رگھوور داس

آزاد دائرۃ المعارف، ویکیپیڈیا سے
Jump to navigation Jump to search
رگھوور داس
Raghuvar Das.jpg 

مناصب
وزیر اعلیٰ جھارکھنڈ (6 )   ویکی ڈیٹا پر منصب (P39) کی خاصیت میں تبدیلی کریں
آغاز منصب
28 دسمبر 2014 
Fleche-defaut-droite-gris-32.png ہیمنت سورین 
  Fleche-defaut-gauche-gris-32.png
معلومات شخصیت
پیدائش 3 مئی 1955 (64 سال)  ویکی ڈیٹا پر تاریخ پیدائش (P569) کی خاصیت میں تبدیلی کریں
جمشیدپور  ویکی ڈیٹا پر مقام پیدائش (P19) کی خاصیت میں تبدیلی کریں
شہریت Flag of India.svg بھارت  ویکی ڈیٹا پر شہریت (P27) کی خاصیت میں تبدیلی کریں
جماعت بھارتیہ جنتا پارٹی  ویکی ڈیٹا پر سیاسی جماعت کی رکنیت (P102) کی خاصیت میں تبدیلی کریں
عملی زندگی
پیشہ سیاست دان  ویکی ڈیٹا پر پیشہ (P106) کی خاصیت میں تبدیلی کریں

رگھوور داس یا رگھوبر داس (ہندی: रघुवर दास) ایک بھارتی سیاست دان جو دسمبر 2014ء سے ریاست جھارکھنڈ کے وزیر اعلیٰ ہیں۔ انہوں نے چھٹے وزیر اعلیٰ کی حیثیت سے حلف لیا تھا۔ ان کا تعلق سیاسی جماعت بھارتیہ جنتا پارٹی سے ہے۔[1] وہ تارا اسٹیل کے سابق ملازم ہیں۔ وہ سنہ 1995ء سے ودھان سبھا حلقے مشرقی جمشید پور سے جھارکھنڈ کی قانون ساز اسمبلی کے رکن ہیں۔ وہ ریاست میں بی جے پی حکومت کے دوران میں نائب وزیر اعلیٰ اور وزیرِ شہری ترقی رہ چکے ہیں۔ وہ ہنگامی صورت حال (25 جون 1975ء) کے وقت کے دوران جیل بھیجے گئے تھے۔

ابتدائی زندگی[ترمیم]

رگھوبر داس دیگر پسماندہ طبقہ کے خاندان سے تعلق رکھتے ہیں۔[2][3] ان کی پیدائش 3 مئی 1955ء کو ایک اسٹیل کمپنی کے مزدور، چون رام کے ہاں ہوئی تھی۔ انہوں نے میٹرک بھالوباسا ہریجن ہائی اسکول سے کیا اور بی ایس سی جمشد پور کاپریٹو کالج سے کیا تھا۔ انہوں نے اسی کالج سے قانون کی تعلیم پائی اور ایل ایل بی سند حاصل کی۔ تعلیم حاصل کرنے کے بعد انہوں نے ٹارا اسٹیل میں مزدور کی حیثیت سے کام کیا۔[4][5]

سیاسی زندگی[ترمیم]

رگھوور داس نے سیاست میں قدم اپنے کالج کے ایام میں رکھا تھا۔ انہوں ریاست میں جے پرکاش نرائن کی قیادت والی کُل انقلاب (سمپورن کرانتی) تحریک میں حصہ لیا تھا۔ انہیں گرفتار اور گیا میں قید کیا گیا اور دوبارہ اندرا گاندھی کی حکومت میں ہنگامی صورت حال کے دوران قیدر کیا گیا تھا۔ آگے چل کر سنہ 1977ء میں رگھوور جنتا پارٹی میں شامل ہوئے۔

بعد ازاں سنہ 1980ء میں ایک بانی رکن کے طور پر انہوں نے بھارتیہ جنتا پارٹی (بی جے پی) میں شمولیت اختیار کی۔ وہ سنہ 1980ء میں ممبئی میں بی جے پی کی پہلی قومی کمیٹی میں شریک تھے۔

انہیں جمشید پور میں سیتارام ڈیرہ کے یونٹ کا چیف مقرر کیا تھا۔ بعد میں وہ شہر جمشید پور کے پہلے بی جے پی کے چیف سیکریٹری اور بعد میں نائب صدر بنے۔

وہ سنہ 1995ء میں مشرقی جمشید پور حلقے سے بہار قانون ساز اسمبلی کے رکن منتخب ہوئے تھے۔ وہ پھر اسی حلقے سے پانچ مرتبہ جیتے تھے۔ انہیں سنہ 2004ء میں جھارکھنڈ کا بی جے پی سربراہ مقرر کیا گیا تھا۔ ان کی سربراہی میں، قانون ساز اسمبلی انتخابات میں بی جے پی نے جھارکھنڈ میں 30 نشستیں جیتی تھیں۔ وہ وزیر اعلیٰ ارجن منڈا کی حکومت میں وزیرِ شہری ترقی بھی تھے۔ انہوں نے 2009ء کے عام انتخابات کے دوران بھی ریاست میں جماعت کی قیادت کی تھی۔ جب شیبو سورین وزیر اعلیٰ جھارکھنڈ تھے تو وہ 30 دسمبر 2009ء سے 29 مئی 2010ء تک نائب وزیر اعلیٰ کے منصب پر فائز تھے۔

انہیں 16 اگست 2014ء کو بی جے پی کی قومی کمیٹی کا نائب بھی مقرر کیا گیا تھا۔ وہ لگ بھگ 21 لاکھ روپے کے اثاثے ظاہر کر چکے ہیں۔ جب بی جے پی کو ریاست جھارکھنڈ میں قانون ساز اسمبلی انتخابات میں بھاری اکثریت ملی تو، وہ دسمبر 2014ء میں ریاست کے چھٹے اور پہلے غیر قبائلی وزیر اعلیٰ بن گئے۔

حوالہ جات[ترمیم]

  1. "Raghuvar Das: The rise of BJP's grassroot worker to Jharkhand CM nominee"۔
  2. "Know Raghubar Das, the first non-tribal Chief Minister of Jharkhand"۔ مورخہ 25 دسمبر 2018 کو اصل سے آرکائیو شدہ۔
  3. Radhika Ramaseshan (26 فروری 2013)۔ "New BJP chief only in March – Rajnath to choose from Prasad, Das and Rai"۔ دی ٹیلی گراف۔ مورخہ 25 دسمبر 2018 کو اصل سے آرکائیو شدہ۔
  4. "Profile of Jhakhand CM designate Raghubar Das"۔ IBNlive۔ 26 دسمبر 2014۔ اخذ شدہ بتاریخ 26 دسمبر 2014۔
  5. "Raghubar Das: Here's all you need to know about the first non-tribal CM of Jharkhand"۔ فرسٹ پوسٹ۔ 26 دسمبر 2014۔ مورخہ 25 دسمبر 2018 کو اصل سے آرکائیو شدہ۔ اخذ شدہ بتاریخ 26 دسمبر 2014۔