خشونت سنگھ

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش
خُشونت سِنگھ
خشونت سنگھ نئی دہلی میں
پیدائش خشونت سنگھ
2 فروری 1915 (1915-02-02) ‏(99)
ہڈالی ، موجودہ ضلع خوشاب ، برطانوی راج
وفات 20 مارچ 2014 (عمر 99 سال)
قومیت بھارتی
مادر علمی سینٹ رافل کالج دہلی
کنگز کالج لندن
پیشہ صحافی ، مصنف ، تاریخ دان
شریک حیات کاول ملک
دستخط

خشونت سنگھ (پنجابی: ਖੁਸ਼ਵੰਤ ਸਿੰਘ) (پیدائش: 2 فروری 1915ء) ہندوستان کے مشہور مصنف، تاریخ دان اور نقاد۔

تعلیم[ترمیم]

پاکستانی پنجاب کے ضلع خوشاب کے قریب گاؤں ہڈالی میں پیدا ہوئے جہاں انہوں نے اِسکول تک کی تعلیم حاصل کی جس کے بعد وہ گورنمنٹ کالج لاہور چلے گئے۔

برطانیہ میں کیمبرج یونیورسٹی اور انر ٹیمپل میں پڑھنے کے بعد انہوں نے واپس لاہور جا کر وکالت شروع کر دی تاہم تقسیم ہند کے بعد وہ اپنے خاندان سمیت دلی میں بس گئے۔ وہ کچھ عرصہ وزارت خارجہ میں سفارتی عہدوں پر بھی تعینات رہے لیکن جلد ہی سرکاری نوکری کو خیرآباد کہہ دیا۔

صحافتی زندگی[ترمیم]

انیس سو اکیاون میں صحافی کی حیثیت سے آل انڈیا ریڈیو میں نوکری اختیار کر لی جہاں سے ان کے تابناک کیریر کا آغاز ہوا۔ وہ بھارت کے مشہور جریدے السٹریٹڈ ویکلی کے ایڈیٹر رہے اور ان کے دور میں یہ جریدہ شہرت کی بلندیوں پر پہنچ گیا۔ خوشونت سنگھ ہندوستان ٹائمز کے ایڈیٹر بھی رہے۔

خوشونت سنگھ نے تقریبًا تمام مشہور ملکی اور غیر ملکی اخبارات کے لیئے کالم لکھے۔ ان کی کتاب ’ہسٹری آف سکھ‘ یعنی سکھوں کی تاریخ اب تک اس سلسے میں ہونے والا سب سے منجمد کام سمجھا جاتا ہے۔

ادبی خدمات[ترمیم]

انہوں نے کئئ ناول بھی لکھے اور ان کی کتابوں کی کل تعداد 80 ہے۔ ان کے ناول ’ٹرین ٹو پاکستان‘ کو انیس سو چون میں عالمی شہرت یافتہ گروو پریس ایوارڈ دیا گیا۔ان کے دو کالم بھارت کی چالیس انگریزی اخباروں میں چھپتے ہیں۔ اُن کی کتاب "ٹروتھ لو اند ا لٹل مالیس" جس کا ترجمہ نگارشات کر سچ محبت ور ذرا سا کینہ کے نام سے کیا حال پڑنے سے تلک رکھتی ہے آپ کی مشور کتابوں میں دیللی، ڈیتھ اٹ مائی دورسٹیپ بےحد شہرت کا حامل ہیں۔

اعزازات[ترمیم]

خوشونت سنگھ کو انیس سو چوہتر میں پدم بھوشن ایورارڈ دیا گیا جسے انہوں نے 1984 میں گولڈن ٹیمپل آپریشن کے بعد واپس کر دیا[1]۔خوشونت سنگھ کو پنجاب رتن ایوارڈ سے نوازا گیا۔اور انیس سو اسی سے لے کر انیس سو چھیاسی تک وہ راجیہ سبھا کے ممبر بھی رہے۔

وفات[ترمیم]

خوشونت سنگھ نے 20 مارچ 2014 کو اپنی دہلی کی رہائش گاہ پر وفات پائی۔ اُن کی وفات پر بھارت کے صدراور وزیر اعظم سمیت بہت سے لوگوں نے اظہار افسوس کیا۔[2]

حوالہ جات[ترمیم]

  1. ^ کالم: خشونت سنگھ
  2. ^ "President, Prime Minister of India condole Khushwant Singh’s Demise". IANS. news.biharprabha.com. http://news.biharprabha.com/2014/03/president-prime-minister-of-india-condole-khushwant-singhs-demise/۔ اخذ کردہ بتاریخ 20 March 2014. 

بیرونی روابط[ترمیم]