شافعی

شریعت اسلامی کی اصطلاح میں امام شافعی کی فقہ پر عمل کرنے والے مسلمان شوافع کہلاتے ہیں۔

پس منظر

اہلسنت والجماعت کے چار ائمہ ہیں:

1. امام اعظم ابو حنیفہ رحمۃ اﷲ علیہ (م 150 ھ)
2. امام مالک رحمۃ اﷲ علیہ ( م 189 ھ)
3. امام شافعی رحمۃ اﷲ علیہ (م 204 ھ)
4. امام احمد بن حنبل رحمۃ اﷲ علیہ (م 241 ھ)

ان ائمہ کرام نے اپنی خداد داد علمی و فکری صلاحیتوں اور مجتہدانہ بصیرت کی بناء پر اپنے اپنے دور میں حسب ضرورت قرآن و حدیث سے مسائل فقہ مرتب کئے، یوں ان ائمہ کے زیر اثر چار فقہی مکاتب فکر وجود میں آئے۔

• امام اعظم کے مقلدین حنفی کہلاتے ہیں۔
• امام مالک کے مقلدین مالکی کہلاتے ہیں۔
• امام شافعی کے مقلدین شوافع کہلاتے ہیں۔
• امام احمد بن حنبل کے مقلدین حنبلی کہلاتے ہیں۔

آج کے دور میں

فقہ شافعی کے ماننے والوں کی تعداد فقہ حنفی کے بعد سب سے زیادہ ہے اور آج کل ان کی اکثریت ملائشیا، انڈونیشیا، حجاز، مصر و شام اور مشرقی افریقہ میں ہے۔

اہم کتابیں

• کتاب الام
• الرسالہ