزیدی ویب
• "متبادل مذاہب پروفائل"
• الیسا جے روبن (2007-10-14)۔ "عراق میں مظلوم فرقے کا اس کے مزارات سے اجتناب"۔ نیو یارک ٹائمز۔ اخذ شدہ بتاریخ 04 اگست 2009 
• "یزیدی خاتون کا قتل"۔ سپئگل آن لائن۔ 2012-05-16۔ اخذ شدہ بتاریخ 27 مئی 2012 
• "باپ کا کردار - غیرت کے نام پر قتل کا فیصلہ (انگریزی)"۔ سپئگل آن لائن۔ 2012-05-24۔ اخذ شدہ بتاریخ 27 مئی 2012