الٰہی بخش سومرو

الٰہی بخش سومرو
معلومات شخصیت
پیدائش	15 مئی 1926ء (98 سال)
شہریت	پاکستان برطانوی ہند
جماعت	مسلم لیگ
مناصب
مکلم ایوان زیریں پاکستان
برسر عہدہ 16 فروری 1997  – 20 اگست 2001
عملی زندگی
مادر علمی	فورمن کرسچین کالج این ای ڈی یونیورسٹی آف انجینئرنگ اینڈ ٹیکنالوجی
پیشہ	سیاست دان
مادری زبان	اردو
پیشہ ورانہ زبان	اردو

الٰہی بخش سومرو (15 مئی 1926ء - 25 جنوری 2024ء)، شکارپور ، سندھ سے تعلق رکھنے والے پاکستانی سیاست دان اور قانون ساز تھے۔ وہ پاکستان کی قومی اسمبلی کے 16ویں سپیکر تھے۔ ان کا تعلق سندھ کے ایک بااثر سیاسی خاندان سے تھا۔ وہ مولا بخش سومرو کے فرزند اور احمد میاں سومرو کے بھائی تھے اور پیشے کے اعتبار سے انجینئر تھے ۔

سیاسی کیریئر

وہ کئی وفاقی وزارتوں پر فائز رہے ہیں، جن میں وزارت صنعت و پیداوار، وزارت ہاؤسنگ اینڈ ورکس، وزارت دفاعی پیداوار، وزارت آئی ٹی، وزارت سائنس و ٹیکنالوجی، وزارت اطلاعات و نشریات، وزارت پانی و بجلی شامل ہیں۔ وہ ان چند سیاست دانوں میں سے ایک ہیں جو اسلامی جمہوریہ پاکستان کے صدور اور وزرائے اعظم کے بہت قریب رہے ہیں۔ وہ ذوالفقار علی بھٹو کے قریبی اور بچپن کے دوست رہے ہیں، وزیر اعظم کے عہدے کے لیے ضیاء الحق کے پسندیدہ، غلام مصطفی جتوئی کی کابینہ میں پہلے وزیر مقرر کیے گئے تھے، بے نظیر بھٹو انھیں "انکل" کہا کرتی تھیں۔ نواز شریف اور غلام اسحاق خان کے انتہائی قریبی ساتھی رہے ۔ وہ 1980ء کی دہائی میں بھی متعدد بار وزارت عظمیٰ کے لیے مضبوط امیدوار تھے۔ جنرل ضیا الحق کے دور میں حکومت میں پہلی مرتبہ وفاقی وزیر بنے۔ 1985ء میں بلا مقابلہ قومی اسمبلی کے رکن منتخب ہوئے۔ 29 مئی 1988ء کو جنرل ضیا الحق نے جب محمد خان جونیجو کی وزارت کو برطرف کیا اور نگران کابینہ تشکیل دی تو اس میں بھی وزیراطلاعات و نشریات مقرر ہوئے۔ 1990 ء اور پھر 1997ء کے تمام انتخابات میں مسلم لیگ کے ٹکٹ پر قومی اسمبلی کے رکن منتخب ہوئے۔ پرویز مشرف کے دور میں پاکستان مسلم لیگ ق میں شامل ہونے اور مشرف کی چھتری تلے ہونے والے انتخابات میں بھی کامیاب ہوئے اور قومی اسمبلی کے اسپیکر بنے۔ مگر 2007ء میں ہونے والے الیکشن میں اپنی نشست پر کامیابی حاصل کرنے میں ناکام رہے۔

سرکاری ملازمت

سومرو کراچی ڈیولپمنٹ اتھارٹی کے ڈائریکٹر جنرل، سائٹ کے منیجنگ ڈائریکٹر، غلام اسحاق خان انسٹی ٹیوٹ آف انجینئرنگ سائنسز اینڈ ٹیکنالوجی کے ریکٹر، این ای ڈی یونیورسٹی آف انجینئرنگ اینڈ ٹیکنالوجی اور جناح میڈیکل اینڈ ڈینٹل کالج رہے اور سب سے بڑھ کر انھوں نے چار مرتبہ بننے کا ریکارڈ بنایا۔ پاکستان انجینئرنگ کونسل کے کئی بار چیئرمین، ہر ایک تین سالہ مدت کے لیے۔ وہ انسٹی ٹیوٹ آف بزنس مینجمنٹ کراچی کے چانسلر تھے۔

وزیر اعظم کے لیے نامزدگی

2002ء کے انتخابات سے قبل فوج کے اعلیٰ حکام نے وزارت عظمیٰ کے لیے ان کے نام کا اعلان کیا تھا۔ لیکن سومرو 2002ء کا الیکشن ہار گئے اور دعویٰ کیا کہ الیکشن منصفانہ نہیں تھے۔

ذاتی زندگی اور موت

الٰہی بخش سومرو 15 مئی 1926ء کو پیدا ہوئے۔ ان کا انتقال 97 سال کی عمر میں 25 جنوری 2024ء کو دل کا دورہ پڑنے سے ہوا۔ ان کی تدفین جیکب آباد میں کی جائے گی۔

مزید دیکھیے

• پاکستان کی قومی اسمبلی
• پاکستان کی سیاست