ضلع پاکپتن

آزاد دائرۃ المعارف، ویکیپیڈیا سے
یہاں جائیں: رہنمائی، تلاش کریں
ضلع پاکپتن
ضلع پاکپتن

ضلع پاکپتن پاکستان کے صوبہ پنجاب کا ایک ضلع ہے۔ اس کا مرکزی شہر پاکپتن ہے۔پاکپتن کا پرانا نام اجودھن تھا مشہور شہروں میں پاکپتن اور عارف والہ شامل ہیں۔ 1998ء کی مردم شماری میں پاکپتن کی آبادی کا تخمینہ 12,86,680 لگایا گیاتھا۔ ضلع پاک پتن میں عمومی طور پر پنجابی، اردو زبانیں بولی جاتی ہیں۔ پنجابی عام فہم علاقائی زبان ہے جبکہ اروو اکثر لوگ سمجھتے ہیں۔ اس کا رقبہ 2724 مربع کلومیٹر ہے۔ یہاں کی مشہور ترین جگہ دربار بابافریدالدین گنج شکر ہے جوکہ پاکپتن شہر میں واقع ہے۔ پاکپتن شہرمیں ایک مٹی سے بھری ہو‏ئی اونچی پہاڑی نما جگہ بھی ہے جس کو ڈھکی یا النگ (لوکل زبان میں) کہتے ہیں، اسی ڈھکی یا النگ پر حضوربابا فریدالدین کا دربار ہے۔ ایسی ہی ایک اور ڈھکی پاکپتن ضلع کی تحصیل عارف والا کے ایک چھوٹے شہر قبولہ میں بھی ہے۔ ضلع پاکپتن میں دو نہریں پورے ضلع کو سیراب کرتی ہیں۔شروع میں نہرایک ہی ہے جس کا نام “سہاگ پاڑا“ ہے جبکہ کمہاری والا کے مقام پراس سے ایک برانچ نہر نکلتی ہےجس کا نام “کھادربرانچ“ ہے، بڑی نہر کےدونوں طرف واقع گا‎ؤں کے نام گنتی اور ایس پی کے ساتھ درج ہیں، مثلا چک نمبر39ایس پی، چک نمبر6ایس پی، چھوٹی نہر کھادربرانچ کے سیراب شدہ گاؤ‎ں کے ناموں کے ساتھ کے بی لگایا گیا ہے مثلا چک نمبر2 کے بی، چک نمبر11کے بی وغیرہ۔

تحصیلیں

اسے انتظامی طور پر دو تحصیلوں میں تقسیم کیا جاتا ہے۔ جو درج ذیل ہیں۔