چنگیز خان
وکیپیڈیا سے
| وسط ایشیا کے مغل حکمران | |
 |
|
| چنگیز خان | |
| چنگیز خان | |
| جوجی خان تولی خان اوکتائ خان چغتائ خان ہلاکو خان |
|
| قراچار نوئیاں | |
| امیر تیمور | |
| امیر تیمور | |
| امیر جلال الدین میراں شاہ امیر زادہ عمر شیخ شاہ رخ تیموری پیر محمد بن جہانگیر بن امیر تیمور خلیل سلطان الغ بیگ مرزا ابو سعید بن سلطان محمد بن میران شاہ بن امیر تیمور |
|
پیدائش: 1162ء
انتقال: 1227ء
منگول سردار ۔ دریائے آنان کے علاقے میں پیدا ہوا۔ اصلی نام تموجن تھا۔ 1175ء میں تیرہ برس کی عمر میں تخت پر متمکن ہوا۔ چین کو دو دفعہ تاراج کیا اور 18۔1214ء میں دو چینی ریاستوں ہیا اور کن پر قبضہ کر لیا۔ 1219ء میں اس کے چند سفیر ، جو مختلف ممالک میں بھیجے گئے تھے ، قتل ہو گئے۔ اس واقعے نے اس کو تسخیر عالم پر ابھارا اور وہ دنیا کو فتح کرنے کے ارادے سے نکل کھڑا ہوا۔ بخارا اور مرو کے علاقوں کو لوٹا اور ہرات پر قبضہ کر لیا۔ اس کے بعد ترکی اور جنوب مشرقی یورپی ملکوں کا رخ کیا۔ اس کی فوجوں نے جنوبی روس اور شمالی ہند تک یلغار کی۔ 1227ء میں چین پر تیسرے حملے کے دوران میں اس کا انتقال ہوگیا۔
منگولیا کی سرزمین میں مختلف قبائل کی حکومت تھی۔ چنگیز خان نے اپنے حسن تدبر سے ان سب کو یکجا کیا۔ 1206ء میں منگولیا کی تمام قبائلی حکومتوں کے سربراہ دریائے آنان کے منبع کے قریب جمع ہوئے اور انھوں نے اتفاق رائے سے چنگیز خان کو خاقان کا خطاب دیا۔ اس نے فوج کی تنظیم کے جو اصول مقرر کیے وہ صدیوں تک فوجی ماہروں کے لیے مشعل راہ کا کام دیتے رہے۔
