اختر حمید خان (15 جولائی1914ء – 9 اکتوبر1999ء) ایک پاکستانی ترقی پسند کارکن اور سائنسدان تھے، جنہیں ترقی پزیر ممالک میں چھوٹے قرضوں، چھوٹی مالیاتی امدادی پروگراموں، کسان کے تعاون کے فروغ اور دیہاتی ترقی کے پروگراموں کا بانی بھی کہا جاتا ہے۔
اختر حمید خان 15 جولائی، 1914ء کو آگرہ، برطانوی ہندوستان میں پیدا ہوئے تھے۔ 1936ء میں انھوں نے آئی سی ایس کا امتحان پاس کیا اور سول سروس میں شامل ہو گئے تاہم صرف 9 برس بعد 1945ء میں وہ مستعفی ہو گئے، جس کے بعد انھوں نے محنت مزدوری شروع کر دی۔تقسیم ہند کے بعد انھوں نے مشرقی پاکستان میں اقامت اختیار کی اور کومیلا میں وکٹوریہ کالج کے پرنسپل مقرر ہوئے۔ 1958ء میں انھوں نے کومیلا میں ہی دیہی ترقیاتی اکیڈمی قائم کی۔ اس منصوبے کی کامیابی سے انھیں عالمگیر شہرت حاصل ہوئی اور 1964ء میں انھیں مشی گن اسٹیٹ یونیورسٹیامریکا نے ڈاکٹریٹ کی اعزازی عطا کی۔ مشرقی پاکستان کے بنگلہ دیش بننے کے بعد انھوں نے مشرقی پاکستان سے آنے والوں کے لیے کراچی میں اورنگی پائلٹ پروجیکٹ کے نام سے ایک ادارہ قائم کیاجس سے زندگی کے آخری وقت تک وابستہ رہے۔ اس پروجیکٹ میں لاکھوں افراد کو رہائشی سہولیات میسر آئیں۔[2]
پاکستان 
برطانوی ہند 
عوامی جمہوریہ بنگلہ دیش 
