فقہ

حصہ بسلسلہ
اسلامی فقہ (فقہ)
عبادت شہادت نماز رکعت قبلہ تربۃ سنت نماز (تہجد تراویح) وتر نفل نماز] روزہ زکات حج احرام (clothing حج تمتع'') طواف عمرہ (and Hajj)
سیاست Islamic leadership خلافت مجلس شوریٰ امامت ولایت فقیہ بیعت ذمی
خاندان شادی نکاح مہر مسیار حلالہ نکاح عرفی متعہ تعدد ازواج طلاق خلع ظہار عدت کفو متبنی رضاعت جنسی عورت اسقاط حمل بلوغ حیا صفائی عصمت دری زنا مشت زنی
آداب حد توہین رسالت جوا زنا حرب فساد مفسد فتنہ رجم تعزیر قصاص دیت
فہرست 'ادب پردہ محرم (رشتہ) اسلامی القاب بیت الخلا
معاشیات تاریخ زکات جزیہ نصاب خمس صدقہ (وقف) بیت المال بینکاری سود مرابحہ تکافل صکوک وراثت
صفائی جنسی بیت الخلا طہارت احرام وضو مسح غسل تیمم مسواک نجاست خوراک ذبیحہ الکحل سور حلال اور کوشر کا تقابلی جائزہ
عسکری جہاد ہدنہ استجارہ جنگی قیدی
اسلامیات

فقہ شریعت اسلامی کی ایک اہم اصطلاح ہے۔

لغوی معنی

فقہ کا لغوی معنی ہے : ’’کسی شے کا جاننا اور اُس کی معرفت و فہم حاصل کرنا۔‘‘

لفظ فقہ قرآن مجید میں

قرآن حکیم میں درج ذیل مواقع پر یہ لفظ اس معنی میں استعمال ہوا ہے :

1. قَالُوْا يٰشُعَيْبُ مَا نَفْقَهُ کَثِيْرًا مِّمَّا تَقُوْلُ. (هود، 11 : 91)

ترجمہ: وہ بولے، اے شعیب! تمہاری اکثر باتیں ہماری سمجھ میں نہیں آتیں۔

2. قُلْ كُلٌّ مِّنْ عِندِ اللّهِ فَمَا لِهَـؤُلاَءِ الْقَوْمِ لاَ يَكَادُونَ يَفْقَهُونَ حَدِيثًاo (النساء، 4 : 78)

’’آپ فرما دیں (حقیقۃً) سب کچھ اللہ کی طرف سے (ہوتا) ہے۔ پس اس قوم کو کیا ہوگیا ہے کہ یہ کوئی بات سمجھنے کے قریب ہی نہیں آتےo‘‘

3. فَطُبِعَ عَلَى قُلُوبِهِمْ فَهُمْ لَا يَفْقَهُونَo (المنافقون، 63 : 3)

ترجمہ: تو اُن کے دلوں پر مُہر لگا دی گئی سو وہ (کچھ) نہیں سمجھتے۔

لفظ فقہ حدیث نبوی میں

حدیثِ نبوی صلی اللہ علیہ وآلہ وسلم میں بھی فقہ کا لفظ سمجھ بوجھ کے معنی میں استعمال ہوا ہے۔ حضرت معاویہ رضی اللہ عنہ روایت کرتے ہیں کہ رسول اکرم صلی اللہ علیہ وآلہ وسلم نے فرمایا :

مَنْ يُرِدِ اﷲُ بِهِ خَيْرًا يُفَقِّهْهُ فِي الدِّيْنِ. (بخاری، الصحيح، کتاب العلم، باب من يرد اﷲ به خيرا يفقهه فی الدين، 1 : 39، رقم : 71)

ترجمہ: اللہ تعالیٰ جس کے ساتھ بھلائی کرنا چاہتا ہے اسے دین میں سمجھ عطا فرما دیتا ہے۔

لفظ فقہ شرعی اصطلاح میں

اسی لئے شرعی اصطلاح میں فقہ کا لفظ علمِ دین کا فہم حاصل کرنے کے لئے مخصوص ہے۔ (ابن منظور، لسان العرب، 13 : 522)

امام ابو حنیفہ رضی اللہ عنہ فقہ کی تعریف کرتے ہوئے فرماتے ہیں :

الفقه : معرفة النفس، مَالَهَا وما عليها. (الزرکشی، المنثور، 1 : 68)

ترجمہ: فقہ نفس کے حقوق اور فرائض و واجبات جاننے کا نام ہے۔

بالعموم فقہاء کرام فقہ کی اصطلاحی تعریف بیان کرتے ہوئے فرماتے ہیں :

العلم بالأحکام الشرعية العملية من أدلتها التفضيلية.

ترجمہ: (فقہ) شریعت کے وہ فروعی احکام جاننے کا نام ہے جو تفصیلی دلائل سے ماخوذ ہوں۔

خلاصہ

مندرجہ بالا تعریفات واضح کرتی ہیں کہ فقۂ اسلامی سے مراد ایسا علم و فہم ہے، جس کے ذریعے قرآن و حدیث کے معانی و اشارات کا علم ہو جائے اور احکامات کی مخصوص دلائل کے ذریعے معرفت حاصل ہو، جیسے نماز کی فرضیت کا علم اَقِيْمُو الصَّلٰوۃ کے ذریعے حاصل ہوا، زکوٰۃ کی فرضیت کا علم اٰتُوا الزَّکٰوۃَ کے ذریعے حاصل ہوا۔