ضلع مٹیاری
| ضلع مٹیاری | |
| مٽياري | |
| عمومی معلومات | |
| ملک |  پاکستان |
| صدر مقام | مٹیاری |
| صوبہ | سندھ |
| رقبہ | 1417 مربع کلومیٹر |
| آبادی | 5 لاکھ 25 ہزار بمطابق 2009ء |
| منطقۂ وقت | متناسق عالمی وقت +5 |
| ناظم | سید محمد علی شاہ[1] |
| نائب ناظم | نور محمد خان نظامانی |
| تحصیل | 3 ہالا مٹیاری سعید آباد |
 |
|
| صوبہ سندھ کے نقشے میں ضلع مٹیاری کا محل وقوع | |
ضلع مٹیاری پاکستان کے صوبہ سندھ کا ایک ضلع ہے۔ 4 اپریل 2005ء نے جب سابق وزیر اعلی ارباب غلام رحیم کی حکومت نے ضلع حیدرآباد کو چار حصوں میں تقسیم کیا تو تخلیق پانے والے اضلاع میں یہ ضلع بھی شامل تھا۔ منقسم ضلع حیدرآباد کے بطن سے جنم لینے والے ضلع مٹیاری میں مٹیاری اور ہالا کی تحصیلیں شامل کی گئیں جبکہ سعید آباد کی نئی تحصیل قائم کر کے اسے بھی ضلع مٹیاری کا حصہ بنایا گیا۔
ضلع کا کل رقبہ 1417 مربع کلومیٹر ہے، جبکہ اندازا اس کی آبادی 5 لاکھ 25 ہزار سے زائد ہے۔
ضلع مٹیاری کی سرحدیں شمال میں ضلع نواب شاہ، جنوب میں ضلع حیدرآباد، مشرق میں ضلع سانگھڑ اور ضلع ٹنڈو الہ یار اور مغرب میں دریائے سندھ سے ملتی ہیں، جس کے پار ضلع جامشورو واقع ہے۔
فہرست |
[ترمیم] انتظامی تقسیم
انتظامی طور پر ضلع تین تحصیلوں (تعلقوں) میں تقسیم ہے:
جبکہ یہ تین تحصیلیں مزید 19 یونین کونسلوں میں تقسیم ہیں۔
[ترمیم] اہمیت
سندھ کے عظیم صوفی شاعر شاہ عبد اللطیف بھٹائی کے مزار کے باعث اس ضلع کو اہم تاریخی حیثیت حاصل ہے جبکہ ہالا میں مخدوم نوح کی درگاہ اور شاہ عبد اللطیف کی جائے پیدائش ہالا حویلی یہاں کے دیگر تاریخی مقامات ہیں۔
یہ ضلع قومی شاہراہ (این-5) کے ذریعے ملک بھر سے ملا ہوا ہے، جبکہ مرکزی ریلوے لائن بھی اس ضلع سے گزرتی ہے۔
[ترمیم] اہم شخصیات
اس چھوٹے سے ضلع سے متعدد اہم شخصیات ابھر کر سامنے آئی ہیں جن میں سے چند درج ذیل ہیں:
- طالب المولیٰ - مکمل نام مخدوم محمد زمان طالب المولیٰ، تمغۂ پاکستان و ہلال امتیاز یافتہ معروف دانشور، شاعر و رہنما
- مخدوم امین فہیم - وفاقی وزیر تجارت (بمطابق 2009ء)
- مخدوم خلیق الزماں - سابق وزیر اعلی سندھ
[ترمیم] حوالہ جات
- ^ قومی تعمیر نو بیورو ضلع ناظمین کی فہرست - سندھ
|
|||||||||||||
