کامنی کوشل

کامنی کوشل
(ہندی میں: कामिनी कौशल)
معلومات شخصیت
پیدائش	24 فروری 1927ء   لاہور
وفات	14 نومبر 2025ء (98 سال)  ممبئی
شہریت	برطانوی ہند (1927–1947) بھارت (1947–2025)
عملی زندگی
مادر علمی	گورنمنٹ کالج یونیورسٹی لاہور کنیئرڈ کالج
پیشہ	فلم اداکارہ ،  ٹیلی ویژن اداکار ،  ٹی وی پروڈیوسر
پیشہ ورانہ زبان	ہندی
اعزازات
فلم فیئر حاصل زیست اعزاز (2016) 100 خواتین (بی بی سی) (2015) فلم فیئر اعزاز برائے بہترین اداکارہ (برائے:براج باہو ) (1956)
نامزدگیاں
فلم فیئر اعزاز برائے بہترین اداکارہ
	IMDB پر صفحہ

کامنی کوشل (انگریزی: Kamini Kaushal) بھارتی فلمی اداکارہ تھیں۔

حالات زندگی

کامنی ایک پڑھی لکھی فیملی سے تعلق رکھتی تھیں۔ اُنکے والد پنجاب یونیورسٹی لاہور میں باٹنی کے پروفیسر تھے اور انھیں فادر آف انڈین باٹنی بھی کہا جاتا ہے۔ کامنی نے لاہور سے ہی تعلیم حاصل کی۔ انھوں نے انگریزی ادب میں گریجویشن کیا۔ ایک آزاد خیال لڑکی ہونے کے ناطے انھیں لکھنے اور تیرنے کا ہمیشہ سے شوق رہا ہے۔ فلم نیچا نگر میں انھیں چتن آنند نے بریک دیا اور اُنکا حقیقی نام اُما کشیپ سے بدل کر سکرین نام کامنی کوشل رکھ دیا۔ سب کچھ ٹھیک چل رہا تھا کہ اچانک کامنی کی بڑی بہن کی وفات ہو گئی۔ انھوں نے اپنی مرحومہ بہن سے وعدہ کیا تھا کہ وہ ہمیشہ اُنکے بچوں کا خیال رکھیں گی، لہذا' انھوں نے اپنے بہنوئی سے شادی کر لی۔ وہ پہلی ایسی اداکارہ ہیں جو شادی کے بعد بھی لیڈنگ رول میں نظر آئیں۔ فلم شہید کے سیٹ پر اُنکی ملاقات اداکار دلیپ کمار سے ہوئی۔ ایک ساتھ کام کرتے ہوئے دونوں میں محبت ہو گئی۔ دلیپ کمار سے شادی کرنے کے لیے وہ اپنے شوہر کو بھی چھوڑنے کو تیار تھی مگر اُنکے بھائی کو یہ رشتہ منظور نہیں تھا۔ مجبوراً دونوں کو صبر کا گھونٹ بھرنا پڑا۔ عصمت چغتائی نے لکھا تھا کہ دلیپ کمار نے جتنی محبت کامنی کوشل سے کی، اتنی کسی سے نہیں کی۔ ان دونوں کی محبت پر ہدایت کار بی آر چوپڑا نے "گمراہ" نامی ایک فلم بھی بنائی تھی۔ بہت برسوں بعد ایک تقریب میں دلیپ اور کامنی کی ملاقات ہوئی مگر دلیپ صاحب سب کچھ بھول چکے تھے اور انھیں پہچان بھی نہیں سکے، جس کا کامنی کو بہت دکھ ہوا۔ کامنی کوشل حال ہی میں فلم " کبیر سنگھ " میں کبیر کی دادی کے رول میں نظر آئیں۔

مزید دیکھیے

• بھارتی فلمی اداکارا ؤں کی فہرست
• بھارتی سنیما