مقبرہ جہانگیر

جہانگیر دا مقبرہ مقبرۂ جہانگیر
متناسقات	31.6225°N 74.3032°E / 31.6225; 74.3032
مقام	لاہور، پنجاب، پاکستان
قسم	مزار
تاریخ تکمیل	1637 (1637)

مغل بادشاہوں کے مقبرے
نام	تاریخ وفات	مقبرہ
ظہیر الدین بابر	5 جنوری 1531ء	باغ بابر، کابل ، افغانستان
نصیر الدین ہمایوں	27 جنوری، 1556ء	مقبرہ ہمایوں، دہلی، بھارت
جلال الدین اکبر	25 اکتوبر 1605ء	بہشت آباد سکندرہ، آگرہ، بھارت
نورالدین جہانگیر	7 نومبر 1627ء	مقبرہ جہانگیر، لاہور، پاکستان
شہاب الدین شاہجہان	یکم فروری 1666ء	تاج محل، آگرہ، بھارت
محی‌الدین اورنگزیب عالمگیر	3 مارچ 1707ء	خلد آباد، ضلع اورنگ آباد، بھارت

مقبرہ جہانگیر لاہور کو مغلیہ عہد میں تعمیر کیے گئے مقابر میں ایک بلند مقام حاصل ہے۔ یہ دریائے راوی لاہور کے دوسرے کنارے شاہدرہ کے ایک باغ دلکشا میں واقع ہے۔ جہانگیر کی بیوہ ملکہ نور جہاں نے اس عمارت کا آغاز کیا اور شاہ جہاں نے اسے پایہ تکمیل تکمیل پہنچایا۔ یہ مقبرہ پاکستان میں مغلوں کی سب سے حسین یادگار مانا جاتاہے۔

مقبرہ کے چاروں کونوں پر حسین مینار نصب ہیں۔ قبر کا تعویذ سنگ مرمر کا ہے اور اس پر عقیق، لاجورد، نیلم، مرجان اور دیگر قیمتی پتھروں سے گل کاری کی گئی ہے۔ دائیں بائیں اللہ تعالیٰ کے ننانوے نام کندہ ہیں۔

سکھ عہد میں اس عمارت کو بہت نقصان پہنچایا گیا۔ سکھ اس عمارت میں سفید سنگ مرمر سے بنایا گیا سہ نشین اکھاڑ کر امرتسر لے گئے۔ اسی طرح عمارت کے ستونوں اور آرائشات میں استعمال کیے گئے قیمتی جواہرات بھی نکال لیے گئے، تاہم آج بھی یہ عمارت قابل دید ہے۔

مقبرہ کا وہ حصہ جہاں شہنشاہ نورالدین جہانگیر دفن ہے ایک بلند چبوترا بنایا گیا ہے۔ اندر داخل ہونے کا ایک ہی راستہ ہے۔ مزار کے چاروں جانب سنگ مرمر کی جالیاں لگی ہوئی ہیں، جو سخت گرم موسم میں بھی ہال کو موسم کی حدت سے محفوظ رکھتی ہیں۔

مقبرہ جہانگیر کی حدود میں نور جہاں نے ایک خوبصورت مسجد بھی تعمیر کرائی تھی۔ اس مقبرہ میں نور جہاں نے کافی عرصہ رہائش بھی اختیار کی، اس لیے یہاں رہائشی عمارات بھی تعمیر کئی گئی تھیں۔

تصاویر

• 
  مقبرہ جہانگیر 1870ء میں
• 
  1880 میں جہانگیر کے مقبرے کا اگلا حصہ
• 
  1880 میں جہانگیر کے مقبرے کا باغ
• 
  مزار کا بیرونی دروازہ
• 
  جہانگیر کی قبر
• 
  مقبرہ جہانگیر
• 
  مقبرے کا کچھ حصہ
• 
  چار منزلہ مینار
• 
  دیواروں پر کاش کاری کی تفصیل
• 
  مقبرے کے حجرے میں داخل ہونے کا مقام
• 
  خوبصورتی سے جڑی ہوئی سرکوفگس
• 
  عالی شان کی روشن قبر، معافی کی پناہ
• 
  قریب ہی نورجہاں کا مقبرہ
• 
  قبر کے قریب ٹائلوں کے نقش
• 
  Fresco in vestibule of tomb chamber
• 
  Fresco in vestibule of tomb chamber
• 
  Glazed tile kashi inlay in mausoleum verandah

مزید دیکھیے

فہرست مزارات و مقابر، پاکستان