کرن ریجیجو

کرن ریجیجو
تفصیل=
وزیر کھیل و امور نوجواں
آغاز منصب 30 مئی 2019
وزیر اعظم	نریندر مودی
راج وردھن سنگھ راٹھور
وزیر اقلیتی امور
آغاز منصب 30 مئی 2019
وزیر اعظم	نریندر مودی
وریندر کمار
وزیر مملکت برائے امور داخلہ (بھارت)
مدت منصب 26 مئی 2014–30 مئی 2019
وزیر اعظم	نریندر مودی
رکن پارلیمان برائے اروناچل غربی
آغاز منصب 16 مئی 2014
مدت منصب 2004–2009
معلومات شخصیت
پیدائش	19 نومبر 1971ء (53 سال)  اروناچل پردیش
رہائش	9, Krishna Menon Marg, New Delhi – 110011
شہریت	بھارت
جماعت	بھارتیہ جنتا پارٹی
عملی زندگی
تعليم	B.A.، LL.B
مادر علمی	دہلی یونیورسٹی فیکلٹی آف لا ہنس راج کالج
پیشہ	سیاست دان
ویب سائٹ
ویب سائٹ	باضابطہ ویب سائٹ

کرن ریجیجو (انگریزی: Kiren Rijiju) (ولادت: 19 نومبر 1971ء) بھارت قانون دان اور سیاست دان ہیں جن کا تعلق بھارتیہ جنتا پارٹی سے ہے۔ وہ بھارت کی ریاست اروناچل پردیش سے سیاست میں ہیں۔

ابتدائی زندگی

کرن ریجیجو کی ولادت 19 نوومبر 1971ء کو اروناچل پردیش کے مغربی کامینگ ضلع کے نفرہ کے نزدیکی گاؤں ناکھو میں ہوئی۔ ان کے والد سری ریچین کھارو اروناچل پردیش کی پہلی اسمبلی کے پہلے پروٹیم اسپیکر تھے جنھوں نے ارکان اسمبلی کو حلف دلوایا تھا۔

اسکول کے زمانہ سے ہی وہ فعال سماجی کارکن رہے ہیں۔ 1987ء میں سوویت اتحاد میں انھوں نے بھارت کی طرف سے بھارت کے میلہ میں حصہ لیا تھا۔ بطور یوتھ لیڈر انھوں نے کئی ممالک کا سفر کیا اور کئی پارلیمانی وفد کے رکن بھی رہے۔ انھیں کھیلوں میں کافی دلچسپی رہی اور اسکول کے ایام میں انھیں بہترین اتھلیٹ کا خطاب ملا تھا۔ انھوں نے قومی کھیل میں بھی حصہ لیا تھا۔

انھوں نے ہنس راج کالج، دہلی یونیورسٹی سے گریجویشن کیا اور لا سینٹر سے لا پاس کیا۔

سیاسی کیرئر

شمال مشرقی بھارت میں انھیں بھارتیہ جنتا پارٹی کا چہرہ مانا جاتا ہے۔ 2000ء تا 2005ء وہ کھادی اور دیہی صنعت کے وزیر رہے۔ اس وقت محض 29 سال کے تھے۔ وہ شمال مشرق کی اواز مانے جاتے ہیں اور پارٹی میں اس حیثیت سے ان کا قد کافی اونچا ہے۔ وہ معاشی موضوعات پر مضامین بھی لکھتے ہیں اور بھارت کے پڑھے لکھے سیاست دانوں میں شمار ہوتے ہیں۔ بھارت کے عام انتخات، 2004ء میں وہ 14ویں لوک سبھا کے لیے منتخب ہوئے اور ایوان میں لوک سبھا کے چوتھے بڑے حلقہ مغربی اروناچل کی نمائندگی کی۔

2004ء تا 2009ء وہ چوٹی کے 5 مخالف سیاست دانوں میں شمار ہوئے جنھوں نے بڑی فعالی سے مباحثوں میں حصہ لیا اور سوالات کیے۔ کئی قومی اخاروں اور مجلوں نے انھیں بہترین جوان سیاست دان کا خطاب دیا۔ بھارت کے عام انتخابات، 2014ء میں بھی منتخب ہوئے اور 16ویں لوک سبھا کا حصہ ہوئے۔ انھوں نے انڈین نیشنل کانگریس کے تکم سنجوئے کو 43,738 ووٹوں سے ہرایا۔ انھیں نریندر مودی کی وزرا کی کونسل میں بحیثیت وزیر دفاع شامل کیا گیا۔ مئی 2019ء میں انھیں وزارت کھیل و امور نوجواں، حکومت ہند اور وزارت اقلیتی امور، حکومت ہند کی ذمہ داری سونپی گئی۔

2017ء میں وہ اس وقت تنقیدوں کا نشانہ بنے جب انھوں نے کہا کہ روہنگنیا کے پناہ گزین غیر قانونی ہیں اور انھیں بے دخل کیا جانا چاہیے۔

ذاتی زندگی

انھوں نے جورام ریجیجو سے 2004ء میں شادی کی۔ ان کی بیوی ایتا نگر میں اسسٹنٹ پروفیسر ہیں۔