ضلع کراچی

وکیپیڈیا سے

:چھلانگ بطرف رہنمائی, تلاش

ضلع کراچی
ڪراچي Karachi

عمومی معلومات
ملک	پاکستان
صدر مقام	کراچی
صوبہ	سندھ


محل وقوع	24.5136 درجے شمال 67.036 درجے مشرق
رقبہ	3530 مربع کلومیٹر (1363 مربع میل)
بلندی	8 میٹر (26 فٹ) از سطحِ سمندر
آبادی	18,000,000 بمطابق 2009ءء
زبانیں	اردو سندھی پنجابی پشتو سرائیکی بلوچی انگریزی
منطقۂ وقت	متناسق عالمی وقت +5
رمزِ ڈاک	74700 تا 75600
رمزِ بعید تکلم	0213
ناظم	سید مصطفی کمال
نائب ناظمہ	نسرین جلیل
قصبہ جات	18 اورنگی ٹاؤن بلدیہ ٹاؤن بن قاسم ٹاؤن جمشید ٹاؤن سائٹ ٹاؤن شاہ فیصل ٹاؤن شمالی ناظم آباد ٹاؤن صدر ٹاؤن کورنگی ٹاؤن کیماڑی ٹاؤن گلبرگ ٹاؤن گلشن اقبال ٹاؤن گڈاپ ٹاؤن لانڈھی ٹاؤن لیاری ٹاؤن لیاقت آباد ٹاؤن ملیر ٹاؤن نئی کراچی ٹاؤن



صوبہ سندھ کے نقشے میں کراچی کا محل وقوع
www.karachicity.gov.pk

اس خانے میں: معائنہ · بحث · ترمیم

ضلع کراچی پاکستان کے صوبہ سندھ کا ضلع اور صوبائی دارالحکومت ہے۔ 2000ء میں بلدیاتی نظام متعارف کرائے جانے سے قبل اسے ڈویژن کی حیثیت حاصل تھی، اور اس میں پانچ اضلاع کراچی شرقی، کراچی غربی، کراچی جنوبی، کراچی وسطی اور ضلع ملیر شامل تھے تاہم بلدیاتی نظام متعارف کرائے جانے کے بعد اسے 14 اگست 2000ء کو شہری ضلعی حکومت قرار دے کر 18 قصبہ جات (ٹاؤنز) میں تقسیم کر دیا گیا۔ ان 18 قصبہ جات کے علاوہ شہر میں 6 چھاؤنی علاقے بھی ہیں۔

ضلع کراچی کا کل رقبہ 3530 مربع کلومیٹر ہے جبکہ 2009ء کے اندازوں کے مطابق کل آبادی ایک کروڑ 80 لاکھ ہے۔

رقبے کے لحاظ سے یہ صوبہ سندھ کا سب سے چھوٹا لیکن آبادی کے لحاظ سے نہ صرف سندھ بلکہ پورے پاکستان کا سب سے بڑا اور گنجان آباد ضلع ہے۔ ضلع میں فی مربع کلومیٹر 5 ہزار سے بھی زائد لوگ بستے ہیں۔

یہ ضلع پاکستان کا صنعتی و تجارتی قلب ہے جہاں ملک کی تین میں سے دو بندرگاہیں کراچی بندرگاہ اور بندرگاہ محمد بن قاسم واقع ہیں۔