دودھ

دودھ يا شِير عام طور پر ایک سفید مائع ہوتا ہے جو ممالیہ کے تھن سے نکلتا ہے جیسے کہ گائے کا دودھ یا انسانی دودھ۔ یہ مائع ممالیہ غدودوں میں پیدا ہوتا ہے

غذائیت

دودھ انسانی استعمال کی خوراک میں ایک اہم جز کی حیثیت رکھتا ہے۔ اس میں معدنیات جیسے کیلشیم کی وافر مقدار موجود ہوتی ہے جو ہڈیوں اور دانتوں کی مضبوطی کے لیے نہایت ضروری ہیں۔ اس کے علاوہ دودھ جسم کو پروٹین کی بھی مقدار فراہم کرتا ہے اور جسم کی حیاتیاتی ضروریات کو پورا کرنے میں مدد دیتا ہے۔ ایک تحقیق میں یہ بات ثابت ہوئی ہے کہ دودھ کا ایک گلاس روزانہ استعمال کرنے پر جسم کی %44 حیاتیاتی ضروریات پوری ہو جاتی ہیں۔ دودھ کی بعض اقسام میں معدنیات جیسے کیلشیم کی مقدار خاطر خواہ نہیں ہوتی، لیکن پھر بھی ان سے ملائی،پنیر اور ملائی پنیر حاصل ہو سکتا ہے۔

اشتقاقیات

لفظِ 'دودھ' کی جڑ سنسکرت زبان کا لفظ 'دُگدھ' ہے، لیکن اس کی ہند-یورپی جڑیں اور بھی گہری ہیں اور اس سے ملتے جلتے قرابتدار الفاظ کئی ہند-یوروپی زبانوں میں ملتے ہیں۔ بطورِ مثال اوستائی زبان (ایک ہزاروں سال پرانی مشرقی فارسی زبان) میں 'دغد'، وخی میں 'دیغ' اور نئی فارسی میں 'دوغ' (چھاچھ) پائے جاتے ہیں۔

پیداوار

چوٹی کے دس گائے کے دودھ کے پیداکار 2010

ملک	پیداوار (ٹن)
ریاستہائے متحدہ	87,446,130
بھارت	50,300,000
چین	36,036,086
روس	31,895,100
برازیل	31,667,600
جرمنی	29,628,900
فرانس	23,301,200
نیوزی لینڈ	17,010,500
مملکت متحدہ	13,960,000
ترکیہ	12,480,100
دنیا	599,438,003

چوٹی کے دس گائے کے بھینس کے دودھ کے پیداکار 2010

ملک	پیداوار (ٹن)
بھارت	62,400,000
پاکستان	22,279,000
چین	3,100,000
مصر	2,725,000
نیپال	1,066,870
ایران	279,800
میانمار	248,400
اطالیہ	210,200
سری لنکا	46,990
بنگلادیش	36,000
دنیا	92,517,217

دودھ ساخت کا تجزیہ

Milk composition analysis, per 100 grams

Constituents	Unit	گائے	بکری	بھیڑ	بھینس
پانی	g	87.8	88.9	83.0	81.1
پروٹین	g	3.2	3.1	5.4	4.5
فیٹ	g	3.9	3.5	6.0	8.0
----Saturated fatty acids	g	2.4	2.3	3.8	4.2
----Monounsaturated fatty acids	g	1.1	0.8	1.5	1.7
----Polyunsaturated fatty acids	g	0.1	0.1	0.3	0.2
Carbohydrate (i.e the sugar form of lactose)	g	4.8	4.4	5.1	4.9
Cholesterol	mg	14	10	11	8
کیلشیم	mg	120	100	170	195
Energy	kcal	66	60	95	110
	kJ	275	253	396	463

ملاوٹ

پہلے دودھ میں صرف پانی ملایا جاتا تھا مگر زمانے کی ترقی کے ساتھ ملاوٹ میں بھی بڑی ترقی ہو چکی ہے۔ رانا اعجاز حسین (ملتان) کسی بلاگ پر لکھتے ہیں:

"دودھ کی فروخت کے نام پرمکروہ دھندہ کرنے والے عناصرنے محض پیسے کمانے کی خاطر اپنے گھروں میں دودھ کی مشینیں لگا رکھی ہیں۔ یہ بے ضمیر لوگ انتہائی سستے داموں غیر معیاری کھلاخشک دودھ خرید کر ایک کلو پاؤڈر میں 16سے18لٹر پانی ملا کر دودھ تیارکرتے ہیں۔ اس کے علاوہ دودھ کی مقدار کو بڑھانے، گاڑھا کرنے اور خالص شکل میں لانے کے لیے سرف، گھی، میٹھا سوڈا، چینی، سوڈیم کلورائیڈ، یوریا کھاد، بلیچنگ پاوڈر، پوٹاشیم ہائیڈرو آکسائیڈ، سوڈیم ہائیڈرو آکسائیڈ اور مکئی کا آٹا استعمال کرتے ہیں اور ایک من دودھ میں 220گرام کھویا، سنگھاڑوں کا آٹا، اراروٹ ملاکر دودھ کی قدرتی مٹھاس اور ذائقہ برقرار رکھنے کی کوشش کرتے ہیں۔ اس طرح 2 من بھینسوں کا دودھ حاصل کر کے غیر معیاری ذرائع سے 10 سے 12 من دودھ میں تبدیل کر دیا جاتا ہے"

مزید دیکھیے

• بوہلی
• پنیر
• ملائی