جیمز ڈی واٹسن

جیمز ڈی واٹسن
(انگریزی میں: James Dewey Watson)
معلومات شخصیت
پیدائشی نام	(انگریزی میں: James Dewey Watson)
پیدائش	6 اپریل 1928 (90 سال)  شکاگو
شہریت	ریاستہائے متحدہ امریکا
رکن	رائل سوسائٹی،قومی اکادمی برائے سائنس،قومی سائنس اکادمی یوکرین،امریکی اکادمی برائے سائنس و فنون،سائنس کی روسی اکادمی
عملی زندگی
مقام_تدریس	انڈیانا یونیورسٹی Cold Spring Harbor Laboratory Laboratory of Molecular Biology جامعہ ہارورڈ جامعہ کیمبرج National Institutes of Health
مقالات	The Biological Properties of X-Ray Inactivated Bacteriophage
مادر علمی	Indiana University Bloomington یونیورسٹی آف شکاگو انڈیانا یونیورسٹی
ڈاکٹری مشیر	سیلواڈور لوریا
ڈاکٹری طلبا	ماریو کیپیکی Bob Horvitz Charles Kurland Peter D. Moore Joan Steitz
قابل ذکر طلبا	رچرڈ جے رابرٹ،فلپ الن شارپ
پیشہ	ماہر حیاتیات،ماہر جینیات،ماہر حیوانیات،حیاتی کیمیا دان،سائنس دان،طبیب،سالماتی حیاتیات دان،استاد جامعہ،کیمیادان،طبیعیات دان،مصنف
پیشہ ورانہ زبان	انگریزی
شعبۂ عمل	وراثیات
ملازمت	جامعہ ہارورڈ،جامعہ کیمبرج
اعزازات
نائٹ کمانڈر آف دی آرڈر آف دی برٹش امپائر فلاڈلفیا لبرٹی میڈل (2000) قومی تمغا برائے سائنس  (1997) میخائیل لومونوسف گولڈ میڈل (1994) کاپلی میڈل (1993) نوبل انعام برائے فزیالوجی اور طب  (1962) رائل سوسائٹی فیلو
دستخط
ویب سائٹ
	IMDB پر صفحہ

• جیمز ڈی واٹسن 1928ء میں امریکہ کے شہر شکاگو میں پیدا ہوئے۔
• اس نے حیاتیات کی تعلیم امریکہ کی انڈیانا یونیورسٹی سے حاصل کی۔ 1951ء میں پی ایچ ڈی کی ڈگری حاصل کرنے کے بعد اس نے برطانیہ میں کیمبرج یونیورسٹی کی ایک تجربہ گاہ میں کام شروع کر دیا جہاں سائنسدان ایکس رے کرسٹیلو گرافی (X-Ray Crystallography) کی مدد سے پیچیدہ مالیکیولوں کی ساخت معلوم کرنے کی کوشش کر رہے تھے۔ ان میں ایک مالیکول یا سالمہ ڈی این اے یعنی ڈی آکسی رائبو نیوکلیک ایسڈ (Deoxyribonucleic Acid) تھا۔ جس کی تصویرکیمبرج یونیورسٹی نے سائنسدانوں کے کامیابی سے حاصل کر لی تھی۔ ڈی این اے میں کسی جاندار چیز کے متعلق معلومات محفوظ ہوتی ہیں۔ ان معلومات کی بنیاد پر یہ معلوم کیا جا سکتا ہے کہ جاندار کس قسم کا ہو گا۔ کئی سالوں تک ڈی این اے کے سالمے کی ساخت سائنسدانوں کے لیے ایک معما بنی رہی اور اس کے بغیر یہ جاننا ممکن نہ تھا کہ ڈی این اے کس طرح نئے جاندار کی نشورنما کے متعلق معلومات کو آگے منتقل کرتا ہے۔

جیمز ڈی واٹسن ، فروری 2003ء)

• واٹسن ایک اور سائنسدان کرک کے ساتھ مل کر ڈی این اے کی ساخت معلوم کرنے میں مصروف ہو گیا۔ انہوں نے ایکس رے سے حاصل ہونے والی معلومات کا جائزہ لینا شروع کیا۔ اور تمام معلومات کی روشنی میں چھوٹی چھوٹی گولیوں اور تنکوں کی مدد سے ڈی این اے کا ماڈل بنانے کی کوشش کی۔ اس کے نتیجے میں ان دونوں کو نوبل انعام سے بھی نوازا گیا۔
• ان دنوں سائنسدانوں کے درمیان ڈی این اے کی ساخت معلوم کرنے کے لیے مقابلہ بڑا سخت تھا اور کسی کو بھی معلوم نہ تھا کہ پہلے ڈی این اے کی ساخت معلوم کرنے کا اعزاز کون حاصل کرتا ہے۔ بالآخر واٹسن اور کرک نے محسوس کیا کی ڈی این اے کا سالمہ یقیناً ایک دوہرے لچھے کی شکل کا ہے۔ بالکل اسی طرح جیسے دو سپرنگ ایک دوسرے کے گرد لپٹے ہوئے ہوں۔ انہوں نے اپنی تحقیق کے نتائج ایک رسالے میں شائع کرا دیے۔ ان کی دریافت کردہ ڈی این اے کی ساخت کیمیائی طور پر قابل قبول ہوئی۔

واٹسن بعد میں امریکہ چلا گیا جہاں اس نے ڈی این اے پر کام جاری رکھا۔ 1968ء میں اسے نیویارک کی ایک تجربہ گا کا ڈائریکٹر بنا دیا گیا۔ بعد ازاں اس نے نیشنل انسیٹیوٹ آف ہیلتھ واشنگٹن میں ایک منصوبے کی قیادت کی جس کا مقصد انسانی جسم میں موجود تمام جینز کی مقامات کی تلاش کرنا اور انہیں سمجھنا تھا۔