خلیج عقبہ

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش
خلا سے لی گئی تصویر، بائیں جانب خلیج سوئز اور دائیں جانب خلیج عقبہ ہے

خلیج عقبہ بحیرہ احمر کی ایک خلیج ہے جو جزیرہ نمائے سینا کے مشرقی اور جزیرہ نمائے عرب کے مغربی جانب واقع ہے۔ اس کے ساحلوں سے مصر، اسرائیل، اردن اور سعودی عرب کی سرحدیں لگتی ہیں۔

خلیج عقبہ شمالی بحیرہ احمر میں جزیرہ نمائے سینا کے گرد واقع دو خلیجوں میں سے ایک ہے جس میں دوسری خلیج خلیج سوئز ہے جو سینا کے مغربی جانب ہے۔

خلیج عقبہ زیادہ سے زیادہ 24 کلومیٹر چوڑی اور آبنائے تیران سے شمال کی جانب 160 طویل ہے۔ خلیج کے شمالی حصے پر تین اہم شہر طابا (مصرایلات (اسرائیل) اور عقبہ (اردن) واقع ہیں۔ یہ تینوں شہر نہ صرف اہم تجارتی بندرگاہیں ہیں بلکہ سیاحتی اعتبار سے بھی انتہائی مقبول ہیں۔ جزیرہ نما سینا کا شہر شرم الشیخ بھی اسی خلیج کے کنارے واقع ہے۔

اسرائیل میں اس خلیج کو "خلیج ایلات" کہا جاتا ہے۔ اسرائیل کا شہر ایلات اس کے کنارے پر ہے جہاں سے عام کشتی بھی ایک گھنٹے میں سعودی عرب کی بندرگاہ جدہ پہنچ سکتی ہے اسی لیے ایلات کا شہر اسرائیل کو دینے کے لیے برطانیہ نے اردن اور فلسطین کے بے شمار علاقے کاٹ کر اسرائیل کو دے دیے۔