حسان بن ثابت

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش

حسان بن ثابت (وفات: 55ھ بمطابق 674ء) ایک صحابی رسول تھے۔ نام حسان تھا جبکہ ابوالولید کنیت تھی۔ شاعر اور شاعر رسول اللہ القاب تھے۔ قبیلہ بنو خزرج میں مدینہ میں پیدا ہوئے۔ اور آخر عمر میں اسلام لائے۔ ضعف قلب کے باعث کسی غزوہ میں شامل نہ ہوئے اور ہمیشہ جان کے بجائے زبان سے جہاد کیا۔ آپ قریش کے اسلام دشمن شعراء کی ہجو کا مسکت جواب دیتے تھے۔ رسول اللہ صلی اللہ علیہ و آلہ وسلم کی وفات پر حسان نے بڑے پر درد مرثیے لکھے۔ شاعری کے لحاظ سے جاہلیت کے بہترین شاعر تھے۔ کفار کی ہجو اور مسلمانوں کی شان میں بے شمار اشعار کہے ہیں۔ امیر معاویہ کے زمانے میں وفات پائی۔