جواہر لعل نہرو

پنڈت
جواہر لعل نہرو
(ہندی میں: जवाहरलाल नेहरू)
مناصب
رکن مجلس دستور ساز بھارت
برسر عہدہ 6 جولا‎ئی 1946  – 24 جنوری 1950
وزیر اعظم بھارت (1  )
برسر عہدہ 15 اگست 1947  – 27 مئی 1964
گلزاری لال نندا
وزیر خارجہ بھارت
برسر عہدہ 15 اگست 1947  – 27 مئی 1964
گلزاری لال نندا
وزیر خزانہ
برسر عہدہ 24 جولا‎ئی 1956  – 30 اگست 1956
وزیر دفاع
برسر عہدہ 31 اکتوبر 1962  – 14 نومبر 1962
یشوانترو چاون
معلومات شخصیت
پیدائش	14 نومبر 1889ء   الہ آباد
وفات	27 مئی 1964ء (75 سال)  نئی دہلی
وجہ وفات	دورۂ قلب
مدفن	راج گھاٹ
طرز وفات	طبعی موت
رہائش	الہ آباد نئی دہلی
شہریت	برطانوی ہند (–14 اگست 1947) بھارت (26 جنوری 1950–) ڈومنین بھارت (15 اگست 1947–26 جنوری 1950)
نسل	کشمیری پنڈت
مذہب	ہندومت
جماعت	انڈین نیشنل کانگریس
رکن	امریکی اکادمی برائے سائنس و فنون ،  فیبین
زوجہ	کملا نہرو (–28 فروری 1936)
اولاد	اندرا گاندھی
والد	موتی لال نہرو
بہن/بھائی	کرشنا ہیتھیسنگ ،  وجیا لکشمی پنڈت
خاندان	نہرو گاندھی خاندان
عملی زندگی
مادر علمی	سٹی لا کالج ٹرینٹی کالج، کیمبرج (–1910) ہیعرو اسکول (1905–)
تخصص تعلیم	قانون ،علوم فطریہ
تعلیمی اسناد	فاضل القانون ،بی اے
پیشہ	مصنف ،  سیاست دان ،  آپ بیتی نگار ،  بیرسٹر ،  ٹریڈ یونین پسند ،  حریت پسند
پیشہ ورانہ زبان	انگریزی ،  ہندی
شعبۂ عمل	علوم فطریہ
کارہائے نمایاں	تلاش ہند
مؤثر	برٹرینڈ رسل
اعزازات
بھارت رتن   (1955)  بنٹانگا جاسا
نامزدگیاں
نوبل امن انعام   (1961) نوبل امن انعام   (1960) نوبل امن انعام   (1955) نوبل امن انعام   (1954) نوبل امن انعام   (1953) نوبل امن انعام   (1951) نوبل امن انعام   (1950)
دستخط
	IMDB پر صفحات

جواہر لعل نہرو بھارت کے پہلے وزیر اعظم تھے۔ وہ انڈین نیشنل کانگریس کے رہنما اور تحریک آزادی ہند کے اہم کردار تھے۔ اپنی زندگی میں وہ پنڈت نہرو یا پنڈت جی کے نام سے بھی جانے جاتے تھے۔

طفولیت

جواہر لعل نہرو 14 نومبر 1889ء کوبرطانوی ہند کے شہر الٰہ آباد میں پیدا ہوئے۔ ان کے والد، موتی لال نہرو (1861–1931)، جو ایک کشمیری پنڈت کمیونٹی سے تعلق رکھتے تھے، آزادی کی جدوجہد کے دوران میں انڈین نیشنل نیشنل کانگریس کے صدر کے طور پر دو مرتبہ خدمات انجام دیں۔ اس کی والدہ، سوپرپنانی تھسو (1868–1938)، جو لاہور میں آباد ایک معروف کشمیری برہمن کے خاندان سے آئی تھی، موتی لال کی دوسری بیوی تھی، پہلی بیوی بچے کی پیدائش کے بعد مر گئی۔ جواہر لال تین بچوں کی سب سے بڑا تھا، جن میں سے دو لڑکیاں تھیں۔ بڑی بہن، وشیا لکشیمی، بعد میں اقوام متحدہ کی جنرل اسمبلی کی پہلی خاتون صدر بن گئی۔ سب سے چھوٹی بہن، کرشنا ہیتھیسنگ، ایک معتبر مصنف بن گئی اور اس نے بھائی پر کئی کتابیں لکھی تھیں۔

سیاسی جدوجہد

1912 میں انھوں نے ایک مندوب کے طور پر بانکی پور کانگریس میں شرکت کی اور 1919 میں الہٰ آباد میں ہوم رول لیگ کے سکریٹری بن گئے۔ 1916 میں پہلی مرتبہ ان کی ملاقات گاندھی جی سے ہوئی اور ان سے انھیں کافی ترغیب حاصل ہوئی۔ انھوں نے 1920 میں اترپردیش کے ضلع پرتاپ گڑھ میں اولین کسان مارچ کا اہتمام کیا۔ انھیں 1920_1922 میں تحریک عدم تعاون کے سلسلے میں دو مرتبہ جیل بھیجا گیا۔

