کھاریاں
| شہر | |
| ملک |  پاکستان |
| صوبہ | پنجاب |
| ضلع | گجرات |
| منطقۂ وقت | پاکستان کا معیاری وقت (UTC+5) |
کھاریاں پاکستان کے صوبہ پنجاب کا ایک شہر ہے جو ضلع گجرات میں واقع ہے۔ یہ گجرات سے 37.7 کلو میٹر کے فاصلے پر واقع ہے۔یہ تحصیل کھاریاں کا صدر مقام ہے۔ یہ ایک تاریخی شہر بھی ہے۔ اس شہر کے قریب کھاریاں چھاؤنی واقع ہے جو پاکستان کی سب سے بڑی چھاؤنی ہے۔ نشان حیدر پانے والوں میں سے میجر عزیز بھٹی کا تعلق بھی اسی تحصیل سے ہے۔اس شہر کی امن کمیٹی کا چیئرمین ملک محمد علی خیالی ہے۔اس شہر میں پاکستان کی سب سے بڑی فوجی چھاونی بھی موجود ہیں جو اپنی خوبصورتی کے لحاظ سے اپنی مثال آپ ہے
قومی شاہراہ (جی ٹی روڈ) اس شہر کے درمیاں سے گزرتی ہے اور اس کو لاہور، اسلام آباد، پشاور، کراچی اور پاکستان کے دوسرے بڑے شہروں سے ملاتی ہے۔
کھاریاں ریلوے اسٹیشن پاکستان ریلویز کی کراچی - پشاور مرکزی ریلوے لائن پر کھاریاں کے درمیان واقع ہے۔ یہاں چند اکسپريس ٹرینیں روکتیں ہیں۔
کھاریاں پاکستان کی سب سے امیر ترین تحصیل کا اعزاز رکھتی ہے۔جس کی وجہ یہاں کی آبادی کا زیادہ تر حصہ بیرون ملک بسلسلہ روز گار مقیم افراد ہیں۔جو ہر سال کڑوڑں ڈالر زرمبادلہ کے طور پر پاکستان بھیجتے ہیں۔ تحصیل کھاریاں سے تعلق رکھنے والی مشہور شخصیات میں سابق وفاقی وزیر قمر زمان کائرہ، معروف سنگر عارف لوہار اور ان کے والد عالم لوہار، جن کی قبر کھاریاں کے قریب لالہ موسی' میں موجود ہے۔ ان کے علاوہ بھی کھاریاں کی متعدد ایسی شخصیات ہیں جنھوں نے پاکستان کی تاریخ میں اپنا کردار ادا کیا۔
