وینکائیا نائیڈو

وینکائیا نائیڈو
مناصب
رکن بھارتی قانون ساز اسمبلی
برسر عہدہ 1978  – 1985
رکن راجیہ سبھا
برسر عہدہ 1998  – 2016
ایچ ڈی دیوے گوڑا   نرملا سیتارمن
رکن راجیہ سبھا
برسر عہدہ 1998  – 10 اگست 2017
آنند شرما
وزیر برائے دیہی ترقی
برسر عہدہ 30 ستمبر 2000  – 30 جون 2002
وزیر برائے پارلیمانی امور
برسر عہدہ 26 مئی 2014  – 5 جولا‎ئی 2016
کمل ناتھ   اننت کمار
وزیر برائے شہری ترقی
برسر عہدہ 26 مئی 2014  – 17 جولا‎ئی 2017
کمل ناتھ   نریندر سنگھ تومر
وزیر اطلاعات و نشریات
برسر عہدہ 5 جولا‎ئی 2016  – 17 جولا‎ئی 2017
نائب صدر بھارت (13  )
برسر عہدہ 11 اگست 2017  – 11 اگست 2022
محمد حامد انصاری
معلومات شخصیت
پیدائش	1 جولا‎ئی 1949ء (75 سال)  نیلور
شہریت	بھارت
جماعت	بھارتیہ جنتا پارٹی
تعداد اولاد	2
عملی زندگی
پیشہ	سیاست دان
اعزازات
پدم وبھوشن   (2024)

وینکائیا نائیڈو ایک بھارتی سیاست دان جو 11 اگست 2017ء سے بھارت کے نائب صدر ہیں۔ اس سے قبل مودی کابینہ میں وزیر سکونت و انسداد شہری غربت، وزیر شہری ترقی اور وزیر اطلاعات و نشریات تھے۔ وہ بھارتیہ جنتا پارٹی کے اہم رہنما ہیں اور 2002ء سے 2004ء تک اس کے قومی صدر تھے۔ وہ اٹل بہاری واجپائی حکومت میں مرکزی وزیر برائے دیہی ترقی بھی تھے۔ 11 اگست 2018ء کو انھوں نے بھارت کے نائب صدر کے طور پر حلف اٹھایا تھا۔

ابتدائی زندگی

وینکائیا نائیڈو یکم جولائی 1949ء کو بھارتی ریاست آندھرا پردیش کے مغربی گوداوری ضلع میں اونگوٹورو میں پیدا ہوئے تھے۔ ان کے والد کا نام آنجہانی رنگائیا نائیڈو اور والدہ کا نام شریمتی رمن اما ہے۔ ان کی پیدائش ایک کسان خاندان میں ہوئی تھی۔ انھوں نے میٹرک تک تعلیم ضلع پرشاد ہائی اسکول، بُچیریڈی پالیم (نیلور) سے حاصل کی۔ اور سیاست میں بیچلر اور سفارتی علوم کی ڈگری وی آر کالج سے حاصل کی۔ بعد ازاں آندھرا یونیورسٹی کالج آف لا، وشاکھاپٹنم سے بین الاقوامی قانون میں تخصّص کے ساتھ بیچلر کیا۔ وہ راشٹریہ سویم سیوک سنگھ میں سویم سیوک تھے اور اپنے کالج کے دنوں میں اکھل بھارتیہ ودیارتھی پریشد میں شمولیت اختیار کی تھی۔ وہ آندھرا یونیورسٹی سے منسلک کالجوں کے اسٹوڈنٹس یونین کے صدر منتخب ہوئے تھے۔ سنہ 1972ء کی جے آندھرا تحریک میں مرکزی کردار ادا کرنے بعد وہ سب کی نظروں میں آ گئے۔ تحریک میں کاکانی وینکٹ رتنم کی سربراہی کے دوران انھوں نے نیلور میں مظاہروں میں سرگرمی سے حصہ لیا۔

سنہ 1974ء میں وہ آندھرا پردیش کی انسداد بدعنوانی جے پرکاش نرائن چھاتر سنگرش سمیتی کے کنوینر بن گئے۔ وہ ہنگامی صورت حال کے خلاف سڑکوں پر نکلے اور گرفتار ہوئے۔ سنہ 1977ء سے سنہ 1980ء تک وہ اس کی یوتھ ونگ کے صدر تھے۔

نجی زندگی

وینکائیا نائیڈو نے 14 جولائی 1971ء کو اوشا نائیڈو سے شادی کی تھی۔ ان کا بیٹا اور بیٹی ہے۔