حارث بن عمیر ازدی

آزاد دائرۃ المعارف، ویکیپیڈیا سے
(حارث بن عمیر سے رجوع مکرر)
حضرت حارث ؓبن عمیر ازدی
معلومات شخصیت

حارث نام ، باپ کا نام عمیر تھا ، قبیلۂ ازد سے نسبی تعلق تھا۔صحابی رسولﷺ تھے۔

اسلام[ترمیم]

فتح مکہ سے پہلے اسلام لائے۔

سفارت اور شہادت[ترمیم]

آنحضرت ﷺ نے جب سلاطین اور امرء کے پاس دعوتِ اسلام کے خطوط بھیجے تو ایک خط شرجیل بن عمر فرمانروائے بصریٰ کے نام بھی لکھا، حضرت حارثؓ کو اس کے پہنچانے کی خدمت سپرد ہوئی، یہ خط لے کر مقام موتہ پہنچے تھے کہ شرجیل سے ملاقات ہو گئی، اس نے پوچھا کہا ں جا رہے ہو، حارث نے کہا شام ،شرجیل نے کہا تم کسی کے قاصد معلوم ہوتے ہو انھوں نے کہا ہاں رسول اللہﷺ کا قاصد ہوں، یہ سن کر اس نے حارثؓ کی مشکیں کسوا کے قتل کر دیا، حارثؓ تاریخ اسلام میں سب سے پہلے قاصد ہیں جس نے خدا کی راہ میں جام شہادت پیا، آنحضرتﷺ کو ان کی شہادت کی خبر ملی تو آپ کو سخت صدمہ ہوا اور حارث کے خون کے انتقام کے لیے زید بن حارثہؓ کی سرکردگی میں ایک سریہ موتہ روانہ کیا، اسی میں حضرت ؓ زید اور حضرت جعفر طیارؓ وغیرہ شہید ہوئے تھے۔[1]

حوالہ جات[ترمیم]

  1. (ابن سعد،جلد4،ق2،:65،ابن سعد حصہ مغازی میں اس کے تفصیلی واقعات ہیں)