دیپیکا پلیکل کارتیک

دیپیکا پلیکل کارتیک
شخصی معلومات
پیدائش	21 ستمبر 1991ء (34 سال)  چنئی
شہریت	بھارت
شوہر	دنیش کارتیک (2015–)
والدہ	سوسان اتیچیریا
مادر علمی	ایتھیراج کالج برائے خواتین
عملی زندگی
شرکت	ایشیائی کھیل 2010ء ایشیائی کھیل 2014ء دولت مشترکہ کھیل، 2018ء دولت مشترکہ کھیل، 2010ء دولت مشترکہ کھیل، 2014ء ایشیائی کھیل2018ء
پیشہ	اسکواش کھلاڑی
کھیل	اسکوائش
کھیل کا ملک	بھارت
اعزازات
ارجن ایوارڈ   (2012)  پدم شری اعزاز برائے کھیل

دیپیکا پلیکل کارتیک (قبل از شادی: پلیکل؛ پیدائش: 21 ستمبر، 1991ء) ایک بھارتی اسکواش کھلاڑی ہے۔ وہ پہلی بھارتی ہے جس کو خواتین کے اسکواش کی سرکاری عالمی رینکنگ کی سب سے اعلٰی دس مقامات میں جگہ ملی۔

دیپیکا کو شہرت اس وقت ملی جب وہ تین وِیسپا دورے کے چار خطابات جیت کر کریئر میں اونچائی پاتے ہوئے 13 ویں مقام پر پہنچی۔ وہ اعلٰی ترین دس مقامات میں اپنی جگہ دسمبر 2012ء میں بنا پائی ہے۔

ابتدائی زندگی

دیپیکا پلیکل چینائی میں ایک ملیالی خاندان میں پیدا ہوئی۔ وہ سنجیو اور سوسان اتیچیریا کی بیٹی ہے، جو دونوں سیرین کرسچن ہیں اور اصالتًا کیرلا کے رہنے والے ہیں۔ اس کی ماں بھارتی خواتین کی کرکٹ ٹیم کے لیے بین الاقوامی کرکٹ کھیل چکی ہے۔ وہ اپنا پہلا بین الاقوامی مقابلہ لندن میں کھیل چکی ہے جب وہ چھٹی جماعت میں تھی۔ اس کے علاوہ وہ یورپی جونیر اسکواش کرکٹ کے کئی ٹورنمنٹ جیت چکی ہے۔

پیشہ ورانہ کریئر

دیپیکا پلیکل ایک پیشہ ور 2006ء میں بن گئی، مگر اس کا کریئر شروع شروع میں اتار چڑاؤ سے بھرا تھا۔ وہ زیادہ مستحکم اور جیت کی جانب زیادہ مائل 2011ء میں ہوئی اپنی مصر کی مختصر تربیت کے بعد ہوئی۔

اہم مقابلے سے لاعلمی کی بنا پر عدم شرکت

ہندوستانی ویمن اسکوائش کھلاڑی دیپیکا پلیکل 2014ء میں کینیڈا میں ہونے والی ورلڈ ٹیم چمپین شپ میں حصہ نہیں لیے سکی کیونکہ وہ اس ٹورنمنٹ کے بارے میں لاعلم تھی۔ کامن ویلتھ گیمس میں گولڈ میڈل جیتنے والی ڈبلز جوڑی جوشنا چنپا اور دیپیکا پر مشتمل تھی۔ دیپیکا کی غیر موجودگی سے ٹیم کمزور ہوپڑ گئی۔ تاہم دونوں سرکردہ اتھیلیٹس ورلڈ چمپین شپ میں شامل رہیں جو 12 تا 20 دسمبر 2014ء کے درمیان قاہرہ (مصر) میں منعقد ہوا۔

دوحہ میں کھیل

اسی سال دوحہ میں دیپیکا کو اس کے مصری حریف یثرب عادل نے کھیل کے 26 ویں منٹ میں 7-11، 7-11، 5-11 سے شکست دے دی۔

2014ء میں دیپیکا کا مجموعی موقف

• 15 اپریل کو مصر کے نورالشربنی نے دیپیکا پلیکل کو ہرا کر ٹیکساس اوپن اسکواش فائنل جیت لیا۔
• 6 مئی کو اسکواش میں عالمی نمبر 6 کا مقام حاصل ہوا۔
• اس کی اہم وجہ یہ کہ سال منعقدہ انچیان ایشیائی کھیلوں میں اس نے کانسی کا تمغا حاصل کیا۔

کھیل کو بدعنوانوں سے پاک رکھنے کے بارے میں خیالات

دیپیکا پلیکل نے مطالبہ کیا ہے کہ اس سے پہلے کہ بھارت کھیل کا ایک طاقتور ملک بن جائے، کھیلوں کو بدعنوانیوں سے پاک کیا جانا چاہیے۔ بحیثیت کھلاڑی وہ سمجھتی ہے کہ یہ ضروری ہے کہ ملک میں اسپورٹس کو بدعنوانیوں سے پاک کیا جائے اور اسپورٹس فیڈریشن میں کھلاڑیوں کی موجودگی ضروری ہے جس کے ذریعے ہی وہ کھلاڑیوں کے ذہن کو پڑھ سکے گا۔ دفترشاہی سے پریشانی کے بارے میں اس کی رائے یہ تھی کہ حکومت کے مالی تعاون کو حاصل کرنے کا آسان طریقہ کار ہونا چاہیے۔

سماجی سرگرمیوں سے وابستگی

دیپیکا سوچھ بھارت ابھیان اور اسی طرح کئی سماجی کاموں سے جڑی ہے۔