کنائی لال دتا

کنائی لال دتا
(بنگالی میں: কানাইলাল দত্ত)
معلومات شخصیت
پیدائش	30 اگست 1888ء   چندن نگر ،  ضلع ہوگلی ،  برطانوی ہند
وفات	10 نومبر 1908ء (20 سال)  کولکاتا
طرز وفات	سزائے موت
شہریت	برطانوی ہند
عملی زندگی
مادر علمی	جامعہ کلکتہ
پیشہ	انقلابی
مادری زبان	بنگلہ
الزام و سزا
جرم	قاتلانہ حملہ

کنائی لال دتا (انگریزی: Kanailal Dutta)، پیدائش: 30 اگست، 1888ء - وفات: 10 نومبر، 1908ء) بنگال سے تعلق رکھنے والے ہندوستان کے مشہور انقلابی اور تحریک آزادی ہند کے کارکن تھے۔ کنائی لال دتا 30 اگست 1888ء کو چندن نگر، ہوگلی ضلع، مغربی بنگال، برطانوی ہندوستان میں پیدا ہوئے۔ ان کے والد چنی لال دتا بمبئی میں اکاؤنٹنٹ تھے۔ انھوں نے ابتدائی تعلیم بمبئی سے حاصل کی۔ بعد میں چندن نگر واپس آ گئے۔ انھوں نے 1908ء میں کلکتہ یونیورسٹی سے الحاق یافتہ ہوگلی محسن کالج سے بی اے پاس کیا۔ وہ 1908ء میں برطانوی راج سے آزادی کے لیے کام کرنے والی خفیہ انقلابی تنظیم جوگانتر سے وابستہ ہو گئے۔ تقسیم بنگال کے خلاف مہم میں شامل تھے۔ مئی 1908ء میں کلکتہ میں علی پور بم کیس میں ملزم قرار دیے گئے اور گرفتار ہوئے۔ علی پور جیل میں حراست میں رکھے گئے۔ انھوں نے اسی جیل میں دوسرے ملزم نریندر ناتھ گوسوامی جو سرکاری گواہ بن گیا تھا اسے جیل میں گولی مار کر ہلاک کر دیا۔ ان پر مقدمہ چلا کر موت کی سزا سنائی گئی۔ نومبر 1908ء کو انھیں علی پور جیل، کلکتہ میں پھانسی دے دی گئی۔