پنڈت کشن مہاراج

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش

ہندوستان کے معروف طبلہ نواز ۔3 ستمبر 1923 کو کشن مہاراج کی پیدائش ایک ایسے خاندان میں ہوئي تھیں جہاں موسیقی سے محبت کی روایت تھی۔ بچپن میں کلاسیکی موسیقی کی تعلیم انہوں نے اپنے والد سے حاصل کی اور والد کے انتقال کے بعد چچا نے موسیقی کے علم کو آگے بڑھایا۔

موسیقی[ترمیم]

محض گیارہ برس کی عمر میں وہ عوامی تقاریب میں اپنے فن کا جوہر دکھانے لگے تھے اور اسی عمر میں اپنے فن کے ذریعہ عوام کو مسحور کرنا شروع کردیا تھا۔ انہوں نے چند ہی سال میں استاد فیاض خان، پنڈت اونکار ناتھ جوشی، وسنت رائے، پنڈت روی شنکر اور استاد علی اکبر خان جیسے نامور موسیقی نوازوں کے ساتھ پروگرام پیش کیے۔

اعزازات[ترمیم]

کشن مہاراج نے شمبھو مہاراج، ستارہ دیوی، نٹراج گوپی کرشن اور پنڈت برجو مہارج جیسے مشہور کلاسیکی رقاصوں کے لیے موسیقی دی۔ انہيں 1973 میں اعلی شہری اعزاز ’پدم شری‘ سے نوازا گیا اور اس کے بعد پھر انہیں 1984 میں مرکزی موسیقی اکادمی ایوارڈ دیا گیا۔4 مئی 2008 کو اکاسی برس کی عمر میں انتقال کر گئے۔