بنو قحطان

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش

بنو عدنان ’’جو حضرت اسماعیل کی اولاد میں سے ہیں‘‘ کے مقابلے پر عرب کے دوسرے قبائل بنو قحطان کی مختلف شاخیں ہیں۔ یہ بھی سام بن نوح کی اولاد میں سے ہیں اور ان کا قدیم وطن یمن ہے۔ تہذیب و تمدن کے لحاظ سے یہ سارے عرب میں فائق تھے۔ ملکہ بلقیس بنو قحطان کے ازدی قبیلہ سے تعلق رکھتی تھی۔ قبائل ازد میں سے ایک قبیلے نے مدینے آکر اپنی حکومت قائم کی۔ بنو قحطان کاہی ایک قبیلہ بنو خزاعہ تھا جس نے مکے کا رخ کیا اور بنو جرہم کو وہاں سے بے دخل کرکے اپنا تسلط قائم کیا۔ مدینہ کے مشہور قبیلے بنو اوس اور بنو خزرج بھی بنو قحطان کی ہی شاخیں تھیں۔ ظہور اسلام کے وقت قحطانی قبائل بڑے طاقتور اور سارے عرب پر چھائے ہوئے تھے۔