اطلاعاتی طرزیات

آزاد دائرۃ المعارف، ویکیپیڈیا سے
یہاں جائیں: رہنمائی، تلاش کریں

اطلاعاتی ٹیکنالوجی یا Information Technology جس کا اوائل کلمات IT کہا جاتا ہے طرزیات کا ایک ایسا شعبۂ علم ہے جو معلومات و اطلاعات کی تجزیہ کاری سے متعلّق ہوتا ہے۔ اس کو اطلاعاتی و ابلاغی ٹیکنالوجی یعنی Information and Communication(s) Technology بھی کہا جاتا ہے اور اس کا اوائل کلمات ICT کیا جاتا ہے۔ اس کے علاوہ ایشیا میں اسکے لیے Infocomm کا لفظ بھی دیکھنے میں آیا ہے۔

عملی طور پر؛ اطلاعاتی ٹیکنالوجی (انفارمیشن ٹیکنالوجی) کی اصطلاح میں وہ تمام ٹیکنالوجی (ٹیکنالوجی) آجاتی ہیں جو معلومات کی مختلف اقسام (تحریری حقائق / written data، صوتی روابط، عکس متحرک و عکس ساکن، کثیرواسطی نمائش اور وہ جو ابھی نامعلوم ہیں) کی تخلیق، ذخیرہ گری، تبادلہ و نقل اور استعمال سے مطالق ہیں۔ عموماً اس لفظ میں ٹیلیفون اور کمپیوٹر دونوں ٹیکنالوجی (ٹیکنالوجیز) کا مفہوم آتا ہے۔