آبادیات راولپنڈی

جنوری 2006ء کے مطابق راولپنڈی میں خواندگی کی شرح %70.5 ہے۔ شہر کی آبادی میں پوٹھوہاری، پنجابی، مہاجر قوم (بھارت سے پاکستان ہجرت کر کے آنے والے افراد) اور پٹھان شامل ہیں۔ راولپنڈی شہر میں ضلع اٹک سے تعلق رکھنے والی برادریاں کافی تعداد میں آباد ہیں اس کے علاوہ خیبر پختونخوا کے ہزارہ ڈویژن سے تعلق رکھنے والے افراد کی ایک بڑی تعداد رہائش پزیر ہے جن کی مادری زبان ہندکو ہے یہ لوگ شہر اور شہر کے اطراف میں بکھری آبادیوں، اپنی ذاتی رہائش گاہوں یا پھر کرایہ کے گھروں میں رہتے ہیں۔

آبادی[ترمیم]

آبادی کے لحاظ سے راولپنڈی پاکستان کا چوتھا بڑا اور پنجاب کا تیسرا بڑا شہر ہے۔ مرکزی حثیت ہونے کی وجہ سے اس کی آبادی دن بدن بڑھتی چلی جا رہی ہے۔ 2017ء کی مردم شماری کے مطابق اس وقت راولپنڈی شہر کی آبادی 2,280,733 ^[1] ہے۔ آبادی کا تناسب فی مربع کلومیٹر 1936.17 ہے۔^[2]

زبانیں[ترمیم]

پوٹھوہاری/پنجابی (68.7%)

پشتو (10.9%)

اردو (10.2%)

ہندکو (3.2%)

کشمیری (1.8%)

سرائیکی (1.00%)

سندھی (0.02%)

بلوچی (0.01%)

Others (4.17%)

راولپنڈی شہر کی آبادی ایک یا ایک سے زیادہ زبانیں بولتی ہے۔^[3]

اردو، قومی زبان اور عام رابطہ کے لیے استعمال ہوتی ہے۔
پوٹھوہاری ، اردو اور پنجابی زبان راولپنڈی کے مقامی لوگ بولتے ہیں۔
پشتو اور انگریزی زبان بھی کافی زیادہ بولی جاتی ہے۔
دری، ہزارگی، فارسی اور تاجک، مختلف افغان مہاجرین بولتے ہیں۔
دیگر زبانوں میں پہاڑی، گوجری، کشمیری، ہندکو ، سرائیکی ، میواڑی ، ہزاروی ، بلتی، بلوچی، براہوی اور سندھی بھی بولی جاتی ہے۔
تحریری طور پر اردو اور انگریزی ہی راولپنڈی میں استعمال ہوتی ہیں جبکہ عربی اور فارسی انتہائی کم مقدار میں استعمال ہوتی ہیں۔

مذہب[ترمیم]

2017ء کی مردم شماری کے مطابق راولپنڈی شہر کی 97.01% مسلمان ہے۔ جب کہ عیسائی ، سکھ مت، ہندومت اور دوسرے مذاہب کے لوگ بھی آباد ہیں۔^[4] 1947ء میں تقسیم ہند سے قبل راولپنڈی ایک اکثریتی ہندو اور سکھ شہر تھا، جو 1941ء کی مردم شماری کے مطابق کل آبادی کا 51.05 فیصد پر مشتمل تھا۔ ^[5] ^:32اسی مردم شماری کے مطابق مسلمان کل آبادی کا 43.79 فیصد تھے۔ ^[6] ^[5] راولپنڈی میں بابا دیال سنگھ گوردوارہ تھا جہاں سے سکھ مت کی اصلاحی نرنکاری تحریک شروع ہوئی تھی۔ شہر میں اب بھی سکھوں کی چھوٹی آبادی موجود ہے۔ راولپنڈی میں اب بھی چند سو ہندو خاندان آباد ہیں ۔ ہندوؤں کے اکثریت خاندان تقسیم کے بعد ہندوستان چلے گئے ، پرانے شہر میں زیادہ تر ہندو مندر موجود ہیں۔ پرانے شہر کے بہت سے محلے ہندو اور سکھوں کے ناموں کو برقرار رکھے ہوئے ہیں جن کرشن پورہ، آریہ محلہ، اکال گڑھ، موہن پورہ، امر پورہ، کرتار پورہ، باغ سرداراں، انگت پورہ وغیرہ شامل ہیں۔

شری کرشنا مندر راولپنڈی کا واحد فعال ہندو مندر ہے۔ یہ کباڑی بازار میں 1897ء میں تعمیر کیا گیا تھا ۔ راولپنڈی کا بڑا کلیان داس مندر 1880ء سے "گورنمنٹ" کی تحویل میں تھا۔ ^[7] کنک منڈی میں رام لیلا مندر اور کباڑی بازار میں کانجی مال اجگر مل رام رچپال مندر، دونوں اس وقت کشمیری پناہ گزینوں کے رہنے کے لیے استعمال ہوتے تھے۔ لنڈا بازار میں موہن مندر موجود ہے ، لیکن اس میں عبادت نہیں ہوتی اور عمارت اب کسی مقصد کے لیے استعمال نہیں ہوتی۔ راولپنڈی کا شمشان گھاٹ اب بھی پرانے شہر میں موجود ہے جس کی تزئین و آرائش 2012ء میں کی گئی تھی۔ برطانوی دور میں برطانوی فوجیوں کی عبادت کے لیے بہت سے گرجا گھر بنائے گئے تھے کیونکہ راولپنڈی چھاؤنی برطانوی فوج کا گھر تھا۔

راولپنڈی شہر کے مذاہب (1891−2017)^[ا]
مذہب	1891^[8]^:68		1901^[9]^:44		1911^[10]^:20		1921^[11]^:23		1931^[12]^:26		1941^[5]^:32		2017^[13]
مذہب	آبادی	%	آبادی	%	آبادی	%	آبادی	%	آبادی	%	آبادی	%	آبادی	%
اسلام	32,787	44.43%	40,807	46.54%	40,678	47.04%	47,653	47.11%	55,637	46.64%	81,038	43.79%	2,029,304	96.73%
ہندو	29,264	39.66%	33,227	37.89%	29,106	33.66%	35,279	34.88%	40,161^[ب]	33.67%	62,394^[ب]	33.72%	628	0.03%
مسیحی	6,072	8.23%	6,275	7.16%	7,846	9.07%	8,111	8.02%	6,850	5.74%	3,668	1.98%	65,729	3.13%
سکھ مت	4,767	6.46%	6,302	7.19%	8,306	9.6%	9,144	9.04%	15,532	13.02%	32,064	17.33%	—	—
جین مت	848	1.15%	1,008	1.15%	963	1.11%	916	0.91%	1,025	0.86%	1,301	0.7%	—	—
زرتشتیت	51	0.07%	65	0.07%	58	0.07%	39	0.04%	65	0.05%	—	—	—	—
یہودی	2	0%	—	—	16	0.02%	0	0%	5	0%	—	—	—	—
بدھ مت	0	0%	0	0%	10	0.01%	0	0%	9	0.01%	—	—	—	—
احمدیہ	—	—	—	—	—	—	—	—	—	—	—	—	1,848	0.09%
دیگر مذیب	4	0.01%	1	0%	0	0%	0	0%	0	0%	4,587	2.48%	315	0.02%
کل آبادی	73,795	100%	87,688	100%	86,483	100%	101,142	100%	119,284	100%	185,042	100%	2,097,824	100%