برینڈن میکولم

برینڈن میکولم
شخصی معلومات
پیدائش	27 ستمبر 1981 (38 سال)  ڈنیڈن
شہریت	نیوزی لینڈ
عملی زندگی
ٹیم
بھارت چنائی سپر کنگز (2014–2015) بھارت کولکتہ نائٹ رائیڈرز (2008–2010) بھارت کولکتہ نائٹ رائیڈرز (2012–2013) نیوزی لینڈ نیوزی لینڈ قومی کرکٹ ٹیم (2004–2016)
پیشہ	کرکٹ کھلاڑی
کھیل	کرکٹ

برینڈن بیری میکولم(تاریخِ پیدائش:27 ستمبر 1981) ایک نیوزی لینڈر کرکٹ کھلاڑی ہے اور نیوزی لینڈ کی کرکٹ ٹیم کا تینوں فارمیٹ(ٹی-20‘ون ڈے اور ٹیسٹ) کا موجودہ کپتان بھی-2013 تک میکو لم وکٹ کیپر بھی رہا ہے -وہ ایک جارح مزاج اوپنر کے طور پر جانا جاتا ہے -

ریکارڈز

• میکولم ٹی -20 فارمیٹ میں دو سنچریاں بنانے والا اور دو ہزار رنز بنانے والا واحد کھلاڑی ہے -
• وہ ٹیسٹ کرکٹ میں ٹرپل سنچری بنانے والا پہلا نیو زی لینڈر بلے باز ہے -
• وہ اپنی ٹیم کو ورلڈ کپ کے فائنل میں لے جانے والا پہلا نیو زی لینڈر کپتان ہے -
• بیس فروری 2015 کو اس نے پچیس گیندوں پر 77 رنز بنا کر ورلڈکپ کی تیز ترین ففٹی اور ایک روزہ کرکٹ کی تاریخ کی تیسری تیز ترین ففٹی بنانے کا اعزاز اپنے نام کیا-(18 گیندوں پر 51 رنز)

کیرئیر

میکولم نے اپنے ایک روزہ کرکٹ کا آغاز سڈنی کرکٹ گراؤنڈ پر17 جنوری 2002 کو آسٹریلیا کے خلاف کھیل کر کیا جبکہ 10 اکتوبر 2004 کو اس نے ہملٹن کے مقام پر جنوبی افریقا کے خلاف اپنا پہلا ٹیسٹ میچ کھیلا-کرک انفو کے اعدادوشمار کے مطابق میکو لم اب تک بانوے (92) ٹیسٹ میچوں کی ایک سو انسٹھ اننگز میں اڑتیس اعشاریہ آٹھ سات کی اوسط سے پانچ ہزار آٹھ سو ستر دوڑیں(رنز) بنا چکا ہے جن میں ایک ٹرپل سنچری‘گیارہ سنچریاں اور اٹھائیس نصف سنچریا ں شامل ہیں جبکہ ون ڈے میں وہ 249 میچوں کی 218 اننگز میں تیس اعشاریہ پانچ چھ کی اوسط سے پانچ ہزار آٹھ سو آٹھ دوڑیں بنا چکا ہے جن میں پانچ سنچریاں اور اکتیس (31)نصف سنچریاں شامل ہیں -ون ڈے میں اس کا سب سے بڑا اسکور 166 ہے -میکو لم اب تک ستر ٹی -20 میچز کی انسٹھ اننگز میں پینتیس اعشاریہ چھ سات کی اوسط سے دو ہزار ایک سو پانچ دوڑیں بھی بنا چکا ہے جن تیرہ نصف سنچریاں اور دو سنچریاں شامل ہیں -

کپتان

میکولم ایک بڑے متحرک کپتان کے طور پر جانا جاتا ہے -وہ مشکل سے مشکل حالات میں بھی اپنے ساتھی کھلاڑیوں کاحوصلہ بڑھانے کی کو شش کرتا رہتا ہے - اپنی ٹیم کو ورلڈ کپ کے فائنل میں لے جانے والا وہ ابھی تک پہلا نیو زی لینڈر کپتا ن ہے -