مصطفی ثالث

مصطفی ثالث
معلومات شخصیت
پیدائش	28 جنوری 1717ء
وفات	21 جنوری 1774ء (57 سال)  توپ قاپی محل
شہریت	سلطنت عثمانیہ
زوجہ	مہر شاہ والدہ سلطان عادل شاہ قادین
ساتھی	مہر شاہ والدہ سلطان عادل شاہ قادین
اولاد	سلیم ثالث ،  خدیجہ سلطان ،  شاہ سلطان ،  بیخان سلطان
والد	احمد ثالث
والدہ	امینہ مہر شاہ سلطان
بہن/بھائی	عبدالحمید اول ،  خدیجہ سلطان ،  ام کلثوم سلطان
خاندان	عثمانی خاندان
مناصب
سلطان سلطنت عثمانیہ
برسر عہدہ 30 اکتوبر 1757  – 21 جنوری 1774
عثمان سوم   عبدالحمید اول
پیشہ ورانہ زبان	عثمانی ترکی
دستخط

سلطان مصطفیٰ ثالث ( پیدائش: 28 جنوری 1717 ء – وفات: 21 جنوری 1774ء) سلطنت عثمانیہ کے چھبیسویں سلطان تھے جنھوں نے 1757ء سے 1774ء تک حکمرانی کی۔ سلطان مصطفیٰ ثالث کا ابتدائی دورِ حکومت سلطنت عثمانیہ کی ترقی و عروج کا زمانہ تھا۔

عہد حکومت

30 اکتوبر 1757ء کو سلطان عثمان ثالث کی وفات کے بعد مصطفیٰ ثالث سلطنت عثمانیہ کے چھبیسویں سلطان کی حیثیت سے حکمران مقرر ہوئے۔ تخت نشینی کے وقت سلطان کی عمر چالیس سال سے زائد ہو چکی تھی۔ اگرچہ مصطفیٰ ثالث ایک طویل عرصہ تک توپ کاپی محل کے ایک گوشے میں نظربند رہے مگر فطری طور پر وہ نہایت باصلاحیت اور قابل انسان تھے۔ ابتدائی چھ سالوں میں نظامِ سلطنت قوچہ راغب پاشا کے ہاتھوں میں رہا اور یہ عرصہ سلطنت عثمانیہ کے عروج و ترقی کا زمانہ تھا۔

قوچہ راغب پاشا کا عہد وزارت

قوچہ راغب پاشا سلطان محمود اول کے آخری دور میں صدر اعظم رہ چکا تھا۔ اپنی غیر معمولی لیاقت و ذہانت، تدبر اور حُسنِ انتظام کے لحاظ سے وہ صدراعظم محمد صوقوللی پاشا اور دوسرے کوپریلی وزراء کا ہم پلہ شمار کیا جاتا ہے۔ چنانچہ سلطان مصطفیٰ نے وزارت پر راغب پاشا کوہی برقرار رکھا اور اپنی بہن صالحہ سلطان کا عقد راغب پاشا سے کر دیا۔ اپنی وفات تک اُس نے سلطنت عثمانیہ کو دوسری سلطنتوں کی آویزش سے محفوظ رکھا اور قیامِ امن کے ساتھ پوری توجہ سلطنت کی فلاح و بہبود پر صَرف کرتا رہا۔ 8 اپریل 1763ء کو راغب پاشا نے وفات پائی۔

مزید دیکھیے

• محمود اول
• عثمان ثالث
• قوچہ راغب پاشا
• سلطنت عثمانیہ

مصطفی ثالث عثمانیہ خاندان پیدائش: جنوری 28, 1717 وفات: جنوری 21, 1774[عمر 57]
شاہی القاب
ماقبل  عثمان ثالث	سلطان سلطنت عثمانیہ اکتوبر 30, 1757 – جنوری 21, 1774	مابعد  عبدالحمید اول
مناصب سنت
ماقبل  عثمان ثالث	خلیفہ اکتوبر 30, 1757 – جنوری 21, 1774	مابعد  عبدالحمید اول

 یہ ایک نامکمل مضمون ہے۔ آپ اس میں اضافہ کر کے ویکیپیڈیا کی مدد کر سکتے ہیں۔