نظام حیدرآباد

نظام حیدرآباد کا نشان

نظام الملک حیدرآباد جنہیں عموماً نظام دکن کے نام سے بھی جانا جاتا تھا، 1724ء سے 1948ء تک قائم ریاست حیدرآباد کے حاکموں کو کہا جاتا تھا۔ یہ خطاب مملکت آصفیہ کے حکمرانوں کے لیے استعمال ہوتا تھا۔ سطح مرتفع دکن میں یہ حکومت مغلوں کے زیر اثر مقامی نواب میر قمر الدین صدیقی نے قائم کی تھی جنھوں نے 1724ء میں آصف جاہ کا لقب اختیار کیا اور خود مختار ہو گئے۔ یہ 1707ء میں اورنگزیب عالمگیر کے انتقال کے بعد تیموری سلطنت کو پہنچنے والا بہت بڑا دھچکا تھا۔

1798ء کے بعد سے ریاست حیدرآباد برطانوی ہند کے زیر اثر ریاستوں میں سے ایک تھی تاہم نظام داخلی امور خود حل کرتا تھا۔

1947ء میں تقسیم ہند تک دو صدیوں میں سات نظاموں نے حیدرآباد پر حکومت کی۔ تقریباً یہ تمام ہی آصف جاہی حکمران ادب، فن، طرز تعمیر، ثقافت، زیورات و جواہر کے بہت بڑے سرپرست و دلدادہ تھے۔

نظام حیدرآباد کی یہ حکومت 17 ستمبر 1948ء کو بھارت کی عسکری مہم کے خاتمے تک قائم رہی۔ اس کے نتیجے میں نظام کو بھارتی افواج کے سامنے ہتھیار ڈالنے پڑے۔ اقوام متحدہ اور لندن میں حکومت برطانیہ کو بھیجے گئے وفد میں تاخیر کے باعث بھارت کی سرزمین پر اس آزاد ریاست کا وجود ختم ہو گیا۔ ابتدائی طور پر اسے ہندی اتحاد میں شامل کیا گیا اور 1956ء میں لسانی بنیادوں پر توڑ کر پڑوسی ریاستوں آندھرا پردیش، کرناٹک اور مہاراشٹر میں تقسیم کر کے ختم کر دیا گیا۔

حیدراباد

حیدراباد ہندستان کی سب سے امیر اور بڑی ریاست تھی۔ اس کا کل رقبہ 82,698 مربع میل یعنی 214,190 مربع کلومیٹر تھا جس میں تقریباً 16.34 لوگ آباد تھے (بلحاظ 1941ء مردم شماری)۔ حیدراباد میں تقریباً 85 فیصد ہندو آباد تھے۔ ریاست حیدراباد کی اپنی فوج، فضائیہ، ٹیلی مواصلاتی نطام، ریل،ڈاک، کرنسی اور ریڈیو نشر و اشاعت کا انتظام تھا۔ حکومتی انتظام و انصرام، پولس اور فوج کی ہندووں کی بھی نمائندگی تھی۔

تاریخ

نام

نظام اردو زبان کا لفظ ہے اور اردو زبان میں یہ لفظ عربی زبان سے آیا ہے جس کے معنی انتظام و انصرام کے ہیں۔ پہلی دفعہ نظام الملک خطاب کا استعمال 1960ء میں ہوا جس مے معنی ملک کا انتظام کرنے والا ہے۔

نسب اور آمد

سر روپر لیتھ برج نے اپنی کتاب دی گولڈن بک آف انڈیا (1893ء) میں لکھا ہے کہ نظام کا سلسلہ نسب پہلے خلیفہ راشد ابوبکر صدیق سے ملتا ہے۔ نطام حیداراباد کا خاندان سمر قند کے ترکمانی بزرگ عابد خان کی اولادیں ہیں جن کا سلسلہ نسب مشہور صوفی ابوحفص شہاب الدین سہروردی سے ملتا ہے۔ اپنے سفر حج کے دوران میں عابد خان دکن میں قیام پزیر ہوئے جہاں وہ نوجوان شاہزادہ اورنگزیب عالمگیر سے ملے جو اس وقت دکن کے گورنر تھے۔ 1657ء-58ء کی جنگ میں عابد خان اورنگزیب کے شانہ بشانہ لڑے ۔ اورنگزیب کو وہ بہت بھائے اور انھیں اپنا قریبی بنا لیا۔ ان کے بیٹے کی شادی شاہی وزیر اعظم سعد اللہ خان کی بیٹی صفیہ خانم سے ہوئی۔ زوجین سے میر قمرالدین پیدا ہوئے جو آگے چل نظام الملک آصف جاہ اول بنے۔

فہرست نظامین حیدرآباد

تصویر	خطابی نام	ذاتی نام	تاریخ پیدائش	تاریخ آغاز حکمرانی	تاریخ اختتام حکمرانی	تاریخ وفات
	نظام الملک، آصف جاہ اول	میر قمر الدین خان	20 اگست 1671ء	31 جولائی 1720ء	1 جون 1748ء
	نصیر جنگ	میر احمد علی خان	26 فروری 1712ء	1 جون 1748ء	16 دسمبر 1750ء
	مظفر جنگ	میر ہدایت محی الدین سعد اللہ خان	?	16 دسمبر 1750ء	13 فروری 1751ء
	صلابت جنگ	میر سعید محمد خان	24 نومبر 1718ء	13 فروری 1751ء	8 جولائی 1762ء (برطرف کیا گیا)	16 ستمبر 1763ء
	نظام الملک، آصف جاہ دوم	میر نظام علی خان	7 مارچ 1734ء	8 جولائی 1762ء	6 اگست 1803ء
	میر اکبر علی خان سکندر جاہ، آصف جاہ سوم	میر اکبر علی خان	11 نومبر 1768ء	6 اگست 1803ء	21 مئی 1829ء
	نصیر الدولہ، آصف جاہ چہارم	میر فرقندہ علی خان	25 اپریل 1794ء	21 مئی 1829ء	16 مئی 1857ء
	افضال الدولہ، آصف جاہ پنجم	میر تہنیت علی خان	11 اکتوبر 1827ء	16 مئی 1857ء	26 فروری 1869ء
	آصف جاہ ششم	میر محبوب علی خان	17 اگست 1866ء	26 فروری 1869ء	29 اگست 1911ء
	آصف جاہ ہفتم	نواب میر عثمان علی خان	6 اپریل 1886ء	29 اگست 1911ء	17 ستمبر 1948ء (برطرف کیا گیا)	24 فروری 1967

بیرونی روابط

• Asaf Jahi Dynasty with Genealogical Tree and Photosآرکائیو شدہ بذریعہ joyhyderabad.com
• Detailed genealogy of the Nizams of Hyderabad
• Rare colour footage of accession ceremony of the 8th Nizam of Hyderabad in 1967 (YouTube)