ستمبر 1923 میں پنڈت نہرو آل انڈیا کانگریس کمیٹی کے جنرل سکریٹری مقرر کیے گئے۔ انھوں نے 1926 میں اٹلی، سویٹزرلینڈ، انگلینڈ، بیلجیم، جرمنی اور روس کا دورہ کیا۔ بیلجیم میں انھوں نے برسلز میں انڈین نیشنل کانگریس کے سرکاری نمائندے کے طور پر دبی کچلی قوموں کی کانگریس میں شرکت کی۔ انھوں نے 1927 میں ماسکو میں اکتوبر کے سوشلسٹ انقلاب کی تقریبات کی دسویں سالگرہ میں بھی شرکت کی۔ اس سے قبل 1926 میں مدراس کانگریس میں، نہرو کانگریس کو آزادی کو بطور نصب العین اختیار کرنے کے لیے راغب کرنے میں کافی سرگرم رہے تھے۔ 1928 میں لکھنؤ میں سائمن کمیشن کے خلاف ایک جلوس کی قیادت کرتے ہوئے ان پر لاٹھی چارج ہوا۔ 29 اگست 1928 کو انھوں نے آل پارٹی کانگریس میں شرکت کی اور بھارتی آئینی اصلاحات کے سلسلے میں نہرو رپورٹ پر دستخط کرنے والوں میں ان کا بھی نام شامل تھا۔ یہ رپورٹ ان کے والد موتی لال نہرو کے نام سے موسوم تھی۔ اسی سال انھوں نے ’انڈیپینڈینس فار انڈیا لیگ‘ قائم کی جو بھارت کو برطانوی بالادستی سے مکمل طور پر علاحدہ کرنے کی حمایت کرتی تھی اور اس کے جنرل سکریٹری مقرر ہوئے۔

1929 میں پنڈت نہرو، انڈین نیشنل کانگریس کے لاہور اجلاس کے صدر منتخب ہوئے۔ اسی اجلاس میں ملک کے لیے مکمل آزادی کو بطور نصب العین اختیار کیا گیا۔ 1930–35 کے دوران، نمک ستیا گرہ اور کانگریس کے ذریعہ شروع کی گئی دیگر تحریکات کی پاداش میں انھیں کئی مرتبہ جیل بھیجا گیا۔ 14 فروری 1935 کو الموڑا جیل میں انھوں نے اپنی ’خودنوشت سوانح عمری‘ مکمل کی۔ جیل سے باہر آنے کے بعد وہ اپنی علیل اہلیہ کی عیادت کے لیے سویٹزرلینڈ گئے اور فروری۔ مارچ 1936 میں لندن کا دورہ کیا۔ جولائی 1938 میں وہ ہسپانیہ گئے جب ملک خانہ جنگی کے عہد سے گذر رہا تھا۔ دوسری عالمی جنگ کے آغاز سے فوراً پہلے انھوں نے چین کا بھی دورہ کیا۔

31 اکتوبر 1940ء کو پنڈنت نہرو کو برطانوی ہند کو زبردستی جنگ میں شامل کرنے کے خلاف احتجاج کے طور پر کیے گئے انفرادی ستیا گرہ کی پاداش میں گرفتار کر لیا گیا۔ انھیں دسمبر 1941ء میں دیگر رہنماؤں کے ساتھ انھیں بھی رہا کر دیا گیا۔ 7 اگست 1942ء میں پنڈت نہرو نے بمبئی میں اے آئی سی سی کے اجلاس میں اپنی تاریخی ’ہندوستان چھوڑو‘ قرارداد پیش کی۔ 8 اگست 1942ء کو انھیں دیگر رہنماؤں کے ساتھ گرفتار کرکے احمدنگر قلعہ لے جایا گیا۔ یہ ان کی طویل ترین اور آخری گرفتاری تھی۔ مجموعی طور پر وہ نو مرتبہ جیل گئے۔ جنوری 1945 میں جیل سے رہا ہونے کے بعد انھوں نے آئی این اے کے ان افسروں اور اہل کاروں کے دفاع کے لیے ایک قانونی دفاعی محاذ قائم کیا جن پر ملک سے غداری کا الزام عائد کیا گیا تھا۔ مارچ 1946ء میں پنڈت نہرو نے جنوب مشرقی ایشیا کا دورہ کیا۔ 6 جولائی 1946ء کو وہ چوتھی مرتبہ کانگریس کے صدر منتخب ہوئے اور اس کے بعد مزید تین مدت کار یعنی 1951 سے 1952 تک کے لیے از سر نو منتخب ہوئے۔

جسونتھ سنگھ کی کتاب میں کہا گیا ہے کہ پنڈت جواہر لعل نہرو کی مرکزیت کی پالیسی نے تقسیم ہند کو جواز فراہم کیا۔

نہرو اور بھارتی سیاست

وہ 1947ء سے 1964ء تک بھارت کے وزیر اعظم رہے۔ بھارت میں جمہوری نظام کو مستحکم کرنے میں ان کا کردار ہے۔ کشمیر کا مسئلہ حل کرنے اور پاکستان کے ساتھ بہتر تعلقات کے ضمن میں وہ اتنے پرجوش نہ تھے۔

یوم اطفال

نہرو کو بچوں سے بے حد لگاؤ تھا۔ ان کی یوم پیدائش 14 نومبر کو بھارت میں یوم اطفال منایا جاتا ہے۔

وفات

جواہر لعل نہرو کی وفات 27 مئی 1964ء میں ہوئی۔

مزید دیکھیے

• جناح: اتحاد سے تقسیم تک (سوانح عمری قائدِ اعظم)

حوالہ جات

• Nehru: The Invention of India by Shashi Tharoor (نومبر 2003) Arcade Books ISBN 1-55970-697-X
• Jawaharlal Nehru (Edited by S. Gopal and Uma Iyengar) (جولائی 2003) The Essential Writings of Jawaharlal Nehru اوکسفرڈ یونیورسٹی پریس ISBN 0-19-565324-6
• Autobiography:Toward freedom، اوکسفرڈ یونیورسٹی پریس

بیرونی روابط

• Jawahar Lal Nehru's Biographyآرکائیو شدہ بذریعہ indohistory.com
• Jawaharlal Nehru University