فراق گورکھپوری

آزاد دائرۃ المعارف، ویکیپیڈیا سے
Jump to navigation Jump to search
فراق گورکھپوری
150px
پیدائش رگھوپتی سہائے
28 اگست 1896ء
لکشمی بھون، گورکھپور، اتر پردیش، بھارت
وفات 3 مارچ 1982ء (85 سال)
نئی دہلی، بھارت
قلمی نام فراق گورکھپوری
پیشہ

شاعر، مصنف، نقاد، اسکالر، لکچرر،

مقرر
زبان اردو، انگریزی، ہندی
قومیت بھارتی
تعلیم انگریزی ادب میں ایم.اے
اصناف شاعری, ادبی تنقید
نمایاں کام گلِ نغمہ
اہم اعزازات پدم بھوشن (1968)
گیان پیٹھ انعام (1969)
ساہتیھ اکیڈمی ایوارڈ(1970)

دستخط

باب ادب

فراق گورکھپوری (پیدائش: 28 اگست 1896ء– وفات: 3 مارچ 1982ء) مصنف، ادیب، نقاد اور شاعر تھے۔ اُن کا شمار بیسویں صدی کے اردو زبان کے صفِ اول کے شعرا میں ہوتا تھا۔

شاعری[ترمیم]

جدید شاعری میں فراق کا مقام بہت بلند ہے۔ آج کے شاعری پر فراق کے اثر کو باآسانی محسوس کیا جاسکتا ہے۔ بہترین شخصیت کے مالک تھے حاضر جوابی میں ان کا مقابلہ کرنے والا کوئی نہیں تھا۔ بین الاقوامی ادب سے بھی شغف رہا۔ تنقید میں رومانی تنقید کی ابتدا فراق سے ہوئی۔

حالات زندگی[ترمیم]

فراق پی سی یس اور آئی سی یس (انڈین سول سروس) کے لیے منتخب ہوئے تھے۔ لیکن گاندھی جی کی تحریک عدم تعاون کی مخالفت میں استعفا دے دیا۔ جس کی پاداش میں انھیں جیل جانا پڑا۔ اس کے بعد وہ الہٰ اآباد یونیورسٹی میں انگریزی زبان کے لکچرر کے طور پر خدمات انجام دیں۔ یہیں پر انہوں نے بہت زیادہ اردو شاعری کی۔ جس میں آپ کی شہر آفاق کتاب گل نغمہ بھی شامل ہے۔ جس کو ہندوستان کا اعلی معیار ادب گیان پیٹھ انعام بھی ملا۔ اور وہ آل انڈیا ریڈیو کے پروڈیوسر بھی رہے۔

بطور ممتاز شاعر انہوں نے اردو شاعری کی اہم اصناف مثلاً غزل، نظم، رباعی اور قطعہ میں کے وہ ایک منفرد شاعر ہیں جنہوں اردو نظم کی ایک درجن سے زائد اور اردو نثر کی نصف درجن سے زائد جلدیں ترتیب دیں اور ہندی ادبی اصناف پر متعدد جلدیں تحریر کیں، ساتھ ہی ساتھ انگریزی ادبی وثقافتی موضوعات پر چار کتابیں بھی لکھیں۔

وفات[ترمیم]

فراق کا انتقال طویل علالت کے بعد 3 مارچ 1982ء کو 85 سال کی عمر میں نئی دہلی میں ہوا۔ میت الہ آباد لے جائی گئی جہاں دریائے گنگا اور دریائے جمنا کے سنگم پر نذر آتش کیا گیا۔[1]

تصانیف[ترمیم]

  • گل نغمہ
  • گل رعنا
  • مشعل
  • روح کائنات
  • روپ
  • شبستان
  • سر غم
  • بزم زندگی رنگ شاعری

اعزازات[ترمیم]

  • 1960: ساہتیہ اکیڈمی ایوارڈ
  • 1968: پدم بھوشن
  • 1968: سویت لینڈ نہرو ایوارڈ
  • 1969: گیان پیٹھ انعام، اردو شاعری میں پہلا گیان پیٹھ انعام[2]
  • 1981: غالب اکیڈمی ایوارڈ

حوالہ جات[ترمیم]

  1. مالک رام: تذکرہ ماہ و سال، صفحہ 294۔ مطبوعہ دہلی، 2011ء۔
  2. http://jnanpith.net/laureates/index.html